香港文匯報訊（記者 梁靜儀）陳展鵬、林夏薇(薇薇)、劉佩玥(Moon)、馮盈盈、方力申、張頴康及蔣祖曼等等，昨日出席無綫劇集《逆天奇案2》宣傳活動，展鵬更下跪送上戒指向薇薇求婚，重演求婚一幕，而盈盈就拿着滑浪板配以性感滑浪Look現身，大騷纖腰及白滑美腿，即時成為全場焦點。

展鵬在活動上自爆劇中留鬚造型，連太太單文柔都讚有型，笑言搞到差點要生多個。問到為何不繼續留鬍鬚助攻生育計劃？他解釋因個女唔鍾意：「我每朝起身太太都見到我個鬚根樣，都努力想生多個，順其自然，不過阿兒小豬比唔鍾意我留鬚，我就遷就佢，方便錫錫。」

展鵬又指因女兒淚點低，不敢讓她看該劇，否則她會真喊：「有次我陪個女返學校玩扯大纜遊戲，佢見我坐低咗就當住百幾人面前大喊，如果畀佢睇，我驚佢發惡夢。」說到他向薇薇求婚，女兒又會否誤會他鍾意其他女人?展鵬笑說:「個女有去過片場探班，佢知爸爸有好多個老婆，好似之前嘅吳若希，佢都接受咗。」說到他要多演喜劇，好讓女兒可收看?展鵬自言經常在屋企演喜劇。

薇薇亦大爆老公睇劇睇到喊，令家裏出現奇觀，她笑說:「老公向來好理性，估唔到佢睇到25集，我喺監獄向展鵬求婚睇到喊，話要放狗咬方力申，又話自己係現實中嘅森Sir，佢個反應令我呆咗，我話呢場都喊成咁樣，大結局點算？」問到結局是否很催淚時，薇薇就不肯透露。說到她的演出獲網民大讚，可會加再奪視后的信心？她說:「多謝大家支持，我冇諗太多。」

馮盈盈表示一身滑浪Look都是配合劇情，她又稱內裏雖然有穿比基尼，但工作人員好好調低冷氣溫度免她冷病。問到是否已很久沒有在公開活動穿三點式？她說:「工作上真係少，（好搶鏡?）多謝。」身旁的Moon被問到若收視再升的話，會否穿泳裝答謝觀眾?她說：「如果減肥成功，夏天都可以着（三點式）嚟影相，而家已經減咗好多，遲啲可能嚇大家一跳！」

劇中飾演巴辣八婆仔角色的Moon表示很沒想過觀眾喜歡她的角色，演的時候幾過癮，而出街時亦未有被人鬧，不過今次的演出暫時可能成為絕響:「因為嚟緊我參演其他劇集，角色都比較沉鬱啲，演八婆仔其實好攰，要用好多Energy。」

盈盈被問到舊愛鍾文浩，日前以專科醫生身份亮相無綫節目TVB節目《早D知早D醫》，被網民大讚靚仔有型，她卻稱不知情：「而家我哋工作範疇都唔一樣，平時好少交集，所以我都唔知。（心急想再拍拖？）唔會啦，我都話咗兩年內唔諗呢樣嘢。」阿Moon就笑言會Mon住盈盈。

另外，預計明年初開拍的劇集《新聞女王2》，今次會加入兩女一男新角色，劇集總監製鍾澍佳網上公開招募演員，Moon聞言表示有興趣:「我想自薦演好衰嗰個角色。」她表示之後會拍鍾澍佳的新劇，要返內地拍攝。至於盈盈就說:「我咩都ok，阿Moon去，我搭單一齊去。」