限員工去廁所 Offer雖好惟有放棄？

相信大家認同上洗手間是很基本的生理需求，但有公司竟然在合約上注明限制員工 1 日上廁所的次數？有網民近日在 Facebook 群組「奴工處」上分享自己早前面試新工，對方開出的工人和褔利不俗，但到樓主最後簽約時，人事部同事竟提醒自己合約內有條「不平等條約」，令樓主最後放棄與其公司簽約。竟然如何辣到令樓主打退堂股？

樓主稱簽約前被 HR 提醒公司限制員工 1 日內最多只可以去 3 次廁所，令樓主當場「簽唔落手」，但人事部之後亦補充：「放心，講係咁講，但正常唔會執行」，但樓主聽後卻心感「中伏」，更直言認為該公司不正常，否則也不會制定如此「變態」的條文，所以當下便覺得假若自己簽下此不平等條約便「無彎轉」，所以最後決定放棄此 offer。

不少網民均認為該公司的條約太苛刻：「如果女仔，去廁所除咗大小二便，有時都要換衛生巾！正常都要兩個鐘一次啦！」、「唔畀去咪喺個位痾囉」、「咁有無限時先」、「這種公司都唔會正常得去邊。如果唔執行，咁點解唔索性 delete 咗佢？」、「坐監都唔會限去廁所喇」。有網民則認為樓主蠢咗：「係簽啦，都唔合法，睇佢都傻」、「攞份嘢去平機會嘛」、「其實果句嘢係無用，就算你簽咗再去 4 次廁所，佢都唔可以對你做乜，合約係唔可以凌駕法例！」