馬祖台灣養生湯麵館 (和安里)

營業中

休息中

就喺中環蘭桂坊附近，有間小小隱秘、喺酒吧前一條街巷仔入面有間台式藥膳湯米線同手工麵。我哋兩個人喺平日嘅夜晚食都唔算太多人，不過因為係小店，位字相對少啲，最好book定就最穩陣。蟲草花藥膳農場雞米線 $67我自己叫咗蟲草花藥膳農場雞米線，一上到嚟賣相都可以，配料、主食都幾齊，配料都重手，有一大住蟲草花，多到好似麵咁haha。藥膳湯飲落好甘甜，藥材嘅苦甘味啱啱好，後勁甘甜感再慢慢滲出，配落米線食米線索晒啲湯味，好正🥰香辣藥膳牛肉湯手工麵。$67呢個有（1-3隻辣椒揀，我揀咗1隻）係比蟲草花蟲草花藥膳農場雞米線更有驚喜，估唔到香辣藥膳湯底都唔錯﹗﹗有少少似紅燒湯味，但香辣味都幾出，好彩揀咗一隻辣椒，食得辣嘅可以叫2以上。值得讚係牛肉估唔到又幾軟腍入味，唔算太痴牙，份量都可以。滷水雞翼 $28生熟度剛剛好，整得幾入味，入味係指除咗雞皮之外，連入面雞肉都滷得幾入味，而且肉質都唔會韌，偏滑﹗自家制桂花烏龍冷泡茶 $16呢個樽嘅設計分隔茶包，飲落好方便，而且桂花味好香，茶味唔會太淡，整體我覺得都可以，飲唔晒仲可以帶返屋企飲埋佢都幾好。------------------------推薦：🌕🌕🌕🌕🌘性

因為限聚令和工作繁忙的關係，出外食飯的次數真的非常少，數一數離上一個貼文的日期已隔了幾個月，不知道還有沒有人看呢🙈希望還有啦😂-最近難得請假一天，和母親吃她最愛的養生湯麵，滋補一下👍🏻這次光顧的麵店有兩層，供應多款台式養生湯麵、米線、飯、小食和飲品🤤食物的份量很大份和真材實料，連我母親都讚不絕口🥰-1️⃣香辣藥膳牛肉湯手工麵（小辣）$77這碗湯用了很多藥材，很香很甜，尤其紅棗的味道比較突出👍🏻小辣不會蓋過湯的甜味，反而令味道更豐富，配埋彈牙的手工麵和軟腍的牛腩來吃，真的不錯😋-2️⃣蟲草花藥膳農場雞米線 $67這碗湯的藥材有蟲草花、杞子、紅棗、龍眼肉和木耳等等，佔了整碗麵的一半，非常適合女士完了period來吃，很滋補👍🏻雞件很嫩滑，米線煮得不會很腍，整體都很讚😋-3️⃣台灣澎湖特A級花枝丸5粒 $48這種花枝丸的味道比一般的更濃，而且內裏是有很多花枝粒，用料實在，爽口彈牙，對得住價錢👍🏻-4️⃣上湯白菜豬肉餃 $28餃子皮薄，餡料飽滿，一口一隻，非常滿足🤤

早兩日去開中環，又突然間好想食米線，就比我search到依間養生麵😋睇個名都即刻覺得食完個人好養生!當日店內只開下層，座位around 10-12個🤔星期六兩點去到要等幾張枱先有得食🥲！店員服務唔錯又快手，所以order完好快有得食！蟲草花藥膳農場雞米線（HK$67)藥膳湯底好足料，應該落咗好多紅棗，成個湯好甜，好飲！蟲草多，雞又大大件，依碗好抵食😍！藥膳養生湯台灣直送澎湖特A級花枝丸拼白菜豬肉餃米線（HK$65)個名勁長🤣湯底同上面嗰碗一樣，但依碗散發出嘅紅棗味極強烈😍好正😂白菜餃皮厚咗少少，但粒特A級花枝丸真係不得了，咬落去會有一條條墨魚，好彈牙🤩！推介依粒花枝丸！大家可以order一碗5粒（HK$48)鹵水雞翼5隻(HK$39) 應該浸咗好耐鹵水汁😂好入味，雞肉比較散，但味道唔錯的！自家制桂花烏龍冷泡茶🫖（HK$16)味道應該會想像到，係淡淡嘅桂花香味加好清嘅烏龍茶！荔枝烏龍(HK$10) 係罐裝飲品，好有荔枝玉露嘅感覺，荔枝味強烈，反而烏龍茶味就唔特出，好飲👍🏻

