影片
電話號碼
23332223
開飯介紹
以灰色為主調、糅合園林及現代風格的西餐廳，更設有室外座位，氣氛相當悠閒。菜式定價合理分量足，其自家製甜品更是飯後佳品。
繼續閱讀
營業時間
今日營業
12:00 - 17:00
18:00 - 22:00
星期一至日
12:00 - 17:00
18:00 - 22:00
公眾假期
12:00 - 17:00
18:00 - 22:00
公眾假期前夕
12:00 - 17:00
18:00 - 22:00
以上資料只供參考, 請與餐廳確認詳情
有關獎賞計劃
影片
相片
海膽蟹肉意粉
龍蝦汁意大利飯配燒原隻日本魷魚
+2.1K
+112
食家推介
-
心太軟
-
黑糖麵包
-
脆皮德國鹹豬手配蜜糖黑椒汁
-
黑糖餐包
-
八爪魚沙律+20
【屯門人氣爆棚西餐廳🍴Dineland】-住屯門嘅朋友仔有口福啦😝今日要介紹嘅小區超人氣嘅西餐廳🤩平日晚餐去食都滿座要等位😋不過食物堅高質同埋環境都幾有格調😜推薦‼️-餐廳係建生輕鐵站行⑤分鐘左右就到🚶🏻♀️餐廳走歐陸風格🌿有落地玻璃，相當有feel~仲手有戶外位置🐶帶埋寵物都冇問題👌🏻食物方面，小編同朋友叫咗兩個dinner set😋人均二百零蚊💰有餐包🥖前菜🥗餐湯同飲品～是日前菜係八爪魚沙律🐙幾有嚼勁，幾特別～餐湯就係南瓜湯，味道超濃郁仲有啲洋蔥香味👅飲品普通檸茶檸水凍飲加$3 ，或者可以補差價轉特飲🍹-😋蟹肉南瓜意大利飯配北海道帶子🎃 $238呢道菜教識我唔可以以貌取人😂雖然相貌平平，但『勁』『好』『食』‼️每一啖都有滿滿嘅蟹肉，好似過百隻蟹係個口入面跳緊donki嘅螃蟹舞🦀不過鮮味又唔會蓋過曬南瓜味😋帶子都煎得幾好😌出色👍🏻好味指數：🌕🌕🌕🌕🌖-😋即刨黑松露忌廉汁意大利雲吞🥟 $198意大利雲吞餡料充滿香濃芝士味🧀外皮煙韌😗個忌廉汁好creamy再加上新鮮即刨黑松露勁香😍超加分😕不過餐廳冷氣太大，啲嘢食好快凍曬，呢點就爭啲😗好味指數：🌕🌕🌕🌕🌗-😋朱古力心太軟🍫 +$30心太軟唔係外面現成焗返熱嘅貨色，即叫即整，食落外脆內軟💝朱古力味仲好香濃添～好味指數：🌕🌕🌕🌕🌗-📍Dineland (屯門)屯門良德街3號豐連地下1號舖💸人均消費：$235
繼續閱讀
好開心屯門有高質的西餐廳😆餐廳裝修唔錯有格調亦設有室外座位好方便帶埋寵物黎或者下午曬下陽光都正☀️⭐️是日餐湯-大蒜薯蓉湯🥣湯味道濃郁蒜香和洋蔥味夠出飲完成個人暖笠笠😊⭐️是日頭盤-煙三文魚沙律🥗沙律夠新鮮配埋醬汁酸甜開胃😙三文魚味道都唔錯⭐️黑糖包🥖依個大讚😍黑糖餐包熱上非常鬆軟配埋香口的牛油十分出色👍🏻⭐️龍蝦汁意大利飯配燒原隻日本魷魚🦑賣相好吸引真係原隻魷魚😍煎得好香口彈牙意大利飯超入味吸盡濃濃的龍蝦汁好好味😋停唔到口⭐️即刨黑松露帶子寛帶麵一上菜已經聞到好香的黑松露味賣相都好有心思帶子大大隻夠新鮮及彈牙煎得剛剛好😙除左帶子仲有不少菇類配料夠豐富而闊條麵都充滿黑松露同芝士🧀正😄⭐️甜品-焦糖燉蛋🍮燉蛋好香滑配埋面頭一層層脆焦糖好高分😉⭐️甜品-Tiramisu蛋糕好鬆軟層層疊疊的蛋糕配上香濃既咖啡味唔會苦食完超滿足☺️
繼續閱讀
