7
7
2
以上资料只供参考，请与餐厅确认详情
是日晚餐叫咗个新疆羊肉串、潮式炸蚝饼、腐乳通菜、一支蓝妹同埋一杯特大柠檬茶。坐底好快叫晒野食，之後野饮等咗十几分钟先到，羊肉串随後都上咗。跟着过咗半个钟都未上到其他野食，重点系当时铺头人数唔算多，大部分都系食完吹水嘅客。去到over 45分钟左右，就问侍应啲餸大概要几耐，已经等咗九个字，再过多15分钟左右终於上菜。新疆羊肉串 ⭐️⭐️味道一般潮式炸蚝饼 -⭐️油味好重，炸完出到黎咬落去系冧，味道劣质，唔会再叫腐乳通菜 ⭐️油多过腐乳，一入口全部都系油，最後要过热水食，味道唔合格再者，侍应叫极都冇反应，用餐感觉不予置评。
继续阅读
早两日去朱敏记食饭，叫了几个朋友一起。有三个菜式可以推荐一下，剁椒大鱼头，够大够滑，也够香够味！再加水晶粉捞汁食。烤羊排都好香，够辣够味！厨师可能是来自新疆？😂😂😂。酸菜鱼就Okay 啦。整体系好有风味的！
继续阅读
今日食咗朱敏记，我哋嗌咗一个香辣味嘅烤鱼，条鱼都多肉得黎同埋得中间嗰条大骨，今日食起嚟都唔会好麻烦同多骨，味道都唔错，配菜有宽粉豆乾，最特别系有鸭血，整体评分都好唔错，但系可能系因为小辣嘅关系试唔到佢个辣味正唔正宗（7/10）新疆羊肉串，佢嘅羊肉一啲都唔羶，上边洒满左辣椒粉，孜然粉等的香草味，真系有几分大陆食到嘅味道。（8/10）农家大盘花菜，系用咗福建菜花，蒜蓉同辣椒，用大火爆炒，虽然佢选用好简单嘅材料，但系佢嘅镬气系令到呢一个菜式生色不少。（ 9/10）川味水煮牛肉呢，同一般出边食到嘅水煮牛肉都差唔多味道，佢入边就有薯粉芽菜同牛肉，整体嚟讲都唔错（6/10）外婆菜杂粮包，第一次食呢个菜式，外婆菜系湘菜入边好出名嘅材料，抱着好奇心就想试吓啦，唔知系咪我期望过高，一嚟又可能冇食过出边其他嘅，冇对比，完全感受唔到湘菜嘅特点，所以呢个系有啲失望。（3/10）香辣煸肥肠，肥肠就炸到脆卜卜，有啲似辣子鸡嗰种，佢啲肠都唔会话好大浸内脏羶味，整体都OK。（6/10）
继续阅读
平时行过，成日都好想试呢间嘅酸菜鱼试下。今日下昼唔想煮饭，就嗌回屋企试试啦。一开盖见到呈金黄色嘅酸菜鱼汤，夹起一片鱼片食，点知劲多鱼骨，每块鱼片都超过4条鱼骨，唔可以同白饭捞嚟一齐。一定要小心翼翼食完块鱼片，吐番啲d 鱼骨出来，先可以再爬啖白饭。连个汤都完全冇酸菜味，净系一味油同辣，完全饮唔落口。 鱼片系新鲜带甜味，但鱼片完全吸唔到酸菜嘅酸味。 而配料娃娃菜同红薯粉都吸唔到酸菜嘅味道。最後连主角酸菜都冇乜酸味。鱼、娃娃菜、红薯粉、酸菜四样料嘅味道都独立分开，完全唔觉自己食紧酸菜鱼，好失望，以後唔会再叫呢档嘅酸菜鱼食。
继续阅读
之前都是和一大班同事来，呢次特地订台和小姑一家聚餐，来到经他们提醒才发现原来几年前我们已经帮衬过土瓜湾的分店了。来三次点两次的窝窝头。蒜香烤鱼，其实我更喜欢香辣口味的。烤羊排，味道超正，但可能天气太冷，吃的时候不够热。豆沙饼，孩子们喜欢，个人更钟意羊肉和葱油饼。水晶粉，辣辣的，我很喜欢。大酱骨，有点点辣，有入味超级正！太饱了，不然我还想吃小龙虾，酸菜鱼～点了三碗饭，三瓶汽水一瓶啤酒，最後惠顾1196港币。
继续阅读