小妹原本預約左5月尾，碰巧職員通知當天原來有包場活動，並提議將下午茶改為下午5時至晚上8時，小妹見可以一次過欣賞香港嘅黃昏同夜晚景色於是爽快答應。 由於我地遲左，去到果陣室外窗口位已經滿晒，只好坐入少少。 個下午茶一眼睇晒，食物唔多，每人大約6件鹹點同甜點，包括(由英文自己直譯)牛油果慕絲配芥末蛋沙律、四川風味手撕雞墨西哥夾餅...、迷你和牛漢堡包配蘑菇、帆立貝藍莓配蝶豆花汁、金箔酥炸黃金蝦多士以及芝士英式鬆餅。整體嚟謫講食物都好高質、真材實料。 當中，令我最驚喜嘅係個迷你和牛漢堡包，入面嘅和牛煎得好香，超嫩滑，勁多汁！一邊食一邊係咁大叫好好味! 另一個驚喜鹹點係炸蝦多士，本身以為隻蝦下面係一塊普通多士，切開見到入面仲有兩隻蝦！好足料，而且蝦肉爽口彈牙。 牛油果慕絲好軟滑有空氣感，味道偏淡，配芥末蛋沙律剛剛好。 另一款我中意食嘅係手撕雞墨西哥夾餅。傳統嘅墨西哥夾餅就食得多，手撕雞肉配以青瓜同開胃酸辣四川風味醬汁真係好正！ 不過小妹覺得帆立貝藍莓配蝶豆花汁較為失色，帆立貝鮮甜，可惜整體無咩味。 英式鬆餅好香芝士味，而且仲有clotted cream及tomato marmalade兩種醬可以點，美中不足的是質感較鬆散，小妹食到成枱都係。 雞尾酒共有5種選擇貫徹「5 Elements」主題。我地分別揀左Earth和Water。 Earth嘅外面沾滿左抹茶粉，入口帶點苦味。但是因為天氣熱，杯身會出水，拎起上嚟有點不方便。 Water入口較清新，一邊杯身沾有話梅粉，令酒味更出。 總括嚟講，每人二百幾蚊可以係118樓嚟個高空下午茶，而且食物質素好，性價比好高！不過下午茶份量唔多，未必夠飽。更多

位處全港，噢，對不起！應該是全球最高的酒吧Ozone，餐廳廂房能俯瞰整個維港兩岸璀璨夜景，晚上的景色尤其優美動人，一向都是摸著酒杯底聊天的好地方。 遇上天氣好的日子，大可坐在戶外，脫下口罩吹吹風，跟朋友天南地北一番。 而今個五月天，Ozone推出了以五種元素作主題的雞尾酒系列，更配搭了「Five Elements」全鹹點下午...茶。 五款Cocktail各具特色，若果是單點，都只是$138/杯，以酒店級數而言，實在好相宜。 反正不用上班，就來一杯酒精度較高，以Bulliet Bourbon威士忌為基調，加入浸泡黑松露的「Wood」吧！ 至於「Fire」就最具賣相，尤其是在客人面前出現火光效果，令視覺先行享受一次，香甜的芒果蜜與及 St-Germain接骨木花酒，散發了陣陣酒香，杯沿沾上了泰國鳥眼辣椒劑及辣砂糖，更是刺激了味蕾。 至於「Metal」、「Water」及「Earth」究竟內藏什麼玄機？ 大家可翻開特製的Menu，自然知道得一清二楚。 如果嫌單調，大可同時試試酒店最新推出的Afternoon Tea 。 當中最欣賞是今個Afternoon Tea，係可以一人前，即係假如閣下有真空時間，一個人都可享用，完全無須要二人同行，真係靈活多變，不過，Ozone只在星期四至星期天開放，大家可要注意啊！ 因為連上述的雞尾酒，每位都不過是$300左右。 以往 Afternoon Tea 令人聯想起三層架，鹹甜點各佔半，仲要係賣相靚靚，精緻動人，女士們打卡放閃無難度。 但Ozone的下午茶，以全鹹點作賣點，相信會對男士加強了吸引力。 圓形縷空的金屬架，擺放了以「Five Elements」作主題的鹹點。 以炸得香脆的黃金蝦多士，貼上金箔，代表了「金」的矜貴，而且毫無油膩的感覺，外層酥脆，配上雞尾酒，非常有趣。 以綠色作主打的「木」，芥末口味的牛油果慕斯配搭爽脆的蘆筍和蛋白，層次分明，清新刺鼻的味道巧妙地帶來口感的平衡。 放置在層架中間的「水」，散發亮麗的紫色，原來是蝶豆花加入了藍莓酸汁的效果，有若海水的蔚藍色調，切碎的漬帶子清新怡人，嫩滑細緻，我喜歡。 至於「火」，就是揉合了將傳統的墨西哥玉米捲餅與四川風味辣雞絲，火辣的口感，必然刺激了大家的味蕾。 而「土」是 用上了 Ozone 的招牌迷你磨菇和牛牛肉漢堡，尤其是幽香的蘑菇，帶出了大自然的氣息，結合了滿是油香的和牛牛肉漢堡，更加是絕配。 Cheese Scone 比預期鬆化可口，塗上看似是 Clotted Cream sauce，但實際上是加入了Smoke Salmon ，令味道更具層次，而 Tomato Marmalade，少許酸度，又是另一種滋味。 6月份又是「父親節」的大日子，想同父親在晴朗的天空下把酒言歡，Ozone 的確是個好地方。更多

全港最高酒吧，服務一流 而且好多靚女waitress~好好笑容好有禮貌 坐outdoor窗邊個港景好靚 飲杯野坐下望下個景好relax 雖然價錢貴少少，但值得

同男朋友黎依度食brunch 買左個優惠套餐所以黎試下 都幾多唔同種類食物 自助餐咁 食物質量都係新鮮同靚 Free flow champagne 特別要讚賞一個職員Johnny Kong 因為我好麻煩 又要佢俾紙巾濕紙巾 又成日係咁自行想調配飲料 加水果又砂糖係杯邊 佢係我無要求只係提出自己想法的情況下 主動解決我對飲食嘅欲...望 竟然自己主動貼心地準備好左一杯杯邊有砂糖同入面有果肉既香檳 所有野都係好細緻貼心 笑容可掬親切 又會同客人談笑關心需要 本來因為飲料方面有點需求驚滿足唔到而有啲失望而回 但因為Johnny Kong, 所以完滿結束 5星酒店餐飲其實除咗食物 最重要就係服務 為間餐廳大大加分 讚更多

Ozone享有絕佳的視野，並提供優質的食品和飲料服務。 當您需要一些飲料時，這裡是個休息的好地方，您將在香港的最高位置上度過一段私人時光。 請嘗試在傍晚時分參觀，因為您將欣賞日落的美景。 另外，如果您是麗思卡爾頓酒店的住客，您會獲得一條秘密通道返回酒店。 （特別感謝為我們提供專業服務的員工-Johnny）

Sunday brunch 所有食物都很美味，尤其是和牛漢堡非常推薦。其實吃完主菜經已很飽，所以未有機會嘗試所有甜品，但揀選的Tiramisu和布甸甜度適中，好好食！每道菜式的份量都很足夠，絕對是一間必定要試的餐廳！

麗池飯店最高樓層的酒吧，位於118樓。晚上港灣夜景一覽無遺。有分室內及戶外區，夜晚風蠻大的。飲品調酒尚可。