食放題太多野想食但時間唔多,最怕漏單等太耐,不過呢間大本瀛日式放題服務同食物質素都幾好喎！首先一定要讚的是店員態度好好有禮貌，會時時刻刻留意到客人需要亦都有叫必應，換碟密拎單入單上菜都好快。 食物方面頭盤刺身有齊最常食的希靈魚、三文魚腩，吞拿魚、甜蝦、大蝦、帶子等等，全部都算厚切且好新鮮，連泰國生蝦刺身都有，蘸點酸辣醬汁食啖啖肉...好爽口。 手握及火炙壽司都唔錯，尤其黑松露系列的都一定要叫黎食，雖然黑松露唔算抹好多但味道好濃。 熱食類個人最鐘意都係雞軟骨、鹽燒珍寶大蝦、金菇肥牛卷及鹽燒牛舌都是值得推薦的，趁熱食味道一流，仲有個幾特別的和風茄醬芝士焗一口雞，雞肉嫩滑醬汁特別，幾好食，而其他食物大都正正常常。 值得一提的是，此店的壽喜燒牛肉鍋真係好大份，食材勁足料，多到食唔晒，湯底亦濃香鮮甜。 飲品選擇亦多，難得仲有啤酒任飲，最後仲有甜品及多款雪糕雪條任揀。$298放題性價比算高，值得黎食返餐。更多
好似好多年冇食過放題啦 見到呢間又有得食壽司刺身打邊爐就連東南亞料理都有 計埋+1都只係要$300鬆啲 CP值勁高😱 ❣️大本瀛食べ放題 $288 🥢刺身類 挪威三文魚 油甘魚 赤蝦 甜蝦 珍寶帶子 鮑片 希靈魚 北寄貝 馬刀貝 紋甲魷魚 泰式生蝦 日本角螺 🥢手握壽司類 黑松露劍魚腩壽司 黑松露珍實帶子壽司 柚...子象拔蚌壽司 花之戀 蝦頭油玻璃蝦壽司 蟹膏珍寶赤蝦壽司 黑松露蝦膏呢啲貴野都有得任食就知有誠意😳 🥢火灸壽司類 蒜香牛油三文魚壽司 香辣汁燒和牛壽司 香蔥燒鰻魚壽司 醬燒千島蟹棒壽司 胡椒岩鹽燒左口魚邊壽司 墨蟹籽吞拿魚壽司 左口魚油脂加上胡椒岩鹽 鹹鹹地油而不膩🫣而且任食超滿足 🥢特式卷物.手卷類 壽喜燒牛肉卷 黑松露三文魚拖羅蓉卷 黃金肉鬆金龍卷 極上龍蝦沙律鐵火卷 牛油果軟殼蟹手卷 嗌咗牛油果軟殼蟹手卷 牛油果同軟殼蟹一樣大大舊 絕對唔馬虎👍🏻 🥢軍艦類 芥辣八爪魚軍艦 芝士蟹籽軍艦 三文魚籽軍艦 吞拿魚沙律軍艦 🥢凍盤小食類 川椒皮蛋 手拍青瓜 白雲鳳爪 涼拌海帶 涼拌木耳 麻辣扇貝裙邊 胡麻豆腐 蕎麥冷麵 三文魚岡山柚子汁沙律 🥢和風料理類 和風讚歧烏冬 焗日式一口甜薯 枝豆 清酒煮蜆 味噌湯 韓式人蔘雞粥 日式海鮮粥 火山溫泉蛋 壽喜燒牛肉鍋 海鮮粥同牛肉鍋真係回本之選🤤牛肉鍋大大兜 湯底相當鮮甜 🥢一品料理類 鹽燒珍寶大蝦 鑊炒薯仔安格斯牛柳粒 照燒汁炒牛舌 辣酒煮花螺 芝士黃金焗帆立貝 秘製香蒜焗廣島蠔 🥢爐端燒•鐵板燒類 汁燒翠肉瓜 西京燒比目魚 燒菠蘿 香草燒羊架 板燒牛仔骨 平時出去食串燒人均都差唔多兩舊水 而家無限任食勁爽🥺 🥢炸物類 自家製錦鹵雲吞 七味魷魚鬚 紫心香芋丸 榴槤炸彈 🥢天婦羅類 天婦羅炸蝦 天婦羅秋葵 天婦羅南瓜 🥢南亞風味 泰式冬蔭公 泰式手打魚餅 飛天通菜 泰式生菜包 辣椒膏炒青口 🥢火鍋 豬骨湯底 地獄湯底 壽喜燒湯底 ✨落完單轉個頭就上枱嘅放題真係未試過😂速度有啲驚人 咁快手真係好難食唔飽 同全日式放題比起多元化咁多 食多幾次都唔厭啦更多
