影片
電話號碼
66622126
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
沙田新城市廣場最近越來越多大陸過江龍進駐，包括探魚，太二酸菜魚，四面泰火鍋，方叔叔重慶老火鍋等等等等！感覺秒到了深圳商場！而這間被稱為“深圳必食潮汕菜店”終於殺入沙田！大家留港消費又一選擇！環境方面：裝修跟深圳分店裝修大致相同，地方寬躺！亦有卡座位食物方面：話到明必食潮汕菜，當然餐廳以潮汕菜為主！餐廳除了可以散叫之外，亦有套餐！套餐份量也很大，一個2人套餐，就算3個人食也可以雙人餐 $198工夫茶：（雙人餐 ）鳳凰單叢雖然我對於品茶嚟講，同藝術一樣，只系「識條鐵」嘅啫！不過杯茶係幾好飲！而鳳凰單叢，鳳凰單叢因鳳凰山而得名！其實是烏龍茶的一種，亦有人稱鳳凰茶！潮菜頭牌：（雙人餐 ）潮鹵拼盤鵝片，掌翼，豆腐，廣章，溏心蛋鵝片：咸香鮮嫩，肉汁濃郁的口感其他鹵水食材都非常新鮮和豐富，當中有掌翼，豆腐，廣章，溏心蛋，全部都鹵得很入味又軟腍！靚湯：（雙人餐 ）頭水紫菜魚丸湯2位紫菜的鮮美，帶出了湯的鮮味，魚丸爽口彈牙，入口鮮甜！蝦亦很彈牙！三者的鮮美都能發揮得淋灕盡致本季精選：（雙人餐 ）香煎鯧魚半條鯧魚肉質細緻、肉厚又少刺！鯧魚煎的皮脆甘香，又能嘗到肉汁豐盈的鮮味！香煎亦沒有影響魚肉中的質感（雙人餐 ）雞汁普寧豆干普寧豆乾絕對是潮汕菜的一個代表品牌！其皮酥脆，肉嫩滑，味清香而馳名。（雙人餐 ）潮汕七樣菜七樣菜同樣是潮汕菜的另一個代表品牌！七樣菜的由來：每年正月初七（人日）每逢這天，人們將七種蔬菜放在一起烹調，取個好意頭主食：（雙人餐 ）蠔仔泡粥這個蚝仔泡粥，真係好多料！蠔仔新鮮的飽滿有彈性！留意泡粥/粥/泡飯，三種口感不一樣！泡粥飽肚感會滿足一點！甜品：（雙人餐 ）椰汁仙草蜜2位仙草蜜口感會比較煙韌，加上椰汁，絕對是清涼消暑的甜品南澳蠔仔烙 $98蠔仔新鮮的飽滿鮮美，配上煎蛋及木薯粉，香脆煙韌，又香又脆整體來說，食物質素不差的，服務態度也超越左我期待！無論香港深圳，同樣做到水準，而價錢方面亦跟深圳差不多，計算埋來回車費及車程時間，絕對值回票價！
繼續閱讀
陳鵬鵬潮汕菜館 📍沙田沙田正街18號新城市廣場一期7樓703A號舖最近越來越多大众点评必吃榜嘅餐廳至香港🤔陳鵬鵬三月尾都係香港開咗分店啦！第一間分店選址沙田新城市廣場，開業儀式當日場面好墟冚，午餐時段門口齊晒長龍！難得入到沙田又適逢新開張，當然要捧場下招牌菜！🪿金獎潮滷拼盤$188採用獨創12味草本卤湯，每日都會新鮮現滷，唔會重用老滷，欣賞呢份堅持！例牌份量都足夠四個人食，啖啖肉，滷水味香而唔鹹👍🏻🦐生醃甜蝦 $88辣辣地好惹味嘅甜蝦，醬汁味道有少少似泰式辣醬！做開胃菜一流👍🏻🥦🥬潮汕七樣菜 $68每餐飯都應該要叫啲蔬菜平衡下，呢鍋份量同菜嘅款式都好多，而且啲菜好鮮甜！🍲胡椒豬肚湯 $68估唔到例牌湯水都包含好多料！豬肚肉質柔滑，乾淨冇異味！兩個人飲每人都可以有兩碗！🐣🥚南澳蠔仔烙 $98必食推介❤️👍🏻👍🏻👍🏻👍🏻👍🏻非常出色嘅蠔仔餅！蠔仔份量非常多，而且粒粒又大又飽滿，一啲腥味都冇！煎得極香脆，師傅特登面頭再加脆脆，增加口感，食落脆卜卜嘅嘢味！☕️🫖鴨屎香茶 $38平時食中菜一定唔會有鴨屎香！所以今次要試吓，我自己幾鍾意！
繼續閱讀
