一直關注開的網店終於開實體店，位於戀愛巷附近，路程不到兩分鐘，由戀愛巷向車方向行，路過的第二條巷轉入去就係。 站在店門口實在好鐘意店的裝修風格，純白簡約風，當日探店時太多人，等大家自己去打卡時發掘靚位影相啦。 除左主打賣多款貝果🥯外，仲有吐司蛋糕提供，一如既往賣貝果的速度飛快清曬，開店不到一小時有多款口味都售罄，唯有今次試住甜品先啦！另外見到店內不少自家製乳酪、甘酒飲品、冷萃咖啡等，希望下次和貝果一齊帶回家享用😋！ . 朱古力松子卷 ($35) 芝麻泰式奶茶千層 ($48) 朱古力松子卷的餅乾造型好可愛，朱古力蛋糕卷朱古力味道不算濃，但我喜歡它不會太甜，奶油亦不會太膩。 芝麻泰式奶茶千層滿滿芝麻味，從千層橫切面中可見芝麻粒粒，食落亦會係牙縫間感受到芝麻微粒😆，落料幾足，中間橙紅色係泰式奶茶凍既質感，味道無特別出，整塊蛋糕會比較feel到芝麻味多啲，一樣喜歡它不會過甜。

1人夜晚9點去到，得兩台客，樓面多過客。 《鳳爪雲吞面》 鳳爪煲到淋晒又入味，一倫就散，無得頂。 雲吞正常貨色，無乜特別，下次可以唔叫。 面質些微碱水味，些少爽身（感覺面質同碱水味兩者，介乎香港碱水面同廣州雞蛋面之間，珠記鳳城，祥記，青洲劉記都係大約口感，唔知係咪澳門一貫口味）。 湯底唔知用咩淆，只知好飲，正常咸度，飲左一半唔覺得口渴。 下次可叫鳳爪面便可。 《錦鹵雲吞》 錦鹵汁底好杰，味夠濃，酸甜度適中，內有洋蔥青椒紅椒，必點。 但雲吞炸漿脆身，但似乎炸好擺左段時間唔太熱，即炸會更好食，加上每粒得1隻蝦，縮左水（雲吞面雲吞有1.5-2隻蝦），感覺一般。

服務好差 ....  waitress made me feel annoying
i told the black guy again and again 我們都是禮貌的進去  當天也不是座到人山人海 就4~5桌 還有很多空桌 很禮貌跟服務生說 我們有什麼問題嗎 為什麼都用掉的? 一臉不爽的就走掉  但跟家人來就沒跟他說下去  這服務 還要收服務費 ....
付近食物都不少 選擇多
現在失去了水準 覺得不推薦再去 點了 推薦牛排 , 乳豬飯 , 菜 ,燒乳豬 , 布丁 , CHOCOLATE莫士, 進去沒什麼人 想挑個位置座  waitress 直接不耐煩就指了一張桌 完全不客氣 然後東西都是用掉的 這是有收服務費的水準嗎? 食物水準就不多說了 .... 這價錢吃到更好多一大堆 這次的用餐體驗很差  Roadside grade, not recommended

喺隔離食完個腸粉，呢間咖啡店就剛剛開門了。門就開咗啦但係barista就唔見人。過咗幾分鐘之後做看見一位男士進入大門直入吧枱，手都唔洗，豆又冇調較，就開始做咖啡。既然做咗出嚟就試吓啦，咖啡太熱，香氣缺乏，焦苦味濃郁。同位女server反應，好有禮貌的聆聽，barista就洗手，再做第二杯就好d。基本衛生意識都冇，真係唔敢試第二次。睇到嘅都係咁樣做，睇唔到嘅呢？！疫情時候都係小心啲好。

