森美餐廳

營業中

休息中

久不久就會黎依度食嘢, 一來野豬勁鍾意望住佢哋啲figure開餐, 好有做返小朋友嘅感覺, 好開心同舒壓☺️二來佢食物質素確實不錯, 雖然唔會好頻繁, 但幾乎每個月總有一、兩次黎幫襯下。自從疫情過後, 好多人講過話森美變差咗好多, 係咪放咗盤換咗老闆之類的, 嗯其實我知道老闆應該無轉到, 都係同一個家族經營嘅, 但食物同服務方面的而且確係變咗🥲味道我個人感覺係無以前咁出色, 擺盤賣相方面又地道咗少少😅即係其他人講嘅茶記化咗(但真心我又覺得佢好食過茶記好多嘅)🤔但對於民生區嘅餐廳，隨著時間過去又好難避免嘅。或者就好似愛情咁，熱戀期總是美好，但熱情過後，雖然美貌不再身材變樣，但細水流長的感情與回憶，也是令人細味的味道😮‍💨

今晚自己一個戇居居冇人陪我食飯，近近地去左宜間，宜間森美餐廳係荃灣好多年，以前有兩間，宜家得返地下個間我多數食晏就同下午茶，今次晚餐就食佢最出名威靈頓牛柳🐮🐮，大佬呀佢$198有沙律有湯有包有野飲，重點係好食，本身想加錢轉酥皮湯，因為我真係好鐘意食酥皮😋😋，好彩冇轉，正常一個女仔根本食唔哂，加左就變眼闊肚窄大哂鬼🤣🤣ps:食食下見到隔離枱叫左個香蕉窩夫🧇🧇好香，下次call 埋d fd 去，多d 人試試先🥰🥰

5-11-2023 (Sun) 朝同老公去西貢參加細妹婚禮前食個早餐,由於著得grand grand地,唔去快餐店喇,老公話Euro GoGo,我斷言拒絕(上次食評係2023年4月19日刊登嘅呢篇: https://www.openrice.com/zh/hongkong/review/blue-%E5%86%8D%E4%BF%BE%E9%8C%AF%E6%A9%9F%E6%9C%83-e4790553),記得好耐冇嚟嘅呢間,雖說知道早餐冇乜選擇(上次食評係2022年6月13日刊登嘅呢篇: https://www.openrice.com/zh/hongkong/review/yeah-%E7%A9%A9%E9%99%A3-e4418668),睇完menu,由於唔想留肚,所以唔食太多,我就要$40.00嘅芝士滑蛋牛角包,要凍朱古力,老公要$40.00嘅麵餐,要餐肉腸仔出前一丁配餐包,飲凍檸水走甜.冇耐,老公嗰份食物到嚟,然後係我嘅,最後就係飲品.睇見老公嗰份唔係餐包變咗麥包,侍應話係呀,改咗麥包.而我哋唔share,各自各食lu.我嗰份係有沙律菜嘅,先食芝士滑蛋牛角包,食到牛角包有牛油

其實食森美，主要因為佢既豬趴包好食，夠juicy，肉味好香，但近期去食，發覺唔同左，好失望，個包焗到窿曬，d醬又冇乜，連舊豬扒都好硬 唔知係迷係迷轉左師傅 希望遲d有所改進啦😔😔

是日喺假期嘅中午1點前到咗餐廳，但已經滿座，好在早到，等咗唔洗5分鐘就有位。後來嚟嘅人客已經要等，但見都好似2-3個字內都入到座。🔥保雲酥雞扒意粉 ($70) 店員推介嘅保雲酥雞扒，雞扒表面搽上黃芥末再加上滿滿嘅麵包糠幾開胃特別，而且都比想像中大。 雞扒已經好大份最後d意粉食唔哂。 呢個意粉冇汁，但個意粉本身有調味過，見佢有d香草撈咗入去，同埋夠水，所以冇汁都ok👍 🍑蜜桃紅茶餐飲就叫咗蜜桃紅茶少甜，甜度ok，飲到最底仲有d蜜桃粒粒唔錯。餐湯是日係白湯，入面有d粟米同火腿粒都可以，鐘意重口味嘅Yummy就落咗d黑椒。

