羅拔圖佩雷拉（白衫）2011年由河床轉投烏甸尼斯，憑全能踢法打出名堂，可以勝任中場、翼鋒、第2前鋒，堪稱進攻全能戰士，2014年加盟祖雲達斯，該季上陣52場入6球，效力兩季都捧意甲及意大利盃冠軍，可惜轉投烏甸尼斯「姐妹球會」屈福特，踢過4季僅入16球。
呢位阿根廷國腳3年前重返烏甸尼斯，上季意甲出戰34場有5球進帳，但今夏約滿不獲續約，羅拔圖佩雷拉曾經同國米傾加盟但未成事，佢仍希望留喺意甲搵食。
