周記點心

營業中

休息中

無啦啦想食蝦多士，上網搵到呢間好似好多人食，特登去咗西營盤🤣 我下午2:00去到，基本上都九成滿座，好多食客都係國內朋友 (可能因為大众点评榜上有名)，不過都唔見到唔少做外賣單嘅本地人叫。返番正題，其實整個餐廳嘅環境比較暗，同埋要同人搭枱，如果想要搵舒適嘅地方食點心，呢度就未必合適。啲嘢食大致上都覺得係中上，我一行兩人去，叫咗三個餸，同埋一杯嘢飲，其實已經好夠！1️⃣蝦多士 (4/5🌟)好大份！有四件！呢類型嘅食物，一塊都已經覺得好夠🤣 淨係食蝦多士已經飽2️⃣燒賣 （4/5🌟)覺得啲料好足，啲蝦都好彈牙，不過因為都係蝦，覺得要嘅食物有少少重複3️⃣排骨 (3.5/5🌟)呢個就正正常常4️⃣百香果橘蜜熱飲 (4/5🌟)個人好偏愛百香果，唔係度度地方都有得飲，所以都覺得好有驚喜

Bookmark左好耐食佢嘅爆漿西多士😬去到排隊等位, 大約15mins左右入得, 裡面好似一間茶餐廳嘅格局, 但有酒樓點心, 例如盅頭飯, 燒賣, 腸粉可以叫, 見到每枱都必叫奶黃西多士😁奶黃流沙西多士切開d奶黃瀑布咁爆晒出嚟, 好有奶香味, 外皮四邊炸到卜卜脆好香😋芝麻蝦多士🍤外面係好香嘅芝麻, 裏面嘅蝦膠同多士溶為一體, 蝦膠好厚身, 爽口彈牙有口感, 配埋沙津醬食更有鮮味鴛鴦燒賣一款係蝦肉燒賣, 另一款加左黑松露係面嘅黑松露蝦燒賣, 蝦肉同樣彈牙, 豬肉無雪味👍煎蛋牛肉飯牛肉餅口感好滑，反蛋煎得適中，蛋液同白飯結合, 味道超好超夾😙

這家算是我在西環最喜歡的點心店之一 這家店我最喜歡的是他們的芝麻蝦多士 是在外面比較少看到的 吃起來外面很酥脆裡面很Q彈 另外我覺得他的這個巧克力爆漿西多士也很厲害 巧克力是微苦的那種 個人很愛 但是一個人吃一整個的話會有點膩 但是很好吃

❤️西環·周記❤️傳統港式點心🥧加埋創新概念不斷出啲又特色又好食嘅fusion點心全新裝潢面貌 空間唔算好大似冰室設計位置亦唔算好多但都唔洗排隊😆😉鍾意飲茶又想食嘅創意點心可以gogogo🌈奶皇流心西多士 $38最受歡迎的菜式之一 每次飲茶都會嗌以香濃奶皇流心為特色👍🏻😉西多士外層酥脆 內裡柔軟加上香甜奶皇流心相互融合 口感豐富每一啖咬落去都有溫暖又黏稠嘅奶油餡☺️🌈XO醬炒腸粉 $45辣味+鮮味嘅絕妙組合 口感柔軟嘅腸粉又白又滑與惹味又刺激味蕾嘅XO醬完美搭配😋😋有時食白布腸粉實在太dry加返啲XO醬真係冇得輸✨🌈黑松露湯餃 $28鮮美又甜嘅蝦肉餃子🥟加上好似西式黑松露嘅濃湯咁口感鮮美 湯餃皮薄餡多又足😎内部的湯汁+餡料充分融合 滋味濃郁加埋黑松露 更有獨特香味成碗食完飲埋靚湯好滿足😉😌