🦆金牌鵝肝新派潮汕菜🌾-沙田新城市廣場呢期成日都有新餐廳開張 今次就嚟到呢間現代潮汕菜嘅小餐館食飯😋 主打以平民價錢就享受到鵝肝打冷同潮州粥等經典品項😎-🏅金獎鵝肝 🐟打冷魷魚 🦐生醃甜蝦 前菜冷盤㨂咗餐廳大推嘅金獎鵝肝 煙燻處理過再雪凍嘅鵝肝食落好creamy 唔會好重內臟嘅腥味 反而有少少似係雪糕咁 幾出色😋 另外打冷魷魚都幾爽口 而生醃甜蝦帶少少辣 好開胃😚-🫛雞汁普寧炸豆乾 🐟香煎鯧魚 小菜㨂咗呢兩道 豆乾同一般炸豆腐好唔同 入面比較更綿滑同creamy 加上外面嘅金黃脆皮 層次滿滿🤤 煎魚煎到金黃色 充滿油香😗-🥘鮑汁古法焗鮮鮑 難得同媽媽出街食中餐 所以㨂咗鮑魚仔孝敬佢🤣 鮮飽好入味而且都焗得好淋 而且個汁都好惹味 撈飯一流😂-🍲胡椒豬肚湯 🥥椰皇雞湯 餐廳都好推介佢哋嘅湯品 所以我哋就揀咗兩個嚟試吓😛 佢嘅胡椒豬肚湯好特別 落咗係蕃茄同酸菜 所以飲落胡椒味唔會太辣 反而多咗種酸菜嘅酸味 比較開胃 而且豬肚都好爽脆❤️ 另外椰皇雞湯真係圓個椰皇上碟 用咗椰青水煲 所以好清甜🤩-🥦潮汕七樣菜 有選擇困難嘅朋友就最啱揀呢個 因為包咗七款當季當造嘅時菜 食落好清甜 而且顏色繽紛 一次過就食到七款菜菜😘-🌾私房泉水白粥 $18/位因為食飯太飽 所以揀咗白粥 搬到呢個平實無華嘅品項竟然去到最大嘅驚喜我哋🤩 佢嘅白粥好綿滑 但仍然保持咗米粒感 十分出色😍 餐廳話係因為佢地用咗特別嘅泉水同東北米先煲到嘅效果 夠咁心思👍🏻-🫘陳皮紅豆沙 $20/例甜品我哋揀咗紅豆沙 紅豆都幾飽滿 食落都有起沙感 唔錯 如果陳皮味再濃啲就更正啦😛-📍陳鵬鵬潮汕菜 (沙田)沙田沙田正街18號新城市廣場一期7樓703A號舖
繼續閱讀
呢間野叫飛，工作人員係狂禁號碼，又唔睇邊個號碼先同後就求其比左枱比後面號碼，仲要下一張係要等勁耐先有，只係求其講句唔好意思就算，啲工作人員比人嘅感覺係唔覺得自己做錯，服務態度係好差若果唔係想試下新食肆都唔會去幫襯，冇下次
繼續閱讀
陳鵬鵬係外地長期滿座，竟然而家開到黎香港🫢香港店舖位置都坐得舒服，而且人流不斷，店員服飾最令我深刻印象一定係頂帽，好有特色，食物味道正常，但係上菜嘅速度真係要改善下！！！！坐低會免費送杏仁曲奇🍪有啲似內地，呢樣幾好👍我地叫左個2人餐，超抵食～200有找食到勁多野，真係有啲估唔到😍—工夫茶|一鳳凰單叢佢用左茶包放杯，佢枱面放咗一壺熱水，比起平日一壺茶既茶包咁濃郁，茶味可以更香潮滷拼盤例鵝片，掌翼，豆腐，廣章，溏心蛋一次過試齊鹵鵝精華，每一樣都好食，重點係套餐份量唔少，價錢超合理佢甄選基地專供澄海獅頭鵝，十幾種草本鹵汁滷製，每日五次新鮮出爐，絕不過夜，絕無味精 仲要散叫可以叫上庄/下庄，雖然我唔係好知有咩分別，但係第一次見鵝係可以咁簡要上定下選用優質鷄蛋，安全美味雞蛋蛋黃唔會過熟，蛋味都香鵝翼肉質緊實，越食越香頭水紫菜魚丸湯2位精選頭水紫菜，比一般紫菜更鮮甜，與魚丸同鮮蝦一起煮，滿滿鮮甜滋味有西芹 ，紫菜，鮮蝦，魚丸，飲落清甜本季精選香煎鯧魚半條榮獲香港潮州菜大賽銀獎，鯧魚經過特殊處理再煎香，金香鮮美半條份量都唔少，食落香脆雞汁普寧豆干想食，但佢賣曬轉左蝦餅比我🥲🥲香脆，加佢醬汁更香潮汕傳統，一次食完七種蔬菜，健康好意頭我估唔到啲菜幾嫩幾好食一主食蠔仔泡粥蠔仔加上方魚碎，食落香胡椒味，蠔仔都多而且解甜，幾出色—甜品椰汁仙草蜜2位做飯後甜品幾好，又唔會太甜
繼續閱讀