重量級炸魚薯條真心好好食!魚柳好大塊,炸到金黃色,外皮唔會好厚,面頭仲有啲海苔粉更加好食!食落除咗入味仲好濕潤😍仲有大量嘅薯條新鮮炸出嚟熱辣辣,成個餐食完會覺得好油膩安格斯牛肉芝士漢堡塊扒超級無敵厚😂都幾重牛肉味,不過比較乾身,但整體唔錯,應該會再返嚟食

個meun轉曬唔同以前，雖然價錢係比以前平左好多，但由以前高質cafe質素跌左落茶餐廳質素！雞扒，薯蓉唔知係咪無調過味，好清淡🥹杯latte個咖啡又苦又酸，同以前杯啡差好遠不過如果以價錢甘平黎講叫做坐得舒服既，只要唔好同以前既森美比較就無傷害

由Cafe變到食茶記野咁…啲野又無味上到枱簡直O咀…除咗隻碟大啲個賣相同大家樂大快活無分別啲野啡又甜….真係食茶記好過班底應該全部換晒剩返個裝修….除左坐得舒服少少外…再無野吸引

今日一心想去食最signature嘅森美沙律，可惜原來已經轉晒menu, 唔知係咪連老闆都轉埋，以前舖頭嘅人都完全唔同晒。佢依傢個沙律係平咗，但完全唔係值$108。一直支持呢間小店，應該會到此為止。

星期六黎到華都食Lunch。見華都1樓餐廳食意粉都要$70 80，就索性去地下搵間坐得舒服少少既餐廳。星期六1點去到，好full，咁岩有一枱走左 唔洗等位。張枱都算大，坐得舒服，不過見隔離枱都係要搭枱。環境偏嘈，個人覺得嘈過普通茶餐廳😓食物方面，黑毛豬唔會太瘦，冇食到筋位，有部分位置口感偏淋，不過本身中意食偏淋身，所以幾中意。反而意粉份量偏少🫤，得4啖。女仔飲埋全部湯 飲品先剛好夠飽，如果意粉份量多1倍就好好。意粉好香，不過量真係太少。薄切西冷牛扒$110，有2舊扒，味道肉質正正常常，不過如果依個價錢 寧願試第二個餐

推門走進呢間西餐廳即刻嘩咗一聲！門口通道佈置別出心裁，放置了很多大大小小Figure 嚟做裝飾，而走進餐廳內亦放置不少玩具擺設作點綴，令我印象好深刻，小朋友嚟到一定好鐘意。除咁餐廳佈置吸引外，食物都好有水準，order完食物後服務員送來南瓜湯及自家製麵包。今次點了千島海鮮pizza，喜歡這薄脆的口感配上蟹籽口感豐富。森美沙律，份量非常之大，新鮮足料。芝士薯條，一大班人嚟食必點！卡邦尼意粉，份量比一般西餐大一倍，味道濃郁。炭燒黑毛豬扒，肉質juicy好淋好咬口。環境佈置用心，座位闊落，食物有水準。可惜的是，餐廳將於年三十晚最後營業..........

星期五晚同一班朋友happy friday. 遲1O分鐘到, 已到的朋友們已点了餐, 食緊！ 問点解咁趕, 話餐廳只有9O分鐘用餐時間, 但環顧一周, 得7成滿！到我点餐, 問一位女侍應豬手脆定吾脆, 佢話吾知！ 我請她去問主厨, 一個簡單的問題, 她叫我点另一款食物, 我問她很困難問主厨, 她叫我不要難为她！ 心諗, 客人对食物做法不清楚? 問清楚原來是不合理！都好奇怪的餐廳！另一件事, 有位朋友早我点餐, 但遲了2O分鐘還沒有到餐, 崔了3次, 都未到, 一到, 已立即享用！ 到她一放下餐具, 那位拒絕問主厨的侍應又来叫我們埋單, 說够9O分鐘了！ 我們同她說, 她們的餐来遲了, 她用理所當然的語氣說, 点解我們要分批来, 分批点跟餐！我們登大隻眼, 說第一, 你餐廳還沒有滿 .第二 , 外面沒有等入來的人！ 点解我們一放下餐具就叫我地埋單?最後她死死氣走開！ 想送劉德華一句经典說話給她, 今時今日咁服務態度係吾得！