除夕夜食放題🥳， 今次揀大本瀛日式放題，位於旺角西洋菜街1號兆萬中心10樓。 其實我們一行四人都好耐冇食放題😆， 好多時都水準參差， 但今次真是一個大驚喜🤩。 大約八點到達， 場內坐滿客人， 我們一坐低就快快落單， 點知上菜速度超快😯， 完全沒有漏單的現象👏🏻， 最重要是店員服務很好👍🏻， 整晚不停為我們換碟， ...是我食放題咁多年未見過的現象🤝🏻。 食物方面刺身、壽司🍣、熟食和炸物全部都幾好食， 刺身夠新鮮， 壽司飯唔會散， 熟食方面😋我推介羊架🍖、 牛仔骨、壽喜燒(牛肉入口軟腍) 、蝦串燒🦐和焗蠔🦪， 天婦羅🍤亦做得不錯， 最後甜品時間每人可以點兩款甜品另外再有雪糕， 甜品我推介椰汁紫米露， 有出面甜品店的水準， 雪糕🍦有movenpick， 大家記得留肚食甜品。 整個用餐體驗很好👍🏻， 希望餐廳keep住呢個水準，下次一定會再來😊。 🏷️溫馨提示～ 整個用餐體驗均屬個人分享意見， 只作參考😊。 大本瀛日式放題 地址: 旺角西洋菜街1號兆萬中心10樓更多
餐廳：大本瀛日式放題 (旺角) 地址：旺角西洋菜街1號兆萬中心10樓 今次係我第三次介紹兆萬中心高層嘅放題餐廳，黎到10樓嘅大本瀛日式放題，唔知又有冇邊幾款食物吸引到你呢？ 軟殼蟹手卷 一大舊金黃香脆嘅軟殼蟹放喺飯團中間，再用脆脆紫菜包住，每一啖都可以食到軟殼蟹，再加埋蟹籽同沙律菜，成個手卷都非常豐富，唔洗蘸豉油都夠哂好味 ... 日式花蟹粥 用花蟹熬製煲成嘅粥，加上栗米同蟹柳，令綿綿嘅熱粥唔單止充滿蟹味，亦因為有埋栗米而甜甜地，幾好味，仲有兩隻花蟹腳可以咬下，食多碗都仲得 火山溫泉蛋 見到個名，黎到嘅時候見到又真係幾似火山🌋諗諗下仲好似日本富士山添😂做到蛋白同蛋黃都呈半凝固半熟狀態，一啖吸入口果下真係好爽，再加埋甜甜地鹹鹹地嘅醬汁，鍾意食溫泉蛋嘅人一定要試試 金菇肥牛卷 相信呢一款經典嘅食物好多人都有試過，當金菇吸收左肥牛汁，而肥牛又煎到少少香脆，再一啖咬落去嘅時候，肥牛同金菇口感嘅層次分明而滿口都充滿着肥牛醬汁，真係無得頂，簡單而美味 好野食點止咁少，仲有其他美食嘅照片就等大家自己去睇同試喇~更多
今日同朋友喺旺角行街，諗下諗下好想食放題，就去咗兆萬，可以比朋友慢慢一齊揀。 咁就有好多張嘅紙，乜嘢國家嘅菜式都有。來得放題又點少得魚生呢，我食過好多間嘅三文魚，呢一間嘅三文魚係最好食，因為佢好肥美，有啲差啲嘅放題，嘅三文魚係會腥臭，而呢一間完全唔會有同埋咬落去已經即溶。又叫咗個椒鹽雞粒，非常有水準，好有咬口，同埋好食過大排檔嘅...。而天婦羅炸物方面，就不過不失，而店員亦都好體貼俾咗一大碗嘅汁，如果好似我呢啲好鍾意食重口味嘅人就好啱，因為唔使再拎過佢啲汁！而肥牛金菇，都好好食唔會散曬咁。嘢飲方面係自助式嘅，有唔同類型嘅飲品，我就會鍾意飲茶多啲。同埋都有好多雪糕有嘅選擇。佢係開放式廚房嚟嘅所以大家可以望住佢煮嘢食，感覺上比較安心係即刻着煮既。以服務方面，店員係好留意你一寫完佢就會即刻來拎，而你一食完佢就會即刻收碗， 唔會比張枱有太多碗。係會感覺到店員係留意緊你，俾人有一種好專業嘅態度。更多
約左班小學同學去旺角打算食高質既放題，知道兆萬中心係放題集中地就約係度等啦！人齊之後就開始選擇今日午餐～咦咦咦～嘩~呢張海報有好大個刺身拼盤呀~ 就你啦！大本瀛！ 上到所在既10樓，轉左就可以直入餐廳，途中會經過兩個飲品櫃。 坐底唔浪費時間即時快快手落單叫野食，順手拎兩罐飲品潤下喉先。上食物好快，唔洗五分鐘已經開始有野上檯...。 第一個到既係我地order的小小海鮮拼盤，有鮑片、甜蝦、北寄貝、手切原隻八爪魚、日本角螺同至愛既挪威三文魚。 挪威三文魚帶有少少脂肪，但唔會話太肥，口感非常滑溜。 之後壽司大軍到達，先鋒有三文魚壽司、黑松露三文魚壽司，隨後有蒲燒鰻魚壽司、醬燒芝士蟹棒壽司， 仲有火灸京蔥三文魚壽司。 呢個火灸京蔥三文魚壽司真係不得了，三文魚雖經火灸，但係仍然保持到滑溜既口感，卻又加上京蔥的刺激感，恰好中和了三文魚自身的肥膩，著實不錯！ 然後燒物亦一一送上，燒有機波蘿、炭燒雞翼、岩鹽燒牛舌、汁燒冬菇串、鐵板牛舌、鹽燒鯖魚、鹽燒珍寶大蝦，另外有和風芝士焗廣島蠔。 呼~~奮戰左個半鐘都差唔多，拎杯Nestle出品Vanil-la口味既雪糕為呢次征戰畫上一個完美既句號。更多
