影片
開飯介紹
此居酒屋提供日本地道酒肴、時令海鮮、佐酒燒物揚物等，亦有超過40款刺身、壽司和燒物，價錢豐儉由人。
繼續閱讀
營業時間
今日營業
12:00 - 15:30
18:00 - 23:00
星期一至五
12:00 - 15:30
18:00 - 23:00
星期六至日
12:00 - 16:00
18:00 - 23:00
公眾假期
12:00 - 16:00
18:00 - 23:00
公眾假期前夕
12:00 - 15:30
18:00 - 23:00
以上資料只供參考, 請與餐廳確認詳情
有關餐廳
有關獎賞計劃
🍴關東煮手打烏冬58 蚊🍜有苣弱 冬菇 豆腐同獅子狗 蘿蔔 烏冬比較爽口🍴青龍卷88 蚊🦐紫菜碎包住卷物 入面有好味炸蝦 nice🍴特大凡立貝 75 蚊4 片🍴西京平目魚85 蚊🐟平目魚 個皮燒得好香脆 魚肉彈牙 層次分明🍴海苔脆醬魷魚 58 蚊🦑出面帶d海苔碎 個炸粉剛好 魷魚入面唔乾 夠彈牙🍴吉列芝心豬扒 78 蚊🐖芝士勁濃 半流心到有d痴住 豬扒出面好香脆 就甘食或者點沙律醬都好味🍴角切海鮮井定食 155 蚊🍱有三文魚 吞拿魚 立魚等等 飯身帶d醋 酸夠開胃 點d豉油 好食 個定食既麵豉湯 同蛋都好足料🍴軟骨78 蚊🍺800 ml. Sapporo 88蚊#日本菜 #啤酒 #定食 #吞拿魚 # #芝士 #豬扒 #帶子 #魷魚 #烏冬Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~銅鑼灣渣甸街66 號享環2 樓
繼續閱讀
「家賀屋」係一間位於銅鑼灣渣甸街亨環嘅日式居酒屋，大廈新，樓底夠高，其裝潢亦具高級居酒屋格調，整體環境非常舒適。吉列三元豚（$75）：據說「三元豚」就係由黑豚、白豚同赤豚三口個優質品種混種而成，其肉質細膩爽滑，帶豐富肉汁及油香，炸粉薄且酥脆，香口惹味，$75/份性價比的確高。SAPPORO生啤（$45）：炸豬扒配SAPPORO生啤，特別美味，435mL只售$45，比一般居酒屋平幾成。特選海鮮丼定食（$368）：此為店家單價最高嘅招牌丼飯，用料亦是相對奢華，當中包括磯煮鮑魚、拖羅、拖羅蓉、海膽、三文魚籽、赤蝦兩隻、赤貝及數款白身魚：磯煮鮑魚軟腍具嚼勁，醬香味甜；拖羅香滑，魚油豐富，非常香口；海膽鮮甜奶滑，且不帶腥味；其餘刺身均相當新鮮，質素唔錯。另外，定食仲包括茶碗蒸、魚湯及田園沙律。旗本 壽司定食 （$255）：此款為餐廳單價較低嘅壽司定食，但其實質素又比期望為高，定食包括田園沙律、魚湯、雞軟骨餃子及壽司八貫：壽司包括拖羅、金目鯛、赤身醬油漬、油甘魚、赤蝦及玉子等等：拖羅油脂滿溢，香滑，入口即化；金目鯛味道鮮甜，為鯛中上品，幾乎為Omakase必備嘅壽司；赤身醬油漬魚脂含量較低，魚肉爽實具咬口，醬油味道香甜。另外，魚湯奶白濃郁，非常鮮甜，好好飲；雞軟骨餃子都幾脆香，內有粒粒軟骨，惹味得黎亦幾有口感。
繼續閱讀
在灣仔區出名的日本料理店家賀屋在銅鑼灣開分店，可以方便在shopping過後吃到價錢合理的精緻日式料理，餐廳裝潢日系和風，座位寬闊而舒適，但店面面積不大，平日晚上都滿座，建議先訂位來吃比較好。巨峰提子乳酸梳打酒$48 原味乳酸梳打酒$48這兩款飲品清新可口，巨峰提子的版本帶有微微的果香，而原味則是清爽簡單，都是配搭日本料理食物理想的選擇。師傅特選壽司8貫$368賣相精緻的特選壽司，一眼看上去，每一貫我都想吃，當中最吸引我的是北海道海膽軍艦，海膽鮮甜柔潤，相當高質；而活赤貝口感爽脆，咬下去有濃郁的貝香；北海道牡丹蝦肉質彈牙，帶有淡淡的甜味；而海鹽輕燒的大吞拿魚腩和左口魚邊，則在火炙後的魚油香氣中透出魚肉的鮮美。特選鮪盛$265這裡的鮪魚盛合，是招牌人氣的菜式，比一般的壽司大件一點，三件不同部位的鮪魚(即吞拿魚)，色澤鮮艷，質感細膩。