關於天文台針對長者推出的網上資訊服務，之前於Facebook上勁傳，相對退休保障，呢類服務可算小恩小惠，就當所有老人家都屋企有電腦又識得上網，個雞腸網址(http://elderly.hko.gov.hk/)都幾難記，點先易記？www.e123.hk相對容易喇。
長青網(www.e123.hk)乃係長者專門網站，綜合各種實用的資訊和服務，例如醫療、社交和康樂活動、安老事務委員會推行的項目等最新資訊。另外，香港耆康老人福行會於觀塘設有長者電腦學習中心，定期提供電腦、手機及平板課程，當中有收費及免費，有的需自攜裝置，有的由中心提供，只要50歲以上就可參加。
時下年輕一代成日換手機，舊機都會俾雙親用；而聖誕節又會有好多人會送智能產品俾父母，如果長者想學下Facebook、Whatsapp同子女加強溝通，以上課程就唔好錯過喇。
作者為資深新科玩傳媒人。