周記點心門面睇落係一間普通嘅中式點心店，不過佢其實唔係傳統嘅點心店，店家提供創意點心，好似奶黃/芝麻/芋泥西多士、芝麻蝦多士、春風得意腸等等。📚蝦多士係香港嘅懷舊小食，都係可以話係香港中西文化匯聚嘅象徵。將英式三明治加入常見於香港雲吞嘅蝦膠，再油炸至金黃色而成，淨係諗下都覺得好同味😋。不過呢種懷舊小食已經無咁常見，因為整蝦多士要嘅時間同力氣所費不菲，好似中間嘅蝦膠係要將蝦仁剁成蝦蓉，再用筷子或手攪拌至略為起膠。周記嘅蝦多士仲加入咗芝麻，令多士增添一份芝麻香。而且多士炸到香酥又唔會油膩，中間嘅蝦膠非常厚，所以每件多士都好巨型。淡淡蝦味配上香脆可口嘅芝麻麵包皮，大滿足😋。鴛鴦燒賣同普通燒賣差唔多，係由蝦燒賣同黑松露燒賣組成，其實就係喺普通燒賣上面分別加上黑松露/蝦，味道正正常常，不過係幾彈牙嘅。周記雖然係以創意點心為綽頭，但伙記幾有舊式茶樓嘅親切感，好nice。有機會好想試吓佢哋其它點心，好似西多士同春風得意腸。🌝大部分點心都比較高脂多油，食點心可以話係難避免會肥😂。好似芝麻蝦多士，經過油炸之後，卡路里一定爆升。燒賣都係肥仔嘢，因為大部分會用肥豬肉整。📜🥢鴛鴦燒賣 $32🥢芝麻蝦多士 $4

章魚雞粒飯 好味道章魚雞粒冬菇飯粒完全配合食一盅覺得唔夠黑松露湯餃好似飲緊忌廉湯咁不建議千層糕出面比較少見但都係普普通通嘅其中一樣出名嘅蝦多士都整咗好耐先上枱係幾大份 但同時都好油食一件都好濟味道都係一般般啫

-🚩 周記點心 (西環)西環西營盤水街東利大厦地下H1號舖—————————————————————🤍餐廳推薦度：🤍🤍🤍🤍（4/5）❇️每人平均消費：$150 (lunch）⭐️打卡指數：🦖🦖🦖（3/5）🤡服務：🦖🦖 🦖🦖（4/5）🍭味道：🦖🦖🦖🦖（4/5）以前係西營盤返工，久仰大名咁耐都未去試過，前排就同朋友去試下蝦多士究竟有幾好食🤓店內設計好似普通茶餐廳，大概只有八枱位置，由於當日太肚餓，所以我哋叫咗好多點心食，不過我淨係介紹出名好食嘅俾大家先🫡✏️蝦多士鎮店之寶蝦多士，簡直係每一台都會叫嘅食物，你可以睇到圖中炸到金黃色，再淋上芝麻又脆，咬開仲係好足料既蝦肉，黎既既朋友一定要試。✏鮮竹卷呢個鮮竹卷本身卷冇乜特別，但係個湯竟然係超級濃味嘅金寶湯？我同朋友都飲上癮🤡✏爆漿流沙西多士諗住唔會好似餐牌咁樣流晒出嚟，點知一切開，係流極都唔停，奶黃再加咸蛋黃味好夾，好香🦖以上食評只代表本人意見🐷