大吞拿魚腩油脂豐富，入口即化；中吞拿魚腩則稍帶嚼勁，赤身壽司清爽不膩，是鮪魚愛好者必吃的夢幻組合。家賀壽司$48特別的創意壽司，赤蝦拖羅蓉及海膽的組合既創新又美味，不同的口感鮮味在口中完美融合，一件壽司吃到幾種食材，值回票價。 薄燒牛舌$85牛舌表面經過輕燒，帶出了肉質的香氣和柔嫩，薄薄的牛舌口感清爽。特上三文魚籽軍艦$38三文魚籽顆顆飽滿，咬破後爆出啖啖鮮味，它沒有醃得太咸，剛剛好，配上壽司飯帶來平衡的口感。海苔脆醬魷魚$58 相當有驚喜的菜式，推介！它炸過有薄薄脆口的外層，內裡保持濕潤及帶有惹味的魷魚香，吃魷魚最怕它無味或好韌，但這個就不會，可放心選擇它去品嘗。雲尼拿千層蛋糕$38層層薄薄的pancake皮口感柔軟，包著幼滑的雲尼拿cream，每一層都散髮著濃郁的雲尼拿香氣，口感細膩，是完美的組合，亦為這一餐帶來完美的句號。總結來說，這一餐最推介特選鮪盛、海苔脆醬魷魚和師傅特選壽司，想吃高質又性價比高的壽司，來這裡就對了。
繼續閱讀
去過灣仔家賀屋認真食物都唔錯，原來銅鑼灣開咗新店即刻同朋友飲兩杯食吓壽司，環境相當乾淨舒服，播住我喜愛嘅日文歌，而且鍾意私隱度高嘅仲有私人房～｜特選刺身盛 時令鮮魚｜有三文魚、油甘魚、拖羅、牧丹蝦、八爪魚、金目雕，師傅厚切魚生所以咬落特別鮮味有口感～無論色澤、香味、質感口感都好高質，成盤都只係$278性價比好高！｜法國生蠔｜加少少蔥提鮮～唔會好重鐵鏽味，但口感好creamy豐富～｜牛油煮蜆｜牛油味好香濃，蜆肉飽滿～送酒一流｜薄燒牛舌｜雖然係薄燒，但新鮮嘅牛舌係唔同啲，好爽脆有嚼頭～｜炙燒北海道魷魚條｜魷魚質感彈牙爽口～同樣係送酒小菜，越食越滋味～｜串燒｜雞胸脆骨比雞軟骨，更加硬、爽口，雞肝好柔潤，嫩滑～雞腎細細粒好入味易入口～雞皮餃子好惹味，外皮好香脆～｜亂切冷蕎麥麵｜將蕎麥麵放入用鵪鶉蛋Wasabi、芝麻撈埋嘅醬汁～口感帶點刺激，但清爽不油膩～食完串燒後最適合不過～｜關東煮｜關東煮最緊要入味，蘿蔔非常之腍～豆腐同冬菇都朔滿晒啲汁，好食～
繼續閱讀
環境舒適，適合同朋友一邊飲幾杯一邊傾偈。炸三文魚皮第一次食都幾有驚喜，雖然係相對價錢比較低嘅食材，但炸出黎香脆可口，用黎送酒就fit😆法國N1斯朗生蠔🦪肉質滑嫩脆口同夠鮮甜，口感較淡相對會比較適合唔中意太濃味嘅人大名壽司定食🍱師傅特選兩貫有𩶘魚同燒真鯛，另外六貫有大拖羅，油甘魚，日本帆立貝，特大赤海老，汁燒海鰻，蔥本吞拿魚蓉。最值得一提嘅係，朋友一食就表示呢度嘅壽司飯非常唔錯，原來係用咗琥珀赤醋，酸度恰當味道唔會太搶。大拖羅油脂甘香，入口即溶同埋冇腥味；𩶘魚同燒真鯛煙韌有咬口；帆立貝甘甜；汁燒海鰻肉質嫩彈質感帶有油香。壽司定食會跟一份沙津 ，唐揚炸雞同埋三文魚頭湯。值得一提嘅係呢度連跟餐嘅湯都好用心，唔係平時常見嘅麵豉湯而係三文魚頭湯，一小碗湯但比足料，採用新鮮三文魚，三文魚味非常濃，仲要有豐富膠質，最值得讚賞嘅係煲到骨都淋，但肉質依然幼滑、緊實！姬路刺身定食中拖羅，真鯛，三文魚，油甘魚同埋特大赤海老，一上菜見到咁厚切已經心心眼。拖羅應該算係呢度嘅主打，不論係壽司定刺身定食嘅拖羅都非常出色，一擺落口都知係真材實料。中拖羅油香頗重，入口即溶而且魚味濃郁。真鯛肉質彈性十足，仲有另外提供柚子醋，白肉點酸汁更能夠帶出魚味。三文魚同油甘魚幾肥美，油甘魚尤其出色，不但油香重而且魚味係濃到喺口中停留咗一陣子；赤海老就好鮮甜同埋肉質夠彈~ 刺身定食會跟蕎麥麵（亦可以揀烏冬或飯）、沙津、茶碗蒸同埋三文魚頭湯😚 難得見到咁足料嘅茶碗蒸，有冬菇、蜆、粉絲、鳴門卷、蟹柳.. 好滑而且入口就食到海鮮味👍另外叫咗兩款我嘅摯愛🍣，火炙左口魚裙邊同埋海膽墨魚，前者肥大肉厚，好有口感，而且油脂豐富；後者海膽軟綿質感，入口鮮甜帶鹹香，而墨魚厚切，非常爽脆~久美之浦帶有哈密瓜果香味同埋微微嘅乳酸味，餘韻甘長而且帶有少許酸澀。溫熱飲用，味道層次更會提升，整體味道更出。
繼續閱讀