位於南灣八佰伴對面嘅 Sky 21，除咗係飲酒嘅好地方，食飯都唔錯㗎。 · 一入門口，環境、氣氛都好好，我哋選擇咗坐出面戶外嘅枱，好舒服，景色都好靚。 · 食物同飲品質素都好好。但服務我哋張枱嘅waitress 就好大問題喇。點完菜上菜，我個碟唔係我叫嘅菜式。於是我同佢講上錯菜了。佢拎走，又拎返返嚟，問我介唔介意照要。我話唔好意思，我係素食者，唔食得。佢仍繼續話，如果我唔要，佢就要陪錢，即係白做。竟然話我唔食，可以叫我朋友食。但我朋友個碟已到咗食緊。我拒絕，佢死死氣拎走。埋單時將張bill 掉落張枱度。超冇禮貌！

星期六日，我緊係又周圍揾嘢食啦，呢間都係我住酒店嘅附近。今日有目的嘅，就係想揾間咖啡店坐下，睇下書甘，揾到呢間，合哂心水 一坐底，正想食少少嘢，吾太多，呢set，啱哂，日式系列，又有杯茶（杯茶真係好），紅豆湯+丸子，又有小蛋糕，不錯。 蛋糕鬆軟，米糍很香，口感很合我，再配上紅豆湯，你會嘗到粒粒軟糯嘅紅豆，出色得很。 坐耐左，又吾想走住，就叫一杯咖啡，坐多陣 特濃咖啡，一小杯。又坐多一粒鐘 呢間吾錯，下一次尼，再試埋其他嘢食

係網上覓食嘅時候見到怡景餐廳嘅lunch menu唔錯，所以就同媽咪去試吓 餐廳環境唔錯，坐得舒服，服務員態度好好，都好好笑容 餐包ok,脆脆地 熱檸茶，好濃好香 南瓜湯，唔會太咸，味道偏淡，都好飲 通粉一般，咸咗啲，唔多食到 反而呢個豬扒唔錯，幾香幾好食 最後係甜品，見到佢推個車過嚟真係嚇一跳，好大個梳乎厘！不過味道就一般般，甜咗少少。 怡景餐廳嘅lunch偶爾可以嚟食下。中間廚師經過問我地覺得好唔好食，服務員都係外國人，全部都好好人，好nice!推薦推薦！

經朋友介紹，今日去福龍葡國餐廳食葡國菜 餐廳有一樓同二樓，雖然枱與枱之間有啲迫，但都坐得舒服。 餐包脆脆地，好食。 普通嘅炒雜菜，幾香 有驚喜嘅馬介休球！必叫！首先見到佢個樣就好飽滿！味道都一流！外皮香脆！一定要叫！ 白酒煮蜆，啲蜆好入味！個汁味道都好好，好評！推薦推薦！ 咖喱牛腩，牛腩好淋好入味，好食！ 炒飯都好食，但炒得唔夠乾身。 蒸魚，魚肉彈牙，而且好滑，配埋豉油好正 甜品就一般，麻麻地 福龍嘅葡國餐，好食又抵食，可以有下次！推薦大家去試下佢地嘅葡國菜

有時想飲湯都會叫正湯寶寶，佢啲湯用保溫袋裝住，而且唔會好咸，而且足料，所以都經常叫 不過佢啲飯真係硬咗少少，餸就唔會太油，都ok好食 價錢方面就一般般，叫外賣基本上一百蚊一餐，偶爾食下都ok

葡萄餐廳嘅食物，環境，服務都好好，基本上一星期會去1-2次，lunch set都好抵食 今日嘅餐前小食係炸馬介休，又脆又熱，好好食。餐包有香蕉麵包，葡式臘腸包同啤酒麵包。好熱辣辣，好香架！配埋佢地嘅牛油一齊食真係好正！ 葡式青菜湯，一邊飲一邊食到佢啲菜，唔會太咸啱啱好 酥炸馬介休，馬介休嘅肉質都幾彈牙，外層嘅皮都好脆，配埋個汁都好食 豬柳都ok好食！但同馬介休比都係馬介休比較出色 甜品以澳門酒店餐廳嚟講算出色，唔會太甜，慕絲都好滑，有時候啲新甜品會有驚喜 環境同服務都好正架！除咗某位黑面嘅女服務員，其他人都好好，好有禮貌，會熱情有禮咁招待你 總括而言，葡國餐廳非常值得光顧，極度推薦

