成日聽人講日式、歐式、2 合 1 同迷你洗衣機，其實點樣分？兩者又各有咩好處呢？洗衣機人氣品牌有 LG 樂金、WHIRLPOOL 惠而浦、HITACHI 日立、PANASONIC 樂聲牌 同 TOSHIBA 東芝。點樣先揀到適合自己嘅洗衣機？即睇呢篇洗衣機選購指南，仲有人氣洗衣機推薦~

2023最新洗衣機評測報告
▾4星▾

產品	洗衣表現	慳電程度	慳水程度	減震及寧靜程度	使用方便程度	總評
Miele WTD160 二合一洗衣乾衣機	4/5	4/5	4/5	3.5/5	4/5	4星
WHIRLPOOL 惠而浦 WWEB8502GW 二合一洗衣乾衣機	4/5	3.5/5	4/5	3/5	3.5/5	4星
西門子 WD14S460HK 前置式二合一洗衣乾衣機	4	3.5	4	3	3.5	4星

日式洗衣機與歐式洗衣機的分別

洗衣機選購要點

1. 容量

洗衣量係指洗衣機最大嘅洗滌容量，以公斤作單位。有人認為容量較大會比較方便好洗，但如果洗衣機容量比起所需容量多出好多，就會浪費更多水同電力。如果投放衣物接近或超過容量，洗衣機就會運轉不暢，導致潔力不佳，甚至可能會因為超載而損壞電機。大家可以「1公斤／人」嘅算式估計屋企需要嘅洗衣機容量。

2. 脫水轉速

脫水轉速愈快就需要愈短時間抽出衣物水分。一般日常洗衣程序用每分鐘 800-1000 轉就可以。如想縮短晾乾衣物時間，建議用每分鐘 1200 轉或以上。洗衫前記得留意衣物物料，例如牛仔衫比較吸水，最少要用 900 轉先唔會喺晾衫時滴水。

3. 噪音程度

洗衣機比其他家電發出較多噪音，而洗衣機嘅噪音取決於電機技術。

定頻洗衣機，配以定頻電機，轉速固定，技術相對穩定。價格一般較低，但用電量較高，噪音大，震動強，而且潔淨效果一般。

變頻洗衣機，配以變頻電機，轉速可調較，循序漸進。剛啟動時，低速運轉，打散衣物。加入潔衣液後，會加大轉速搖勻，再減速讓衣物浸泡。隨後進一步加速，徹底清潔衣物。最後高速甩乾，完成整個過程。靈活轉速帶嚟更好嘅潔淨效果。

4. 速洗功能

速洗功能可以喺十幾分鐘內完成洗衣程序，好適合趕時間或少量衣物嘅情況。

5. 去水位

市面上嘅洗衣機主要分為高水位同低水位。最簡單嘅分辨方法係有冇水泵。高水位指排水口喺洗衣機上部，所以當洗衣步驟完成後，污水會由水泵從洗衣機嘅底部抽高再排走。而低水位洗衣機會喺洗衣機底部直接排走污水。如果你家中嘅排水口比洗衣機出水口低，你可以選用高水位或低水位洗衣機。但如果家中嘅排水口比洗衣機出水口高，你必須選用高水位洗衣機。

洗衣乾衣機小貼士

• 不宜放置喺潮濕嘅地方，如戶外及浴室，避免有水滲入機內（如要放入室內，記緊保持室內空氣流通乾爽）
• 用電量大，必須使用獨立供電插座
• 洗衣量及乾衣量唔可以超過說明書所列上限，亦要留意衣物嘅物料同護理標籤
• 定期清潔滾筒﹑洗衣劑盛載格同排水泵過濾器等

洗衣機常見問題

Q: 洗衣機應該點清潔？隔幾耐要洗一次？

每月應該自行清潔洗衣機一次，2 至 4 年就要揾洗機公司進行一次深層清潔。自行清潔步驟如下：

1. 利用小梳打粉或漂白劑清潔洗衣機內櫳
將半磅小梳打粉倒入洗衣粉槽，再用最熱溫度嘅水，讓洗衣機空轉。或者可以將小半個蓋嘅漂白劑同樣倒入洗衣粉槽，用凍水讓洗衣機空轉。

2. 清潔門邊防水圈
洗衣機機門有個防水膠邊，用家可用布或牙刷洗刷。

3. 清理垃圾糟
歐式洗衣機嘅底部有個垃圾糟，拎開佢通常會有污水流出。用家可用垃圾袋圍著機底準備裝污水，然後擰開垃圾糟排出污水。

Q: 洗衫時洗衣機應該要幾成滿？

洗衣機最多只應七成滿，好讓衣物有足夠空間轉動，以免洗唔乾淨。同時可以避免洗衣機避震器老化問題，延長洗衣機壽命。

Q: 如何避免洗衣機損壞？

1. 洗衫前要檢查衣物有冇硬幣或雜物。若不小心留下硬物，便有機會磨損洗衣機內筒或卡住轉輪，造成機器損壞。
2. 清洗衣物容量唔好超過廠方指定嘅容量，以免洗衣機負荷過大而燒壞摩打或其他零件。
3. 洗衫後，要確保洗衣機徹底排出污水，然後打開頂蓋最少 1 小時，讓空氣進入洗衣機內。此外亦要進行清洗，確保機內保持通爽乾淨。
4. 不應長期將洗衣機放喺潮濕嘅環境下，以免機內存有濕氣。同時亦要注意插座電線有冇出現老化情況。

洗衣機精明選擇小貼士

1級節能

強制性標籤計劃嘅「級別式」能源標籤將同一類產品嘅能源效益分為五級，方便消費者選擇具能源效益既產品。產品獲得第一級能源標籤，表示呢個產品係市面上能源效益最高。1 級能源效益不但省電，長期使用更可以省錢。

高轉速

愈快嘅脫水轉速能夠係愈短嘅時間抽出更多水分。洗衣機脫水轉速可達每分鐘 600-1600 轉。中等轉速大概每分鐘 900-1000 轉。 每分鐘 1200 轉或者更高轉速，就係脫水速度較快嘅規格。

2合1洗衣乾衣

二合一洗衣機可以處理洗衣及乾衣程序，節省時間同空間。每部洗衣乾衣機嘅洗衣潔淨程度和乾衣度都各有取捨，所以建議消費者按洗衣乾衣習慣，挑選合適嘅型號。消委會亦提醒，洗衣乾衣機唔好放置喺戶外同浴室等潮濕地方，避免有水滲入機內。

3-4人家庭

購買洗衣機時亦需要考慮到家中嘅人數，一般 3-4 人家庭大概較常會用到 7－8 公斤嘅洗滌容量。選擇合適容量嘅洗衣機可以避免浪費更多水及電力同減低運轉不暢嘅機會。

飛頂洗衣機

「飛頂」一詞，來自購買歐洲前置式洗衣機時出現嘅術語。喺香港俗稱「嵌入式洗衣機」。唔少歐洲洗衣機品牌會提供「飛頂」裝置，將原有機頂除去，改以一幅可「推入」櫃底嘅薄板裝置。顧客可按照需要，考慮是否將原有機頂除去。港式廚櫃枱面普遍高度為 850 毫米，如果想節省空間，嵌入式 / 可飛頂洗衣機便十分適合你。另外，選擇 820mm 洗衣機嘅好處係可以與歐式港廚櫃枱面配合，無需飛頂就可以直接安裝喺唔同高度嘅廚櫃，機身美觀又整齊。