《一屋老友去旅行》爭做大廚 滕麗名斬雞斬到成手血

劇集《一屋老友記》原班人馬早前拉隊到台灣拍《一屋老友去旅行》，昨日一班演員包括歐陽震華（Bobby）、滕麗名等出席記者會，可是穿上斗零踭的阿滕卻失去平衡，恍如滾地葫蘆般跌落地，非常搞笑。

阿滕跌倒時胸口壓向Bobby，事後記者笑問Bobby可感到背後有兩團肉壓下來？他笑謂：「佢呢啲男仔性格，行埋嚟又不顧身世，始終男女有別吖嘛。」Bobby指不會尷尬，自己又沒有任何動作，大家得啖笑。

談到一班「老友記」在台灣入住民宿期間可有下廚？Bobby透露大廚阿滕每餐都爭住下廚，至於廚藝也不俗的劉江可有大顯身手？Bobby笑謂：「佢次次都唔夠阿滕快，不過阿滕試過斬雞斬到周圍都係血，手起刀落好狼死，唔知仲以為佢當隻雞係老公咁斬呀！」

爆劉江貪玩整傷手

阿滕就笑言當時成手血，大家誤以為她斬到自己，嚇到全場大叫。問到是否自覺廚藝一流，所以爭住下廚？她笑言：「劉老師（劉江）揸機車玩足成日，卒之搞到隻手起泡，佢煮唔到咪我嚟囉！」

採訪：Pauline

攝影：林良明

編輯：林梓添

設計：招潤洪