家宴米缐

營業中

休息中

這個位置原先是一家日本拉麵店🎏中午時分也未能滿座，原先是以為位置問題，穿過超市才到達，與food court相比人流的確較少，但轉為米線店後立馬形勢大好🤣 .米線的確是港人至愛🥰各式配餸、湯底和麵底為這樣美食帶來無窮變化，有口水雞和鹽酥雞的蛋白質之選，另外亦有啖啖肉的牛肉米線。今天想來點健康的就選了素五寶麵，而且光顧素食還可以做善事☺ 🍜這碗麵有生菜、豆卜、冬菇、木耳和腐竹，湯餸麵三樣都是分開，能防止浸至過腍。 加了錢轉薯粉和湯底🥜擔擔麵湯底有花生香，不算太濃稠，薯粉未有掛汁效果。薯粉的質感很煙韌，未會煮得過火。

午餐去九展二樓食街試新開嘅米線，朋友極力推介大汗雞扒配擔擔麵湯底，果然好介紹！炸雞扒係類似台式鹽酥雞扒，炸得好鬆脆，雞扒外脆內滑又保留到肉汁，就算食到最後嗰塊，擺咗一段時間，食落依然係好香脆。米線方面，由於我平日出街都好少食米線，所以只能作非專業評價😛 其實都好食，麪質口感適中，不過擔擔麵湯底味道唔算非常突出，但都食得出花生嘅味道。落完單之後先發現，用手機qr code 落單會有雪糕送。由於店內嘅宣傳單張咁啱全部背向我地枱，所以留意唔到😂 午市時段十分繁忙，用手機落單可能會快啲