🔸煙肉忌廉意粉 $48味道正正常常 唔係話超級好食，但係唔差呢個價錢星期六喺荃灣食到西餐廳意粉算係抵食仲要有咖啡送都算大碟，食完都飽🌥下午茶時段：星期一至五 14:30 - 17:15星期六日：15:00 - 17:30🔹環境：好多位，但係都好多人，坐滿要等位可能當日實在太熱，室內冷氣唔夠 冷氣需要改善下🥵-時段及等候時間：星期六 下午 ～10分鐘-味道：6/10性價比：7/10回頭率：3/5-#森美餐廳 📍荃灣西樓角路178-184號華都中心地下A2號舖

今次要介紹嘅都係一間朋友推薦既荃灣西餐廳💁🏻‍♀️呢間鋪頭雖然位置有啲偏僻，但係入邊裝修好靚，價錢都好抵食💕食物質素一般，不過勝在餐廳環境幾大，大枱坐得好舒服👍🏻環境比較昏暗，適合平平同朋友食翻餐慶祝餐✨𝚋𝚝𝚠我地去係𝚕𝚞𝚗𝚌𝚑比較抵食，𝚍𝚒𝚗𝚗𝚎𝚛好似會貴好多🫣🐂美國𝙿𝚛𝚒𝚖𝚎西冷扒$𝟷𝟷𝟾哩度所有肉既餐都可以跟飯/意粉/薯菜✨仲要配埋餐湯同埋嘢飲一杯，性價比幾高👍🏻不過哩款味道方面有𝚍小失望，我地叫左𝟻成但係黎到好似變左𝟽成，同埋口感偏韌🥲個汁係普通嘅燒汁，冇乜特別🐖香煎梅豬扒意粉$𝟽𝟸哩款反而有驚喜💕豬扒超腍✨味道好好😋不過冇霖到意粉完全冇汁配🥹食落有𝚍乾身，希望可以改善🙏🏻🐟刁草忌廉汁盲鰽魚柳$𝟽𝟾魚柳好大舊✨不過調味欠佳，味道太淡🤔跟住再配埋冇咩汁既意粉🤣真係有𝚍 𝚍𝚛𝚢，不過魚柳口感幾好既👍🏻☕️𝙼𝚘𝚌𝚑𝚊（跟餐+$𝟷𝟶）哩個有驚喜✨哩度既野飲意外出色🫢朱古力味好香又濃，同咖啡完美融合，味道唔錯👍🏻我地叫左凍熱各一杯，熱飲奶香重𝚍，凍飲朱古力味出𝚍🍫☕️𝙲𝚊𝚛𝚊𝚖𝚎𝚕 𝙻𝚊𝚝𝚝𝚎（跟餐+$𝟷𝟶）普通好飲既焦糖咖啡👍🏻唔會太甜，造型都幾靚💕+$𝟷𝟶就有其實幾抵

🌞Sammi cafe☀️荃灣篇🗣🗣🗣🗣🗣＊﹉◇﹊◆﹉＊﹊◇﹊◆﹉＊＊﹉◆﹊◇◇﹉以前經過呢間餐廳發現入面有好多庫柏力克熊同埋好多唔同公仔，裝修風格比較cool嘅感覺，好特別幾有特色嘅一間店呀！估唔到完全係一間超平價嘅餐廳來嘅❤️😋😋😋今日嗌咗👇👇👇1.香煎牛肉眼扒$75牛扒口味偏港式茶餐廳食得到嘅牛扒，切的薄薄的，醃得很入味、口感軟嫩，薯條很香脆好吃，副餐還有雜菜湯和麵包，雜菜湯裏面有椰菜紅蘿蔔洋蔥燉得軟爛入味，麵包則是很煙韌配上配上奶油的香氣馬上就吃光了。價格🐽🐽🐽🐽🐽🐽服務🐽🐽🐽🐽餐點🐽🐽🐽裝潢🐽🐽🐽🐽