澳門法國紅酒會

上星期跟新聞聯會拜訪澳門，澳門地方小，但它的古蹟保育做得很好，到處都見活化成各種新用途的古舊建築物。澳門記協請我哋喺平日只招待會員嘅法國紅酒會食飯，見識佢哋對舊事物的確鍾情。

法國紅酒會位處澳門中上住宅區西灣，附近都是高尚住所，除了主要高官，顯赫家族如何鴻燊、馬萬祺、何厚鏵等亦居於西灣半山區。而法國紅酒會呢間幾層高嘅古舊建築，前身原來係英國領事館。屋裏仍保留英式風情擺設，椅背雕花的絲絨櫈，水晶吊燈、樓梯欄杆的圖案，都跟舊英式大宅無異，而牆上就掛滿藝術家對澳門大街小巷不同風格的畫作。

紅酒會採會員制，可以預訂不同房間食飯和品酒，其中一間房更改裝成卡拉OK。當晚我哋一行四十幾人包晒成個天台，可以眺望西灣全景、觀光塔和兩條大橋，熱是熱了些，但勝在好景無限。

聽澳門記者講，這裏直至六十年代仍然是英國領事館，停辦之後被一澳門商人購入，一○年再改裝成紅酒會，內櫳擺設盡量跟隨原有風貌。其實澳門紅酒市場這幾年發展迅速。○九年澳門政府宣布免收葡萄酒關稅後，澳門及氹仔開了不少酒窖和酒行，品紅逐漸成為風尚。不少酒行都舉辦不同類型的試酒活動，所以聽說紅酒會都幾難訂位。