影片
電話號碼
66622126
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
沙田新城市廣場最近越來越多大陸過江龍進駐，包括探魚，太二酸菜魚，四面泰火鍋，方叔叔重慶老火鍋等等等等！感覺秒到了深圳商場！而這間被稱為“深圳必食潮汕菜店”終於殺入沙田！大家留港消費又一選擇！環境方面：裝修跟深圳分店裝修大致相同，地方寬躺！亦有卡座位食物方面：話到明必食潮汕菜，當然餐廳以潮汕菜為主！餐廳除了可以散叫之外，亦有套餐！套餐份量也很大，一個2人套餐，就算3個人食也可以雙人餐 $198工夫茶：（雙人餐 ）鳳凰單叢雖然我對於品茶嚟講，同藝術一樣，只系「識條鐵」嘅啫！不過杯茶係幾好飲！而鳳凰單叢，鳳凰單叢因鳳凰山而得名！其實是烏龍茶的一種，亦有人稱鳳凰茶！潮菜頭牌：（雙人餐 ）潮鹵拼盤鵝片，掌翼，豆腐，廣章，溏心蛋鵝片：咸香鮮嫩，肉汁濃郁的口感其他鹵水食材都非常新鮮和豐富，當中有掌翼，豆腐，廣章，溏心蛋，全部都鹵得很入味又軟腍！靚湯：（雙人餐 ）頭水紫菜魚丸湯2位紫菜的鮮美，帶出了湯的鮮味，魚丸爽口彈牙，入口鮮甜！蝦亦很彈牙！三者的鮮美都能發揮得淋灕盡致本季精選：（雙人餐 ）香煎鯧魚半條鯧魚肉質細緻、肉厚又少刺！鯧魚煎的皮脆甘香，又能嘗到肉汁豐盈的鮮味！香煎亦沒有影響魚肉中的質感（雙人餐 ）雞汁普寧豆干普寧豆乾絕對是潮汕菜的一個代表品牌！其皮酥脆，肉嫩滑，味清香而馳名。（雙人餐 ）潮汕七樣菜七樣菜同樣是潮汕菜的另一個代表品牌！七樣菜的由來：每年正月初七（人日）每逢這天，人們將七種蔬菜放在一起烹調，取個好意頭主食：（雙人餐 ）蠔仔泡粥這個蚝仔泡粥，真係好多料！蠔仔新鮮的飽滿有彈性！留意泡粥/粥/泡飯，三種口感不一樣！泡粥飽肚感會滿足一點！甜品：（雙人餐 ）椰汁仙草蜜2位仙草蜜口感會比較煙韌，加上椰汁，絕對是清涼消暑的甜品南澳蠔仔烙 $98蠔仔新鮮的飽滿鮮美，配上煎蛋及木薯粉，香脆煙韌，又香又脆整體來說，食物質素不差的，服務態度也超越左我期待！無論香港深圳，同樣做到水準，而價錢方面亦跟深圳差不多，計算埋來回車費及車程時間，絕對值回票價！
繼續閱讀
陳鵬鵬潮汕菜館 📍沙田沙田正街18號新城市廣場一期7樓703A號舖最近越來越多大众点评必吃榜嘅餐廳至香港🤔陳鵬鵬三月尾都係香港開咗分店啦！第一間分店選址沙田新城市廣場，開業儀式當日場面好墟冚，午餐時段門口齊晒長龍！難得入到沙田又適逢新開張，當然要捧場下招牌菜！🪿金獎潮滷拼盤$188採用獨創12味草本卤湯，每日都會新鮮現滷，唔會重用老滷，欣賞呢份堅持！例牌份量都足夠四個人食，啖啖肉，滷水味香而唔鹹👍🏻🦐生醃甜蝦 $88辣辣地好惹味嘅甜蝦，醬汁味道有少少似泰式辣醬！做開胃菜一流👍🏻🥦🥬潮汕七樣菜 $68每餐飯都應該要叫啲蔬菜平衡下，呢鍋份量同菜嘅款式都好多，而且啲菜好鮮甜！🍲胡椒豬肚湯 $68估唔到例牌湯水都包含好多料！豬肚肉質柔滑，乾淨冇異味！兩個人飲每人都可以有兩碗！🐣🥚南澳蠔仔烙 $98必食推介❤️👍🏻👍🏻👍🏻👍🏻👍🏻非常出色嘅蠔仔餅！蠔仔份量非常多，而且粒粒又大又飽滿，一啲腥味都冇！煎得極香脆，師傅特登面頭再加脆脆，增加口感，食落脆卜卜嘅嘢味！☕️🫖鴨屎香茶 $38平時食中菜一定唔會有鴨屎香！所以今次要試吓，我自己幾鍾意！
繼續閱讀