幾年冇嚟呢頭搵食，真係變左好多，連建生商場都翻生左。朋友試過Dineland話唔錯，而且又近我地。環境唔錯，有戶外位置，午餐選擇都唔少，咁就成就左我地嘅午聚。🍽️是日午餐套餐配是日餐湯或田園沙律+黑糖麵包🥗田園沙律：沙律菜新鮮，正常發揮。🍞黑糖包細細隻，夠暖，好軟熟。🍝G.黑松露南瓜野菌貓耳朵粉 $88 非常濃郁真材真料嘅南瓜汁仲有粒粒南瓜，鐘意南瓜嘅朋友好喜歡，不過就唔係好食到黑松露。🥣是日餐湯：我會叫佢做蘑菇濃湯，因為食到真材實料，夠濃好飲。🐟L.香煎格陵蘭比目魚配香草忌廉汁 $116魚皮煎得香脆，我好鐘意食脆魚皮，啱晒😋。比目魚好厚身，目測有2吋厚，白雪雪嘅魚肉好滑，魚油豐富。炸薯角好脆，由於魚夠味，所以個香草忌廉汁我用嚟沾薯角食。+$30要左精選生蠔2隻。🦪不過我覺得麻麻地，嚟到唔凍，應該放左一段時間，帶子位唔夠實淨。餐飲：🍹凍檸水，☕latte跟餐+$15📝人手落單，平日午餐不收加一。💬環境唔錯，不過枱與枱之間就窄啲。
繼續閱讀
去大西北搵朋友食返，竟然俾我碌到間森林系餐廳，高樓底又多植林，環境已經覺得唔錯～地點上都可以接受，兆康站落車再坐兩個站輕鐵就到，冇想像中咁複雜。門外見到就覺得好靚，開心嘅係坐正邊位，玻璃外有巨形聖誕樹，打卡真係超級靚～💡三文魚沙律 & 南瓜濃湯 & 黑糖餐包 (跟餐) 沙律新鮮酸甜開胃，南瓜湯一向係我最愛，又香又甜又綿滑。黑糖餐包熱上，香軟到不得了，牛油好香好香～💡龍蝦汁海鮮意大利飯 $168叫之前冇特別睇圖，完全係驚喜。平時叫啲海鮮XX，都係兩條蝦仔再加少少蜆肉。呢個海鮮又真係有蝦有蜆有八爪魚有青口，食落唔會有雪藏味。而我最欣賞係個汁！！！唔知有冇人同我一樣鍾意飲龍蝦湯，但唔鍾意龍蝦汁底嘅意粉同飯，因為通常都會係好酸。點知試咗朋友個意大利飯一啖就心心眼，最後share埋俾我食，因為佢汁底個調味係龍蝦湯味~難得合我口味~係唔會太酸，又有輕微酒味，食落都唔算太膩。💡新鮮海膽蟹肉意粉 $248海膽係面，試咗一啖好鮮甜，蟹肉係以絲嘅方式同意粉混合，每一啖都會有蟹肉同意粉～本來以為會怕好膩，我個人嚟講都叫可以接受，因為佢掛汁，但都唔會過多好creamy嘅喺底浸住。💡焦糖燉蛋 $30面頭一層焦糖，下面燉蛋好滑好香~ 食得超級飽，好在呢個唔算重口味。💡凍檸茶 & 熱檸茶侍應態度都好加分，本身怕煩到人，手袋都放背脊就算，但侍應好主動俾個籃我哋。跟住我又手殘整跌咗隻叉，佢哋反應好快俾過枝，仲俾咗紙巾我抹下件衫。呢啲細心位都幾窩心，有時用餐體驗都好影響印象，有時再好食但食到一肚氣都唔享受。
繼續閱讀
#燒美國安格斯特級肉眼扒配紅酒燒汁 $398粗略估計大概有10安士算係幾大塊，肉眼扒燒得幾好，叫咗五成熟，表面脆脆焦香，入面算有d靭勁，鎖到肉汁！#法國黑松露薄餅 $158呢個小編非常推薦，黑松露味非常重！配合埋芝士蕃茄味道幾夾，另外個批有好多磨菇，味道口感都幾豐富。色香味俱全！是日餐湯 - 粟米湯粟米煲到蓉，碗湯嘅質感好似食麥皮咁，好甜好滿足。是日頭盤 #煙三文魚沙律煙三文魚鹹味剛剛好6隻 #愛爾蘭生蠔 $128呢個係是日精選生蠔優惠，講緊餐廳單隻要$28/1隻，咁半打$128圍返$20/1隻又幾抵，大小一般，海水味比較少，甜味亦不算突出，不過唔會腥，主要係性價比😼#芝士奶蓋水蜜桃四季春
繼續閱讀