深圳睇半億豪宅　袁詠儀話晒事張智霖兩頭望

於內地工作不斷的張智霖和太太袁詠儀（靚靚）被發現拍拖到深圳睇樓，兩夫妻打扮低調，牛仔褲、波鞋、深色外套配口罩，張智霖如常兩手空空四圍望，靚靚就孭住個大袋細心打量，從圖片看到，露台視野開闊，樓層較高，可俯瞰周圍半山景觀的豪宅。據悉，該豪宅樓約4,000萬人仔（約4,735萬港元）接近半億港元。

爆料網友指，當時兩夫妻的對話明顯意見有出入，因為靚靚已睇中另一間豪宅，看來最後張智霖都會以老婆的意見為準。及後，東網問張智霖是否在買豪宅，他表示私人事不回應。