🦆金牌鵝肝新派潮汕菜🌾-沙田新城市廣場呢期成日都有新餐廳開張 今次就嚟到呢間現代潮汕菜嘅小餐館食飯😋 主打以平民價錢就享受到鵝肝打冷同潮州粥等經典品項😎-🏅金獎鵝肝 🐟打冷魷魚 🦐生醃甜蝦 前菜冷盤㨂咗餐廳大推嘅金獎鵝肝 煙燻處理過再雪凍嘅鵝肝食落好creamy 唔會好重內臟嘅腥味 反而有少少似係雪糕咁 幾出色😋 另外打冷魷魚都幾爽口 而生醃甜蝦帶少少辣 好開胃😚-🫛雞汁普寧炸豆乾 🐟香煎鯧魚 小菜㨂咗呢兩道 豆乾同一般炸豆腐好唔同 入面比較更綿滑同creamy 加上外面嘅金黃脆皮 層次滿滿🤤 煎魚煎到金黃色 充滿油香😗-🥘鮑汁古法焗鮮鮑 難得同媽媽出街食中餐 所以㨂咗鮑魚仔孝敬佢🤣 鮮飽好入味而且都焗得好淋 而且個汁都好惹味 撈飯一流😂-🍲胡椒豬肚湯 🥥椰皇雞湯 餐廳都好推介佢哋嘅湯品 所以我哋就揀咗兩個嚟試吓😛 佢嘅胡椒豬肚湯好特別 落咗係蕃茄同酸菜 所以飲落胡椒味唔會太辣 反而多咗種酸菜嘅酸味 比較開胃 而且豬肚都好爽脆❤️ 另外椰皇雞湯真係圓個椰皇上碟 用咗椰青水煲 所以好清甜🤩-🥦潮汕七樣菜 有選擇困難嘅朋友就最啱揀呢個 因為包咗七款當季當造嘅時菜 食落好清甜 而且顏色繽紛 一次過就食到七款菜菜😘-🌾私房泉水白粥 $18/位因為食飯太飽 所以揀咗白粥 搬到呢個平實無華嘅品項竟然去到最大嘅驚喜我哋🤩 佢嘅白粥好綿滑 但仍然保持咗米粒感 十分出色😍 餐廳話係因為佢地用咗特別嘅泉水同東北米先煲到嘅效果 夠咁心思👍🏻-🫘陳皮紅豆沙 $20/例甜品我哋揀咗紅豆沙 紅豆都幾飽滿 食落都有起沙感 唔錯 如果陳皮味再濃啲就更正啦😛-📍陳鵬鵬潮汕菜 (沙田)沙田沙田正街18號新城市廣場一期7樓703A號舖
繼續閱讀
今日黎到沙田既過江龍店勁多人係店外排隊等左大概一個鐘終於可以入座🥹叫左個雙人餐 以為野食唔多 但原來份量多 都飽到升天🤣🌟雙人餐$198工夫茶-鳳凰單叢🌟頭水紫菜魚丸湯可惜冇晒魚丸 只有牛丸但湯熱辣辣 減退咗可惜感🌟潮滷拼盤例- 滷水鵝、糖心蛋、滷水豆腐、鴨血滷水鵝啲肉好嫰滑 果然係招牌菜🤤🌟 香煎鯧魚半條煎到個皮好香口 食落特別惹味🌟雞汁普寧豆乾雞汁味道比較淡 但另外上可以隨意加雖然話就話係豆乾 但其實內裏仲有豆腐豆乾炸得香脆 送茶飲一流☺️🌟潮汕七樣菜係將七種蔬菜集合喺一齊再加上肉碎 清淡口味中和返之前嘅油膩主食🌟蠔仔泡粥餡料豐富 蠔仔大大隻亦多多粒泡粥感覺特別 唔係泡飯亦唔係湯飯清清地特出左蠔嘅鮮味🌟椰汁仙草同一般唔同嘅係仙草切粒上方便已入口 椰汁味較淡比較適合清淡口味人士
繼續閱讀
約咗朋友喺沙田碰頭，提前到咗到處逛逛，無意間竟然發現咗陳鵬鵬竟然開到嚟香港啦🤩而且點個二人套餐都唔貴！唔用再專登走翻去深圳😆👭🏻二人套餐🍖潮鹵拼盤（例）招牌鹵水梗唔可以錯過，一上嚟聞到香味就已經流口水🤤由5款組成，兼具醬香同甜味，一次過都試到鵝嘅精華😋啱好朋友系潮州人，教我點完醬油再點醋，果然好食，如果吃得辣嘅可以再點上辣醬🤣🍲蠔仔泡粥米粒飽滿有口感，超多蠔仔，基本每啖都可以食到🤩除咗蠔仔同酸菜，竟然仲加咗方魚碎，更有鮮味😋🐟香煎鯧魚半條外表煎到金黃，里面嘅肉仲保持鮮嫩🤩半條完全唔夠食，就系食要細啖d，畢竟有骨🤣🥬潮汕七樣菜第一次食，原嚟除咗好意頭之外，仲可以讓腸胃適應季節轉變🤣好奇數又真嘅有七種菜喺里面，煲出嚟嘅湯都幾清甜🥰🍞雞汁普寧炸豆幹雞汁另上嘅，一起倒進去或者食再點都得🤗有噍勁嘅豆幹吸收雞汁之後更加好食😉🫕達濠魚丸湯彈滑嘅魚丸內質飽滿，配上蝦同紫菜清淡而鮮美🤩🥥椰汁仙草蜜飯後甜品，幸福感滿滿🥰🍵鴨屎香(位）有4款茶可以揀，揀咗個唔會太濃，比較爽口😁服務好細心，因為朋友未到我先到咗，點完之後會咨詢，避免我朋友錯過最新鮮嘅味道😘入座後亦都送上咗小餅幹同迎客茶，小餅幹幾好吃，臨走時想買都冇🤣系要吸引我第次再嚟食吧～呢次有小朋友，所以冇點生醃，呢次試過出品都幾滿意，第次再嚟一試其他野😝
繼續閱讀