港大附近有好多出名嘅餐廳 mark低左幾間今日就去左呢間周記點心 聽講佢有全港獨家嘅爆漿流沙西多 同普通西多士有D分別！仲有得飲茶 有我好鍾意嘅包點！🥞奶黃流沙西多士💰38爆漿西多士其實有好多種口味 例如係芝麻 紫薯 朱古力 不過鍾意食流沙包嘅我梗係揀左奶皇流沙 係邪惡之中更加邪惡😛 上來個陣其實扎眼望同普通西多士冇咩唔同 除左上面冇朱古力醬（都少左D罪惡感🤭）外表炸到金黃色咁 係中間切開就有奶黃流沙流出來 係流沙包嘅餡 不過係第二種甜品度出來都好正🍰懷舊千層糕💰36千層糕上面有小小鹹蛋黃嘅點綴 白黃相間咁真係千層 黃色係鹹蛋黃嘅夾層 白色就係甜滋滋嘅發糕口感 鹹甜交替唔會膩 切開都好大舊 性價比高！🫔春風得意腸💰43呢個腸粉入面料都真係幾豐富 一開始以為係單純嘅炸兩 但係脆皮入面仲有醃過嘅蝦肉 真係蝦仁咁大粒但係又鹹鹹地 腸粉皮嘅存在感反而唔係太高 整體比較酥脆 點完豉油可能會有小小鹹～🍝XO醬炒銀針粉💰45銀針粉同XO醬嘅搭配我真係未見過 但係炒得好惹味 類似避風塘嘅風味 雖然有芹菜同芽菜嘅點綴 但係主角每條銀針粉都沾上XO醬嘅味道 加埋椒鹽脆粒 唔會有一條「漏網之粉」係無味嘅 仲

星期日下午喺周記食點心，唔需要等位。周記係茶餐廳形式嘅點心店，點心都多款式。叫咗好多人推介嘅芝麻蝦多士（$48），見到每枱食客都有一碟，芝麻鋪滿成個多士面，感覺似食煎堆嘅香脆感，麵包邊好脆身，中間嘅蝦蓉係厚身彈牙，好足料，每塊多士都大大件同一樣咁厚身，無令人失望～ 加埋沙律醬食會更加好食，鮮味更突出😋鮮蝦菜苗餃（$32）蝦肉新鮮彈牙，蝦肉同菜嘅比例係7:3，餃子皮晶瑩剔透，唔會太厚身，口感同味道剛好。咖喱土魷每舊魷魚都好大塊，少少香辣嘅咖喱味黑松露湯餃（$28）黑松露湯係雞湯滲出淡淡黑松露味，唔會好鹹好濃味，餃子皮好薄，入面餡係好包滿嘅肉肉，食完一個湯餃，會好飽。鴛鴦燒賣（$32）一款係蝦燒賣，另一款係加咗黑松露喺面嘅黑松露蝦燒賣，蝦肉新鮮，蝦同豬肉比例各一半，食到豬肉嘅結實同蝦嘅彈牙～樽裝奶茶試咗樽裝奶茶，比正常甜度偏甜，120%甜，奶茶有茶味，但由於太甜，覺得唔太好飲，如果可以少甜啲，會好好多由於周記係茶餐廳形式，所以唔會有得揀茶葉 開壺茶，店員會比兩杯茶食客，亦會密密加茶，點心食完會即刻收走吉碟/籠，服務都幾好。唯一唔舒服嘅係，每張枱距離比較貼近，同後面嘅食客會背貼背坐，少少擠迫

位於西環點心店，主要以創新派點心作賣點，同時亦可以食到傳統點心，滿足到各方面需求🥰.價格唔算貴，都係同區平民價錢就食到，點心亦好足料，上枱時候仲熱辣辣，可以慢慢嘆番一盅兩件.獨家自創邪惡流心系西多士，完全做到外脆內軟，外面炸得金黃香脆，內裏流心一切開就蜂擁澎湃流出，超正🤤必試之選！.另外仲推薦蝦多士，表面沾滿芝麻，香脆可口，成塊多士都用蝦肉打成膠再成型，每一啖都係非常濃烈既蝦味🤤蝦蝦蝦！值得一試🦐***⭐️芝麻蝦多士⭐️奶黃流沙西多士⭐️春風得意腸
⭐️奶黃流沙包
⭐️濃湯鮮竹卷
⭐️鴛鴦燒賣 (黑松露/蟹籽)
⭐️周記蝦餃***💰預算: 人均約HK$150

