最近好多人追著睇嘅《金宵大廈》，你睇咗未？雖然未大結局，但經已內定為我心目中TVB今年嘅最佳劇集。

佩服編劇腦洞大開，透過一棟充滿神秘力量嘅大廈，將間隔50年兩個時空人物進行巧妙間接串聯，用荒誕、貼地主題單元逐步推動劇情發展，架構出一段“幻海奇情”。

推介阿Kay謝安琪新歌《773312》，點解要先講《金宵大廈》？因為佢哋都有一個共同點：極具追看性。

喺浦銘心同董折呢段長跨70年嘅人生故事中，Juno麥浚龍監製透過歌與歌去講故仔，吊足聽眾胃口。如果唔了解系列歌與歌之間嘅前因後果，根本冇辦法細品到個中精髓。

阿Kay最新派台作品《773312》，係嚟緊10月9-12號紅館演唱會[kay... isn’t me. Live 2019] 主題曲。

作詞：周耀輝，作曲：Kiri T，編曲: 蔡德才@人山人海，監制: 麥浚龍/蔡德才@人山人海。

既然係演唱會主題曲，必然高度概括咗今次演唱會成個創作概念。我哋睇返個主題：kay... isn’t me.，一早提醒大家，雖然呢個係謝安琪開嘅演唱會，但聲演 中嘅主角未必係佢本人。

呢種設定放喺演唱會嚟講其實都幾“叛逆”，一般歌手開演唱會，主題都係圍繞歌手本人去展開，而Kay呢次係從概念角色出發，更具戲劇化發揮空間。

當然，無論演唱會中聲演嘅主角係邊個，負責唱歌嗰個都會係謝安琪嘅。只不過喺角色上，佢可能係浦銘心、或者係呢個編號為773312極具科幻感嘅機械人，又或者其他。

一些謎團有待解碼。歌名773312，呢一串數字意味著什麼？歌詞中嘅數字除咗押韻仲有冇其他隱含意義？你聽完首新歌後，可留言寫下你嘅睇法同感受。

電音+中樂新曲風，屬於阿Kay嘅新嘗試，作曲方面驚喜發現係創作才女Kiri T，帶來非傳統廣東歌嘅曲式，而編曲嘅 蔡德才@人山人海，係今次演唱會嘅音樂總監。

《773312》，有一種來自機械人作為旁觀者嘅第三方視角，觀察著塵世間生生世世發生緊嘅事。

你們流淚至今你們仍舊天真你們誰為愛誕生你做我的人

——《773312》

呢個究竟係咪喺一個虛構人生故事之上，插入一個更為之科幻嘅機械人角色作為演唱會主題嘅終極boss？呢個角色同浦銘心有冇千絲萬縷嘅關係？各位可自行腦補。

單曲宣傳封面，有人覺得有啲驚悚，但配合著成份歌詞去睇，我覺得係一個好萌嘅角色，睇住人類，一剎一生，幾多生就有幾多發生嘅故事。

773312嘅選擇都幾有趣：「你們誰為愛誕生 你做我的人」，「你們誰願愛眾生 我做你的神」。

以上係我個人暫時聽呢首歌嘅感受，歡迎留言寫下你嘅見解。期待即將到來嘅演唱會。接頭暗號：773312。

鐘意本期推送，分享&點「在看」

圖片來源：網絡&謝安琪 fb

滑動以下區域，查看完整歌詞

《773312》

作詞：周耀輝 作曲：Kiri T編: 蔡德才@人山人海監: 麥浚龍/蔡德才@人山人海無時無常 18 無城無牆無人開了燈然後 想得很遠 明明誰曾陪誰熄了燈天空崩裂 13 基因分裂吻吻我 送我呼吸愛愛我 教我會識得 愛幾多生 幾多發生活著活像浦銘心跟他棲身荒地上 我跟她安心彎月下想得很亂 想得很亂抱抱我 怕我會消失你們流淚至今你們仍舊天真你們誰為愛誕生你做我的人快樂藏著鬥爭美麗藏著犧牲你們誰願愛眾生我做你的神抬頭無雲 34 垂頭如無靈魂竟有根然後 想得很遠 懷疑誰沈迷誰可有因因此編號 773312吻吻我 送我呼吸愛愛我 教我會識得 愛幾多生 幾多發生萬事萬物0與1一些不測的靜電 與一些不休的悼念想得很亂 想得很亂抱抱我 怕我會消失你們流淚至今你們仍舊天真你們誰為愛誕生你做我的人快樂藏著鬥爭美麗藏著犧牲你們誰願愛眾生我做你的神

#今期留言話題

你覺得《773312》首歌講啲乜？

773312等數字意味著？

首歌曲風你覺得點？

你去唔去睇Kay10月演唱會？