車廂激吻！譚凱琪讚袁偉豪好咀：夠軟熟

藝人袁偉豪及譚凱琪（Zoie）到荃灣宣傳無綫劇集《EU超時任務》。雖然現時劇中的袁偉豪仍與朱千雪一對，但後來則會將王浩信及Zoie捲入形成四角關係，其中偉豪與Zoie更會上演一場車廂激吻戲份，Zoie亦自認經驗少：「以前都係借位同蜻蜓點水式，今次就投入、深入少少。事前都有做足準備功夫，買啲香口膠同薄荷糖，都有請佢食。（袁偉豪好咀？）拍完我同佢講話佢個嘴都幾淋，好軟熟。」

偉豪自認重情義

在旁的偉豪亦即時笑言自己重情義：「從我個嘴唇就睇得到㗎喇！上下唇好Balance！不過我覺得有時要拍咀戲，真係要照顧女同事，廠入面大部分都係以男士為主，好多女仔拍嘅時候唔多唔少有尷尬，所以作為對手我希望令到對方舒服，就好晒啲嘢一take過，要合作，係喺錫嘅背後大家要知嘅嘢。（幾take？）一個咋，其實佢都係高手嚟嘅，知道兩個人重疊咗，鏡頭影唔到就識得收咀。（覺得失落？）可能有半秒會覺得：「咦？收咀？Ok！」

被Zoie感情打動

而Zoie亦表示要在眾目睽睽之下拍咀戲難以投入，慶幸偉豪帶得好：「我識咗佢好耐，但你話係咪好熟，又唔係。但我哋知道要拍嘅時候都刻意傾多啲計。」不過偉豪都大讚Zoie感情交足：「打動到我兼嚇窒，見到你啲眼淚不斷咁流，我真係有少少驚，點解可以投入到咁？」