Á leiðinni út úr Reykjanesfólkvangi

Sveitarfélögin sem málið varðar funduðu um málið sl. fimmtudag.

Sverrir Bergmann Magnússon situr í stjórn Reykjanesfólkvangs sem fulltrúi Reykjanesbæjar. „Það hefur ekkert verið staðfest enn þá en umræðan er á þann veg að þau sveitarfélög sem eiga ekki landsvæði innan fólkvangsins eru að fara úr honum. Frekari ákvarðanir hafa ekki verið teknar,“ segir Sverrir og bendir á að staðfesta þurfi þessar ákvarðanir í samráði við umhverfis-, orku- og loftslagsráðuneytið.

Reykjavík, Kópavogur, Vogar og Reykjanesbær eru meðal sveitarfélaga sem hyggjast segja sig úr samstarfinu.

Svæði Reykjanesfólkvangs er sýnt á grafinu hér fyrir neðan.

Kort/mbl.is

Á vefsíðu fólkvangsins segir að hann sé stórt friðlýst svæði tilvalið til útivistar og náttúruskoðunar.

Lesa má meira um málið í Morgunblaðinu í dag.