【有片】方駿暉登陸 myTV SUPER 18台

馬季開鑼經已一個月，殿堂級評馬人方駿暉，離開有線18台後，尚未回歸電視幕前。究竟方Sir去咗邊？傳聞話過檔咗myTV SUPER 18台嘅？好多馬迷都有這個疑問。不過，大家不用再估估吓了，答案現在揭曉。

今日10月1日開始，方駿暉將正式亮相myTV SUPER 18台，擔正主持賽馬預測、賽事全方位、賽馬結果等節目，賽前、賽後，日馬、夜馬，大家都可見到佢。對於一個月沒有講馬，方sir大呻心情好苦悶，聽住一班拍檔在電視講馬，自己無得講，慘過發噩夢，更扮起古巨基，大嗌一句，「我真係好鍾意講馬！」。

方sir過去一個月，留在家中收看myTV SUPER 18台節目，他大讚拍檔主持非常有默契，貼士好掂，super18馬膽命中率高，另外有一期「齊齊賺」節目，四位主持每人給一匹貼士，結果命中3W1P，如果跟住買過關串埋就真係大賺了，不過同時令他感到壓力，擔心會拖累貼士的水準，一定會畀多些心機刨馬。至於，一班拍檔們直言好掛住方Sir，現在終於齊腳了，有方Sir坐鎮「myTV SUPER 18台」，令大家士氣大增，節目一定會更加完美，觀眾睇完肯定個個讚好。

「myTV SUPER 18台」邀得多位重量級馬評家，包括晨操專家積奇，「講馬之王」文東，以及馬可思及郭世浩，加上被譽為近廿年最出色評馬人方駿暉，打造最強主持陣容。從馬圈消息、晨操片段、賽前分析、賽事直播到賽後檢討，全方位一一涵蓋，並設有「賽馬」專區，提供貼士、各類型賽馬資訊，電視、手機app都睇得到。