【Emily】「學習二十大」進度報告 民處等辦63場座談

【明報專訊】喺中共二十大結束後，無論係港府、民間都舉辦咗唔少「學習二十大精神」嘅座談會等，選委會界別立法會議員林順潮上年11月初，都喺立法會提出「學習二十大精神，推動香港發展」議員議案。按一貫做法，政制及內地事務局噚日向立法會提交有關嘅進度報告，主要匯報唔同層級舉行座談會嘅情况，截至上年12月，各區民政事務處聯同唔同地區組織及團體舉辦咗63場座談會，共有約1.2萬人出席。