【香港網絡潮語】20個必學潮語讓你溝通無障礙

其實「世一」即係「世界第一」既簡稱，主要係歌迷用黎讚美自己偶像係Number 1，或者對於自己鍾意既事物既一種形容詞語。

「知我咩料啦」來自男團組合ERROR成員193既口頭禪，用黎表達自己好勁好威威。193係ViuTV節目《Error自肥企画》同《考有Feel》中，經常都會聽到佢講「知我咩料啦」。

「自肥」係指利用不正當既手段令到自己得益或中飽私囊。之前就係因為ViuTV節目《Error自肥企画》而令「自肥」再次爆紅而係網絡經常使用。

「前夫」一定成日聽到，依加變成潮語，係因為人氣男團組合MIRROR既出現，導致FACEBOOK一個群組出左名，「我老婆嫁咗比Mirror導致婚姻破裂關注組」，入面既成員普遍係MIRROR既女歌迷另一半，呢班男朋友或者老公就稱呼自己做前度或「前夫」而引來熱話。

「打你咩」來自男團組合ERROR成員Dee既口頭禪，其實係廣東話粗口「X你咩」既諧音，當佢係節目太憤怒但又唔可以講粗口嘅時候，所以衍生出嚟「打你咩」去釋放憤怒。

「我受形柳」其實係同人氣男團組合MIRROR既成員柳應廷（阿Jer）有關係嫁，有一次柳應廷出現係個人歌迷Telegram群組，有個歌迷太激動，心急咁將「我愛牙柳」打成「我受形柳」，後黎就變成歌迷既專屬潮語啦。

「mm7」其實係輸入法代碼，不過又係同人氣男團組合MIRROR既成員柳應廷（阿Jer）有關係，有歌迷係留言既時候打左「MM7」，之後柳應廷仲以「MM7」命名個人歌曲名，咁就變成潮語。

「Siu4」係笑死既諧音，通常都係以文字表達多，意思係勁好笑。同另一個「SLS」既意思差唔多，「Siu Lun Say」 既縮寫，意思就係「笑撚死」。

「Emo」全寫係Emotion Hardcore，早係80年代出現，後來「Emo」音樂流行，「Emo」就代表Emotional，用作形容傷痛、消極、頹廢等等。

「NMSL」係普通話「你媽死了」既拼音，源自於中國網絡，係用作罵人或侮辱對方既意思。有時候亦會同「WSND」、「HIYZ」一齊用，意思係「我是你爹」同「回家養豬」。

「LM」意思係留名既意思，通常會你討論區，或者唔同既社交平台既留言區出現，是留低腳印，之後等通知，跟進其他留言者嘅回覆。

其實「OJ」係OK既意思，因為英文鍵盤中，J同K就係隔離，經常令到人將「OK」打成「OJ」，變相大家就是將錯就錯，直接打「OJ」。

「好99」即係解作好可愛，好QQ，通常係讚揚意思。因為英文字母q同9望落好似樣，「好99」源於Telegram。

「躺平」源自大陸，指年輕人對社會、工作同生活既疲倦，與其要完成其他人既期望，情願選擇「躺平」，不過分追求，降低生活慾望，維持最低標準既生活，比起「佛系」更消極態度。

「阿姨我不想努力了」源自大陸，形容有錢大媽用錢去包養年輕氣盛既小鮮肉陪伴，後來意思變成唔想努力工作，只想享受生活，用身體去換取高物質生活。

「立Flag」代表有人講完一D事情之後，但就出現同講既野完全相反既事。而「Flag」 出自於動漫《龍之塔-烏魯克之盾》主角基魯登塔者隊伍，所有戰鬥前講「我打完這場仗，就回老家結婚」既人，全部都會你戰鬥中當場死。所以衍生出呢個潮語。

「壞過凱婷」係因為一個舊貼衍生出黎既，突然係連登討論區紅左，舊貼內容就係凱婷個朋友講點樣鬥壞，後黎D人就指一個人好壞既時候，就可以話對方係「壞過凱婷」。

之前有條片段係講緊的士司機同一個女乘客既對話而被廣為人知，但其實最初係一套電影《保持通話》中出現。「幫緊你幫緊你」背後意思反而係用作敷衍對方既。

「脫單」係指脫離單身既簡稱，包含擺脫單身、告別單身既含義，一般情況用係祝福人地成功出Pool既意思。

「帽事嘅」既係「無事既」既發音相近，呢度既「帽」字則含有戴綠帽既意思，即暗示另一半有出軌既行為。