林芊妤（Coffee）近年轉事業跑道後人氣急升，成為咗香港瑜伽界KOL，唔少片有過百萬views。亦因為咁，大家關注埋佢其他生活，成日喺IG留意佢嘅家庭動向。雖然已經有小朋友，但佢依然同澳洲籍馬來西亞華僑老公Weng成日拍拖，有時仲一齊拍瑜伽片添。

但其實佢地兩夫妻嘅感情並非一帆風順，早幾年Coffee形象唔好，曾經令唔少男士卻步，就算當日認識Weng，都有唔少旁人反對，：「我曾相信冇男人會敢同我結婚，雖然佢唔係香港人，但佢嘅香港朋友知道我地交往後，都勸佢唔好同我一齊，小心我利用同消費佢。」但Weng心水好清，好堅定咁同佢地講：『我沒甚麼可給她利用。』」

時間證明一切，當而家大家見到Coffee咁鍚囝囝時，反而調轉頭話Weng好彩娶到佢。同一時間，Weng其實都係一個暖男，而且仲細心過佢，「我比較粗魯，老公對個仔就好溫柔、動作好慢，餵佢食飯都好慢。」Coffee講笑話Weng比較木獨，但改變咗佢唔少，例如以前Coffee成日好介意人點睇，佢老公就教識佢人生係自己嘅，唔使交托喺其他人手中。

#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享  #Coffee #林芊妤

上一篇: [名人愛情錄] 黃翠如蕭正楠明白結婚真締