曾與王晶、劉偉強出品紅極一時的電影《風雲》及《古惑仔》等港產片的導演文雋（原名王文俊），叱吒娛圈多年，依然活躍於影壇，其現年二十七歲的兒子王恒（Herman），亦選擇跟隨父親腳步，三年前加盟葉念琛的電影公司 「熱烈工作室」 擔任執行製片，將眼界放遠中國。

「爸爸做導演、監製、編劇同時又做埋演員，單係做導演已經好難，我嘅夢想梗係有一日可以做到爸爸嘅地位，甚至超越爸爸。但我o依家嘅目標比較簡單，想做一個監製，再喺呢度（公司）學多一陣嘢，就跟爸爸做（電影）製作，北上發展。」

有本錢又有人脈，要北望神州，易如反掌。

他透露其名字叫王恒，全因當年父親與鄭丹瑞、林珊珊等契爺契媽的約定。「好無聊，佢哋約定所有仔女個名都要係兩個字，我細個覺得個名好內地，好少人個名得兩個字，

二、三歲時，王恒與父親齊齊着唐裝去拜年。

被軟硬教訓

星二代挾着父母光環，經常於幕前曝光，受盡眾人注目，不過文雋與前妻、陳曉東前經理人羅嘉慧的兒子王恒，卻不嚮往鎂光燈下的生活，皆因他早就與大明星為鄰。

「細個父母工作好忙，經常唔喺屋企，我係爺爺嫲嫲湊大嘅，嗰時阿媽喺電台做，所以我成日都流連商台，喺走廊度跑嚟跑去，好鬼百厭。有次因為咁，俾軟硬捉咗我入一間房，除咗我條褲，用影印機影我pat pat，嚇到我唔敢再喺佢哋附近嘅area跑，好慘！我為咗避開佢哋，就轉去第二度跑，哈哈！o依家諗番起都覺得好無聊！」

從小當正電台為遊樂場，更會經常到片場參觀，王恒指，父親文雋不時都會與影星，到家中商討工作事宜，最開心莫過於能與偶像謝霆鋒，來個近距離接觸。

「我細個好鍾意謝霆鋒，覺得佢好型！為咗佢，我專登走去學結他，小學六年級已經抓阿媽要佢嘅演唱會飛，又儲齊晒佢啲碟。有次知道老竇叫咗霆鋒上嚟屋企傾嘢，我為咗可以留喺客廳見佢一面，專登搵咗副puzzle，默默坐喺一角玩，離遠偷望佢。我緊張到連上前同佢打個招呼都唔敢，更加唔好話同佢影合照。」

父母離異前，喜愛帶他到茶樓飲茶，當時四歲的他已Gameboy不離手。

上到中學後，他的體重更直飆到八十多公斤：「嗰時肥到條頸都有幾截！」