余曉彤「打」算洗底

新八模之一的余曉彤（Hidy）認為o靚模風氣已變質，慶幸今年沒有出寫真集參戰！為早日脫離模之列，Hidy銳意轉型做打女，希望在動作片中找到真我！

跳舞歌唱組合OctoBeez成員余曉彤（Hidy）雖然出身o靚模，但今年的全裸寫真集風氣卻令她困擾又苦惱，她揚言要「避一避」：「好恐怖！依家嘅o靚模今非昔比，以前嘅都係會性感示人，着比堅尼影相，但我哋係以青春、健康作賣點，而依家係用脫、裸嚟做競爭，真係好彩我冇出！」

對於平日被人稱為o靚模，Hidy心裏非常難受，因為o靚模已被外界標籤成「全裸」或「肉女」的低俗形象，不想跟她們一起被相提並論：「其實全裸、露晒點可能就一夜成名，係非常簡單，但我就過唔到自己嗰關！」她認為性感要有底線，亦不想令家人擔心：「一嚟過唔到自己嗰關，二嚟身邊嘅人點睇你，自己都要有責任。有人會追求舒適嘅方法，而我就寧願選擇適合自己嘅方式。」

拍日劇露兩手

曬得一身健康膚色的Hidy自小熱愛運動，除了近年愛上潛水，還希望成為出色打女，最重要是希望能脫離o靚模界！公司替她重新改造形象，把一頭長髮剪短，她自言性格男仔頭，剪短髮後外形更討好，很滿意新造型。而曾學泰拳及有跳舞根底的她，耍功夫絕對冇難度，她說：「我鍾意行呢條路，寧願打得辛苦、練得努力，因為係我想做嘅。」她表示已踏了半隻腳入打女路線，並已為一套日劇拍功夫戲，不過，她認為自己功夫未得，現時會多抽時間訓練，希望打出成績！

Profile

姓名：余曉彤（Hidy）

出生：1988年5月13日

三圍：33、24、35

簡歷：新八模成員之一推出首本寫真集，隨後與其中三位成員組成OctoBeez，以跳舞為主，現轉型做打女。