古天樂畀小演員蝦到冇聲出

古天樂出席《五個小孩的校長》拜神儀式時透露，這部電影的幕後班底十分強大，工作人員陣容龐大：「呢套戲係《掃毒》同一隊人拍，但《掃毒》都冇咁多人，一個副導湊一個細路，我就冇份湊喇。」

早前試鏡時有超過400人面試，選出10名小孩，經過訓練後再篩選出5名小演員，單是選角已經困難重重。古仔在戲中較少湊小朋友，不過有代課場口。問與小孩拍戲可有耐性？被封影壇鐵漢的古仔笑說：「小朋友通常蝦我多，呢五個之前未見過，一見到我就嘻哈大笑，我好怕鬧細路仔。（恨生B？）呢啲係兩件事，（實習吓先？）實習咗好耐啦，我親戚好多細路，不過五個一齊湊就未試過。」