朋友係中環返工，有時想食得健康有營又好食，所以就會研究一下附近既餐廳。今次朋友帶我黎佢食過幾次既呢間台灣風味養生湯麵店。所有主食既湯底係用養生藥膳煮既，成日吹冷氣要進補既OL或者注重健康既人就岩啦！我地一人叫左一個主食，再追加一個小食，同埋一支冷泡茶。蟲草花藥膳農場雞米線 $67大大啖蟲草花，仲有香甜既紅棗同藥膳湯底，味道很唔錯。雞肉因爲煮湯既原因會質地有少少硬，但都好食。藥膳古早牛肉湯米線 $75朋友叫左呢道主食，我拎左少少湯黎飲，湯底比一般台灣牛肉麵多左少少藥材味，但牛肉味十足，牛肉都棯身可口。台灣澎湖特A級花枝丸（5粒）$48呢個湯底味道同蟲草花個碗湯麵一樣，花枝丸都唔錯。自家製桂花烏龍冷泡茶 $16 桂花味香濃突出，反而烏龍茶味比較淡。

馬祖之前已經食過幾次，份量足，抵食又好味，外賣自取仲有9折優惠，預計夜晚OT到好夜，食飽先有氣力做野，就同同事外賣個馬祖晚餐，食完繼續戰鬥。馬祖主打藥膳湯麵，有辣有唔辣，唔同配料配搭出約廿款唔同湯麵，全部幾十蚊有交易，另外亦有多款小食同唔同嘅罐/枝裝飲品，人均一百蚊唔洗已經食到飽。香辣藥膳牛肉湯手工麵($77) - 湯麵非常足料，大大個外賣碗都裝到滿晒，除左麵多，上面啲配料一樣咁多，外賣湯麵湯底同麵係分開裝，唔怕返到去啲麵索晒啲湯。牛肉湯有得揀大中小辣，我揀左中辣，辣得惹味又唔會太辛苦，湯底仲有少少肉碎。牛肉有四大舊，每一舊都好鬆麵又唔會痴牙。另外仲有兩大舊蘿蔔，好腍冇渣，索晒啲辣湯好正。麵底可以揀手工麵/米線/白飯，因為見有啲麵款手工麵要另外加錢，而我哩款係唔洗加錢，所以揀左手工麵，麵量好多，唔會太腍帶少少彈口。蟲草花藥膳農場雞米線($67) - 農場雞米線同樣足料，大大個外賣碗裝滿晒拎起都幾墜手。藥膳湯底好重藥材味，入面仲有紅棗、雲耳同蟲草花。雞件有四五舊，舊舊都大大件啖啖肉，肉質亦唔會太鞋。米線好滑口感好Q彈。滷水雞翼($28/3隻) - 雞翼好腍，滷得入味但又唔會太鹹。麻辣白菜

🇭🇰馬祖台灣養生湯麵館·我成日都feel like食啲有湯既野 呢次就試左呢個養生湯麵 都幾驚喜😍😍我原本以為佢會係比較淡啲既 點知完全唔會 食落超舒服 係可以encore嘅粉麵🤤·蟲草花藥膳農場雞米線 $67佢一擺上枱嘅時候係好大浸藥材味 我仲以為自己會唔鍾意🙊但係食落其實係滋補味重啲 唔算太重藥材 唔好俾佢嚇親🤣佢啲米線都幾好食 而且啲雞好嫩 整體都唔錯😋😋·藥膳上湯墨魚春卷（6粒） $30呢個我自己幾鍾意 佢個質感幾好 而且中間有啲墨魚肉 口感幾好不過佢係似韓式嗰種魚餅咁既 所以比較粉 我男朋友就麻麻哋啦🤭😂😂·#rbyeat#rby台灣菜#rby中環 #rby天后 #rby荃灣·📍中環和安里6-7號聯安樓地下及M樓📍天后留仙街3號雅景樓地下B號舖📍荃灣大河道100號海之戀商場地下G03號舖

