網民熱話：唔想蝕復活節假 過兩個月先離職
20160303
東網電視
更多新聞短片
有打工仔在辭職信中寫明離職日為5月1日，以免損失復活節假期。(「扮工室政治」fb/資料圖片)
得罪老細被迫自動辭職，打工仔可以如何絕地反擊？有人就諗出一條好橋，刻意在辭職信的last day(離職日)一欄註明5月1日，即是兩個月後才離開公司，而且坦白向人事部解釋，因為不想蝕底失去復活節及勞動節假期，務求將老細「激到生蝦咁跳」。有網民認為此舉是「迫老細炒你」，亦有人擔心這種「玩嘢」行為會影響自己找新工，得不償失。
一名在公司人事部工作的網民，在「扮工室政治」facebook專頁貼文，指公司內某職員在農曆年初五拜年時，因醉酒「問候老細的娘親」，結果被老細要求自動辭職。這名職員不但拖延一個星期後才遞上辭職信，信內的last day更是5月1日。由於一般辭職都是1個月通知，貼文者遂要求對方解釋，而該職員竟指是不想蝕去公眾假期。貼文者直斥該職員是「變相迫老細炒你」，並揚言「寫衰ref letter(推薦信)唔好問我呢個小HR(人事部職員)」。
有網民認為事件源於老細太小氣，「腦已經細，氣量更細，飲醉酒失言，咪當聽唔到囉」；亦有人認為該職員是自找麻煩，「條友又底(抵)死既(嘅)，明知十個腦細，十一個黑(乞)人憎又小氣。酒量唔好就唔好同人飲咁大啦」。
網民有話說
Boniface MAn Yin Ho：老實講，你依家焗佢炒你，下次見工時HR問你點解離開舊公司，你話俾人炒，人哋打電話問你舊公司你咪仲死
Sana Pink：係最少一個月通知...可以寫耐d(啲)
Ric Lee：其實照炒咪得
Brett Lo：其實博炒的話，應該KEEP(維持)住拖延，如果老細唔催咪4月1號先遞信
※緊貼網民熱話，掌握最熱話題，請關注網民熱話fb：