入倫敦人食中餐，唔一定得太二海底撈，仲有呢間「翡翠拉麵小籠包」中餐廳，燈亮明亮，環境又舒服，而且有透明玻璃睇到廚房整拉麵和小籠包過程，即叫即整架，現時有一個兩人優惠套餐選擇，有齊前菜、主食、小菜以及甜品。 . 🦀 蟹粉小籠包 ($78/4隻） 😋 美食優惠套餐 兩位用 ($280*) 花雕醉雞 八式小籠包 京蔥爆牛肉 豆瓣菠菜 招牌擔擔麵 高力豆沙 . 優惠套餐共有六個菜（餐牌見圖九），固定款有花雕醉雞、八式小籠包和豆瓣菠菜三款，而以下三款要各自選一款：京蔥爆牛肉/回鍋肉配薄餅、招牌擔擔麵/雞火炒飯以及高力豆沙/薑茶湯圓。 . 「 八式小籠包 」 最特別當然莫八式小籠包莫屬，一份滿足三個願望，影得估得又食得😂來到都必點一份。每一個不同顏色，不同味道，我突登唔望餐牌介紹食時估下咩味。小籠包既皮談不上薄，但咬落去肉汁適當，感覺不錯。 普通幾款（如原味、鮮蝦、鮮肉）最易食得出，其次是麻辣牛肉、口水雞和芝士味都不難估，麻辣相對是小辣，口水雞就偏重花椒味，最特別應該要數黑松露和鵝肝味，食落感覺似曾相識，但又講唔出😅。起初以為中間個粒係一舊麵團，點知包住奶黃餡，外皮煙韌，幾驚喜會有甜味😆。八味各有特色，各有創意啦！ . 「 花雕醉雞 」肉質唔嫩又唔算老，不過花雕酒味重。 「京蔥爆牛肉」爆炒得夠香，牛肉份量亦多。 「豆瓣菠菜」味較淡，感覺似屋企煮咁健康。 「招牌擔擔麵」擔擔麵望落勁辣，實情只有小辣程度。麵條軟硬程度適中，會帶點咬勁，混有香濃麻醬味，果然叫得招牌有番咁上下👍。 . 整體不算驚喜，勝在菜式味道不錯，以酒店內二人套餐價錢來講，性價比算高，人均不到150蚊，已經相當飽。過來食下影相打卡都值得一試，我唔係有心等齊曬先影😂，主要係佢上菜速度夠快。 _ ⭐️ 套餐已包加一服務費*

打破對車仔麵檔傳統印象，呢到透光既玻璃窗到入面多處打卡點，睇落好乾淨舒服，而且有開放式透明廚房，可以睇住師傅剪車仔麵配料。成間鋪主打做麵食為主，係舊式郵箱到拎餐牌圈完落單，完全無難度。 六福麵 ($38) 瑞士雞翼 ($8) 牛肚 ($10) 自選車仔麵—炸豬扒紅腸撈油麵 ($31) 熱車仔奶茶 ($10) 玫瑰荔枝紅茶 ($13) 有選擇困難症朋友叫三好麵或六福麵最岩，揀好唔洗煩啊😆，好似我咁想食豐富啲，六福麵滿足到曬，有齊滷水蛋、滷水翼尖、滷水豬耳、魚蛋、白滷水雞腳以及豬腸。另外單點瑞士雞翼及牛肚放埋落去，變左八福麵(?)😂。 想自己自由發揮既可以自選車仔麵，自己揀麵底、湯底、配料、加咩汁和自選食材，我今次揀左「炸豬扒」「紅腸」「撈油面」，跟蔥花、炸蒜和腩汁，自由組合屬於自己車仔麵。 六福麵咁多材料$38算是性價比中上，雖然有六款配料，比預期中每款份量小，圖中係外加多兩款單點，不過好在味道還可以，滷水方面味道正常。而另一個自選，強烈建議要點⚠️「炸豬扒」外層酥脆香口，而且唔會乾身，撈油麵配埋腩汁幾時都咁惹味😋。例牌一人跟一碗細湯仔，味道可以跳過😅，另一個必試重點⚠️⚠️放係枱面任夾酸菜意外地好合我口味😆！整體不過不失，無大太記憶點，係環境氣氛有加分！