響我眼中 👁近乎係完美 😍超合口味米線 🍜台灣藥膳養生湯 🍲從未見我如此讚嘆 🤭約咗好耐終於有機會 🤤話說年紀大真係要進補 🥴本身聽到藥膳有啲驚味濃 😬如果勁大藥材味未必鍾意食 🤔做過資料蒐集之後發覺唔係咁 🤩即刻約我好姊妹一齊挑戰新口味 🥰有我鍾意嘅蟲草花同寶寶嘅黑蒜油 🧄先講我個清甜蟲草花藥膳農場雞米線 🤗無睇錯我個湯真係甜㗎所以先話啱哂我 😂食落滋潤但又無苦澀藥材味米線索湯彈牙 👍🏻加上滑得泥結實嘅農場雞雞肉成個無處挑剔 👏🏻想要更香更濃嘅朋友仔可以揀黑蒜麻油或香辣 🌶寶寶果碗無咁清甜但多咗份濃郁香蒜味道同油香 ☺️ 當初低估咗份量又高估咗大家嘅胃口叫咗兩個小食 🙄麻辣白菜豬肉餃同藥膳上湯墨魚春卷每份唔洗三十蚊 🥟不過下次再來相信我連小食都唔洗叫因為飲湯已經滿足 🤪最後想提一提大家不妨試吓佢個清香解膩嘅自家製冷泡茶 🍵馬祖台灣養生湯麵館：中環和安里6-7號聯安樓地下及M樓

本身自己好鐘意藥膳湯或者食粉麵啲湯冇味精可以飲埋，呢間養生湯麵正合我心意！​​我就最鐘意佢個蟲草花藥膳農場雞米線，雞夠滑，湯仲好甜好好飲，飲完又唔會點覺得口渴！不過米線份量唔多，成日食完都覺得唔夠喉，因為真係好好味呀！                                                                                                                                                              如果想重口味少少可以試下佢個黑蒜味或者麻油味，湯底會香啲濃啲，都好好食㗎！                                                                         

這間小店格局的馬祖台灣養生麵，雖然空間不太大，但勝在地方乾淨企理。餐牌上選擇不多，主打用藥膳養生湯底做出數十款不同的配撘，可配上白飯/米線，另加錢可轉手工麵。價錢由65-$77，沒有加一服務費，在中環區中是平民之選。大大碗的蟲草花藥膳農場雞米線，湯底眼見有紅棗，杞子，但飲落會有一陣陣的藥材香味，應該有北芪黨參，味道濃而帶甜，配上大量草蟲花及木耳，感覺已經很養生。雞件份量都頗多，肉質嫩滑，仲有少少酒香味，這碗養生米線很適合這個秋冬食用，食完有暖身的感覺。另一碗的藥膳麻油雞配飯，藥膳湯底味道跟米線那碗差不多，但重點是多了麻油的香味，將飯倒入湯中，做成湯飯更為好食。餐廳還有提供小食，點了麻辣白菜豬肉餃，$28 有5 隻，上枱已聞到陣陣麻辣香味，但食落味道就比較淡一點。最後飲支自家製的桂花烏龍冷泡茶，清清淡淡，有一陣陣桂花味，夠健康。另外罐裝的黑糖薑母茶都很夠薑。

在寫這個食評的時候，我已經光顧了馬祖三次了 哈哈！ 幸得友人早早去拿籌，午飯時段都要等大概十五二十分鐘才能入座呢！第一個必點的當然是蟲草花藥膳農場雞米線！一送上來就已經看到滿滿的蟲草花、紅棗、枸杞、木耳等等的材料！先喝一口湯，味道充滿藥材的香味，清甜又超好聞的！ 農場雞肉質嫩滑，而米線質地也很彈牙，一口米線一口湯真的好絕配！吃完也會覺得覺得身體滋補了一下 嘿嘿！而我之前也試過的藥膳麻油雞米線也相當不錯！ 本來以為麻油會很膩，但事實上是真的超香，而且帶點薑和米酒的味，是冬天進補的不二之選呢！ 同樣的配上嫩滑雞和彈牙米線，再喝口湯，真的好滿足！