西環周記，流心西多士最出名，我個人認為佢哋嘅點心都好好☺️而且唔貴， 10分推薦俾大家。我最鍾意嘅係芝麻蝦多士，好香脆，中間嘅蝦滑好足料，勁厚身。而最出名嘅流沙奶黃西多士，真心好食，流沙效果好出眾，不過食晒成份都會有少少膩🤪春風得意腸係用腸粉皮包住類似油炸鬼同蝦，口感幾得意。鵪鶉蛋燒賣就係一款懷舊嘅點心，而家好多酒樓都未必有得食，所以可以喺呢度搵到一種舊嘅情懷。朋友推介我食嘅XO醬炒銀針粉，好惹味👍🏻呢度仲有一啲特別嘅港式飲品，我哋分別奶茶紅豆冰同埋樽仔鴛鴦，口味都唔錯，唔會太甜。

全新面貌，環境很有冰室feel,連餐牌都全新，食物亦有新配搭，例如櫻花蝦炒蛋、榛子醬西多士!叫左個特餐，這是非一般的特餐，少有的買相，竟然如宣傳單張一樣甘靚，櫻花蝦炒蛋未道不錯，仲要係配我最愛的牛角包(本身塗煉奶，想用黎夾蛋記得走煉奶)，碗喇沙湯底夠濃，仲有2隻大大隻有蝦味既蝦，魚片亦柔軟鮮甜，最後到茶記既主角~奶茶~，我比佢既形容係香濃滑。本次惠顧很滿意，態度很好，下次會再試本店其他食物。

因為疫情關係，已經很久無同家人一起到茶樓嘆一盅兩件，而外賣便變成了另一種飲食文化。最近想食點心，於是上網找尋區內的茶樓和點心店，終於找到在水街的周記點心茶餐廳。從網上得知周記最出名的有芝麻蝦多士、鴛鴦燒賣、XO醬炒腸粉等的中式點心外，更還有西式的流心西多士，中西合璧，真的是並不一般的傳統點心店。於是我便預先打電話叫外賣，照他們最出名的食物落order!去到周記，外賣已經準備好不用等。但可惜我等了半個鐘巴士，熱滕滕的食物变得.....好回到家開始慢慢品嘗，芝麻蝦多士$48芝麻和麵包雖然已不熱敕敕，但仍很香口和挺身，蝦肉滿滿的，絕對值$48！可以推介給大家！春風得意腸$43這個最裹面是蝦肉，用春卷皮包裹，再包腸粉皮。原本應該有的一脆一軟滑強烈對比的口感，因為回家時間太耐，脆脆的春卷皮，被腸粉皮变得軟身。若有機會再來的話一定要再試。XO醬炒腸粉$45他們還有XO醬炒銀針粉XO醬炒蘿蔔糕.他們炒得很惹味，加入了唐芹和銀芽，把XO醬更突出。鴛鴦燒賣$34有很多蝦肉，口感爽滑。鵪鶉蛋燒賣$26蛋白比較硬。鳳爪排骨飯$36他們還有章魚雞粒飯蝦醬豬頸肉飯份量比我想像中多，排骨食到有很多肉，不是太多肥膏

今次食咗依間大呀哥推薦嘅餐廳。其實都一直聽聞依間餐廳。終於把心一橫。山長水遠走過嚟lunch。鵪鶉蛋燒賣。懷舊的味道。豬肉調味夠。個皮唔會蒸到濕晒爛蓉蓉。夠乾身。不錯。春風得意腸。腸粉皮夠薄夠乾身。味道不錯。十分香脆。XO醬銀針粉。越食越惹味。雖然無料同有西芹就咁食個粉ok嘅。驚唔夠飽可以叫。蝦多士。本餐mvp。夠新鮮熱辣夠脆。蝦餅好厚身。調味足夠。咬落去面頭濃濃芝麻味。極香口。完全可以唔使點醬。不過食食吓好似食緊煎堆。最後萬眾期待嘅西多士。熱辣辣。香脆嘅。好流心嘅。係exactly奶皇包嘅味。不過就只係咁。沒其他好說了。樽仔奶茶。好茶餐廳奶茶味。正。總結。係算好食嘅。起碼無一樣係伏。食物價錢還好。份量正常。原來奶茶要24蚊。極貴。收返個讚座位都密。好彩十二點幾都唔使等。都食得過。不過回頭率一般。