平時用電話上網買機票, 入哂資料之後, 都會show返你入左咩資料, 比人check左有冇入錯資料, 再confirm (confirm左仲錯就抵死啦), 之後先比錢。
但HK EXPRESS (官網) 就冇得睇返入左D咩, 入完資料, 再睇唔到入左D咩就叫人比錢。(收錢個page就極快)

打錯個姓, 要硬食, 唔比改, 冇得退, 要買過張新既機票 (並非特價機票)....

當然明白航空公司話自己已經list哂所有細節條款等等, 由於我冇厚厚既面皮同HK EXPRESS 既CS討價還價, 只可以係度同大家講, 唔好用電話上網買佢地既機票!!!!

從來佢地都冇錯, 揀左搭HK EXPRESS...係我錯!!!!!

要平就要接受其缺點
今次已經係第N次搭UO
可惜機上其中一位空少的表現實在令人失望
前往登機闖口時我還可以當你還未正式開工
然而於航機上hea到爆的態度確實讓人感到厭惡。
還希望UO可以多多提醒員工的態度

今次撘hkexpress去鹿兒島4日3夜，0755出發，返黎本身12xx，後來改左1355。 hkexpress 已經撘過十次有多，每次都非常滿意。
我每次都係買特價機票，今次去鹿兒島都係$9xx(來回連稅及行李)，
基本上都無咩挑剔既地方。hkexpress係廉航，自然就無咩特別既服務，無機上娛樂，飛機餐要加錢，毛氈要加錢，機位較窄等等。
或者有人會覺得唔好，但我自己就覺得非常好! 豐儉由人
而且架飛機光猛乾淨，起飛降落時間都準時，就算遲左，都好多時會趕到預計時間到達。
係有時要坐shuttle先出到去停機坪上機有d麻煩姐!
今次返黎香港仲以為要等好耐先有行李，但估唔到過完關出黎15分鐘左右就拎到，所以我覺得行李快慢都未必關航空公司事既。

總括黎講，如果你抱住撘飛機就要有良好服務，有飛機餐有娛樂既話，hkexpress就唔係好岩你。但你出蔗渣價錢，有燒鵝味道既，
我覺得hkexpress 非常唔錯!

如果你不要：
服務、機上娛樂、飲食、座位空間、超耐久的等待行李時間（我在香港等待了３小時）的話，歡迎你乘坐這間航空公司。
說明一點，我下次會選擇乘坐其他航空公司而不會再乘坐香港快運航空了！