Cafe地點特別不再話下，包類、批類和甜品類也是手工製的，而Menu也為素食者提供了標記，所以想素食有素食吃法，想肉食有肉食吃法😋2020年的最後一天就吃健康一點吧，首先點了不加醬汁也非常有味道的《自家制醃漬紅菜頭沙律🥗》，醃漬了的紅菜頭為整個沙律添加了酸酸甜甜的味道，健康又好味🤤而《百里香焗秋葵鹹批》外層鬆軟批底加上內層鹹鹹地的西蘭花和秋葵蓉餡，裡面還有蕃茄和蘑菇來增加口感，非常惹味🤤最後點一個手工麵包類的《煙熏鴨胸酸種包配檸檬乳酪醬》，酸種包口感硬身，配上熏香濃厚的鴨胸肉，口感一硬一軟，但淡淡的檸檬乳酪醬反而就吃不出味道了😂整體環境文靜但地方較小較窄，而員工一開始雖然對menu不熟識而下錯了單，但服務態度亦很好而立即作出更換☺️ - ✨餓鳥點餐✨ 沙律+A烚蛋+自家制醃漬紅菜頭($68 + $10) 百里香焗蕃茄、西蘭花、蘑菇、秋葵鹹批（$32） 三文治 - 酸種包、自家製檸檬乳酪醬+煙熏鴨胸（$38 + $20） 熱檸檬姜茶（$32）

首先，這家的menu是有午晚不同的，所以下午和晚上試到的食物都會不同的喔[悠闲]而餓鳥今次是品嚐他們的晚點，在主食方面，點了《辛明太子併三文魚籽茶漬飯》($138)，浸泡在茶湯裏的米，吃每一啖都充滿著濃濃的茶香味，三文魚籽間中插入在米與米之間，大增口感的豐富度😆但辛明太子的味道反而被茶湯掩蓋了，所以完全吃不出辛明太子既風味[失望] 而小食點了《雞肉丸子》($28)，以為普普通通的雞肉串燒，但原來是大大件的燒雞肉排，燒香的雞肉加上燒汁和蛋黃汁，真是味道十足🤤最後，當然少不了餐牌中唯一一個甜點《抺茶雪糕炸刈包》($50)，最有驚喜的是炸刈包口感外酥脆內柔軟，而中間夾著帶有濃茶味又帶有苦澀味的抺茶雪糕😋 - 🌟餓鳥溫馨提示一下：《抺茶雪糕炸刈包》記得要盡快吃，不然雪糕很快就會溶掉了變成《溶抺茶雪糕配炸刈包》喔！

如果你話議事亭前地嗰边好多人，吾想同人迫，又或者怕揾到都無位坐，甘我俾個小見議大家，過返對面馬路教堂，側面條小斜路，嗰度有間西餐廳，佢扁向食意粉，店內細細，但食物都吾錯，位置不多，地方不算大，坐位4-5張，兩口子，啱哂，，，不過又甘講，佢地通常都做外賣多，當然，佢都歡迎你坐底啦 你見佢地俾你都係外賣款，今日呢個餐，有波菜湯，有盒意大家蕃茄大蝦意粉，仲有杯伯爵茶奶茶，吾好睇盒意粉細細，食完都覺飽，味道吾錯啊，蕃茄味係清新，吾係濃味醬嗰隻，意粉質地煮得恰到好處，爽身，又吾硬，至於蝦（稱不上大蝦），也不錯，彈牙，吾識形容嘅，你食落口都知，新鮮嘢尼wor， 至於嗰湯，ok吖，也不錯，全部都係即整，最後來杯伯爵茶奶茶，一面飲一面同店員暢談一番，一個下午，好快過。今日我堂食，但佢地外賣嘅包裝就實在太稱心，何解稱心，嗰盒裝外賣意粉，你可解開後，佢可以變成隻碟 食物種類都多，下次尼，試埋其他