《逆天奇案2》逢周一至周五晚八點半翡翠台播映,相隔26年再亮相TVB劇集的梁小冰,昨晚一集與真.老公陳嘉輝相隔23年再合作。嘉輝哥在劇中是一位癡心情長劍、對阿蘭呵護備至,現實中嘉輝哥亦同樣是絕世好男人加愛妻號,小冰受訪時開心分享嘉輝哥每日「冧豬語錄」:「我老公好玩得,每日起身都會話:『你好靚喎』,結婚20幾年都係咁,講嘢好甜,就算我捲到個頭好似包租婆咁,佢都話:『點解可以咁靚』。」
延伸閱讀:逆天奇案2劇情|全30集劇透懶人包(持續更新中)危機四伏!陳展鵬/黃智賢/林夏薇/蔣祖曼攜手破奇案
小冰坦言兩人亦有鬧交時,但嘉輝哥僅以一招便能成功收服老婆,小冰透露:「我性格係一有問題就會blablabla講晒出嚟,佢就叫我慢慢講、唔好嬲,同埋叫我可以選擇用另一種方式(表達),例如喺最嬲時唔好講嘢,寫出嚟。以前我就寫晒喺張紙上,寫完幾千字都已經唔嬲啦,依家就轉用WhatsApp。」小冰笑謂兩人結婚多年,現在已經是無聲勝有聲:「依家唔使講嘢都知大家諗咩㗎喇,唔使咁多說話同溝通,呢個就係默契!」