郭羨妮無望再復出拍劇？ 自揭當中真相：冇以前記性咁好！
撰文：吳子生
出版：更新：
前港姐冠軍郭羨妮（Sonija）今日（27/8）帶同女兒Kylie現身北角參與匯演演出。 Sonija表示：「一陣阿女會上台表演跳舞，我對佢非常有信心。因為阿女由兩歲半開始學跳舞，跳到而家佢十歲，佢都仲係好鍾意跳舞。不過早排疫情期間冇得上堂，加上每年都要考試，變咗佢學嗰隻舞就少咗，係令到佢冇咁有信心，變咗佢會有啲壓力。係咁嘅情況下，我唯有從旁指導鼓勵佢，同畀啲意見佢，而最後佢都成功過關。」
問到何時再復出拍劇，Sonija笑言：「其實我覺得呢啲係要講緣份，同時要睇劇本啱唔啱自己，加埋自己個心想唔想去付出咁多。講真拍戲真係唔係咁簡單，咁所以要睇下自己有冇咁嘅體力先再講。（無綫有冇搵過你返去拍劇？）咁又冇。可能我成日對外講拍劇要講緣分。不過講真我而家冇以前記性咁好，我真係好驚嗰啲飛紙仔，同埋好怕NG，咁所以我真係唔想阻住人哋收工。」
郭羨妮早前復出拍ViuTV劇集《冥冥之中》。（劇照）