陳家樂含淚分手，余香凝疑偷食出軌：「我們因為性格不合已分開一個月」

陳家樂真係一位暖男男友，向來上進又努力工作嘅佢，正在努力儲錢，就係為要5年內娶到女友，可惜最後分手收場。

原來佢哋因為港台劇《總有出頭天》合作時一吻定情，拍拖多年一直都甜甜蜜蜜，不時公開放閃，陳家樂亦經常出面支持女友，幫手宣傳女友嘅工作，好疼錫女友。

上年年中，陳家樂揸車接Jennifer收工時，被人從後撞上石壆，當時坐喺副駕駛座嘅Jennifer更被撞至鼻⻣爆裂，令陳家樂好擔心亦好內疚，仲承諾會照顧女友一生一世，由個日起佢就更加珍惜Jennifer，可惜最後都不敵「性格不合」而分開。

女友被爆出出軌，家樂後來到旺角拍戲，問到佢心情有無好啲時，佢就雙眼通紅咁話唔想回應太多，相信今次嘅分開真係好傷。佢仲話Jennifer係佢最好嘅朋友，佢令自己成長咗好多，會好好祝福佢。