曾志偉38歲兒子曾國祥9月6號向外公布做人夫嘅喜訊,同拍拖六年嘅圈內女友王敏奕已經喺日本拉埋天窗,正式私有化女神。一對新人除咗分享甜到漏嘅婚照之外,仲大晒「不一樣」嘅結婚戒指放閃!
登入 瀏覽本網站,可獲取積分換領專屬優惠
點擊查看專屬優惠
日前已經盛傳曾國祥同王敏奕喺日本秘婚,有記者更嘗試向男方家姐求證。曾寶儀回應傳媒時笑著表示:「這些還是讓他本人來回應比較好。」未有否認即是間接承認,大家已經猜測兩人真的已婚了。曾國祥9月6號在IG開Post正式宣布喜訊:「Just get hitched!! 多謝各位兄弟姊妹和記者朋友們的祝福和問候!感謝每位祝福我們的人!感恩!」,另外還大曬佢同老婆嘅愛的紋身,這樣代替婚戒是否更浪漫?還是想證明他們的濃情不是輕易化得開呢?
曾志偉兒子曾國祥同女友王敏奕拍拖多年、感情穩定,雖然兩人年紀相距12年,但依然無阻感情發展,一日Sweet過一日。兩人經常會喺社交網站放閃,上年11月8號曾國祥39歲生日,王敏奕於Intagram分享兩人撐枱腳合照,更發表愛的宣言,講到愛男友多過愛白飯( I love you more than I love rice,分分鐘需要曾國祥咁話!網友當時都睇唔過眼紛紛留言催婚,集氣希望佢地快快拉埋天窗,做對娛樂圈金童玉女。
王敏奕同曾國祥拍拖多年,兩口子早已展開同居試婚生活,看來就沒有「相見好、同住難」的問題。
曾國祥係家中長子,細佬曾國猷早於2012年已經爬頭結婚。1979年出世的曾國祥終於趕及在明年迎接「4」字頭前成家立室。
女神級數的王敏奕內、外在美兼備,絕對是娶得過嘅好女仔。
深得未來老爺歡心
王敏奕深得「未來老爺」 曾志偉歡心。除咗「未來老爺」生日時會孖住男友曾國祥現身賀壽之外,王敏奕更會參加曾家的年度大旅行。
未同曾國祥打埋天窗,似乎都有半隻腳入咗「曾」家門啦!
形象健康零緋聞
王敏奕出道之今近乎零緋聞,就算之前拍電視劇《飛虎之潛行極戰》日日同一班男拍檔開工,男友都相當放心。
王敏奕入行多時,演的都是情純少女、女學生角色居多,形象健康,絕對符合男人「娶妻求淑女」呢個標準。
入得廚房出得廳堂
俗語有云「要俘虜男人嘅心,就先要箍住佢個胃」,王敏奕正正做得到。佢煮藝有返咁上下,早前更膽粗粗上《美女廚房》 接受廚藝挑戰,而且仲做埋美女廚神,做佢另一半唔只幸福,仲有口福。
孝順顧家
單親家庭長大嘅王敏奕讀書時期已經做part time model 幫手養家,減輕媽咪負擔,名副其實嘅孝順女一名。身為長女嘅佢對兩個細佬更係照顧有加,相當有潛質做個好媽媽 。
曾國祥同女友王敏奕Sweet到漏,羨煞旁人,他們結婚,圈中好友粉絲都好戥佢地開心,更催促兩人快D造人,生小朋友,建立更幸福美滿的大家庭。