我已經有好一段時間無食放題，一直都心癢想去，今次家庭聚會就提議去旺角食放題，岩哂中意食刺身既媽媽，順便幫佢慶生。旺角出名多放題，而且好多都係「大」字開頭，已經唔記得食過邊間，上網睇都眼花遼亂。 最後揀左呢間位於兆萬既餐廳，全因為佢晚市最早可於4:30入座，岩哂我地既要求。而家做梗優惠，經openrice訂座即送生蠔/海膽/特色...雪糕，適蓬新年長假，生蠔未有貨，所以我地揀左海膽。4:30入座$178、5:00入座$188，由於新年假，所以另加$10。 我地一行6人，海膽有一板半，雖然其一半板賣相唔靚，不過甘甜無怪味，正!! 刺身選擇雖然唔係我食過既放題中最多，但每款都岩我地食；而且退冰時間夠，食落唔會無味、凍冰冰；媽媽最中意食赤貝，非常脆爽。 唔太食生既妹妹就中意食壽司，呢度既壽司比平常size細少少，味道亦正常不過，中規中矩。 和風龍蝦沙律吞拿卷 各款炸物天婦羅都係新鮮炸出黎，熱辣辣一定好味；當中貓山王榴槤炸彈更係齒頰留香；海老天婦羅炸粉亦唔算好厚，可以試。 燒物都點左唔少，但原來掛住食，唔記得左影相… 最推介菠蘿，甜中帶點酸，開胃又解膩，一定要點；屋企人個個都讚既岩鹽燒牛舌，爽脆又彈牙；爆汁既燒翠肉瓜更係必點，可以中和下肉類既油膩感；帶點騷既羊架調味剛剛好，但每支骨有一半係肥膏；(加個小插曲，由於媽媽失望地講左句羊架一半係肥膏，點知職員聽到就即刻叫師傅燒番件比我地，而且仲要多肉少肥，估唔到職員如此細心)；鹽燒海蝦大隻有蝦味； 厚切既鐵板牛舌就同燒牛舌分別好大，係我唔太中意既軟淋肉質； 餐廳仲有泰式小食，我最中意就係食鳳尾蝦春卷，絕對唔係hea貨；飛天通菜有鑊氣，夠惹味；牛油雞翼都唔錯，蒜味唔會太搶； 一品料理中既牛油炒雜菌最搶手，炒得夠香，又唔會太鹹；牛柳粒都食得過；焗蠔用錫紙兜仔裝住，有別於普偏用蠔殼既做法，個人覺得比較乾淨；香蒜焗帆立貝較乾身，唔推介；芝士烤雞球不過不失； 最後仲有雀巢雪糕、心太軟、牛奶布甸、木糠布甸等甜品作結。餐廳提供既食物選擇唔少，一般放題店大路既食物都有，質素亦唔差；上菜快而準，每款食物都按我地order既數量，唔會因為一件雞翼或炸物就亂上、甚至唔上。 媽媽中意食沙律菜，但即使menu上無提供，職員都盡量滿足我地既要求，到廚房取沙律菜同沙律醬比我地，呢一份熱心對客、滿足客人要求既服務精神，絕對係餐廳既賣點!!更多
之前同朋友食過呢間大本瀛放題，價錢合理，夜晚食都係二百幾蚊，決定今次再帶朋友來吃晚市放題 都幾多款唔同種類既野簡，估唔到有泰式食物冬陰功湯，蝦餅、飛天通菜同埋豬頸肉等等.. 壽司方面:半燒過的三文魚，充滿油脂，入口溶化 最深刻係海膽花之戀、份量比我地想像中多，而且品質OK! 和牛卷，牛味好重，入口溶化! 另外一定要食既係軟殻蟹...手卷，炸到脆卜卜，紫菜都係脆卜卜的，我地 都encore 左兩次 鹽燒大蝦真係好大隻，新鮮 炸物叫了一些天婦羅，也有芝士年糕等，有我最喜歡的榴槤炸球，係貓山王黎嫁，咬落去即刻有榴槤蓉流出嚟，超鍾意 最後嘅甜品揀咗3.6牛乳布甸及木糠布甸，不錯既作結更多
第一次同朋友去兆萬e間大本瀛放題。6點時段入座，任食2小時，每位$198加一。 望望menus ，見款式好多，特別有泰式料理同火鍋可以任食！🥳 刺身好多款，三文魚、帶子、北寄貝、馬刀貝、泰式虎蝦都新鮮，鮮甜呀！👍🏻 有機燒菠蘿多汁香甜，冇怪味！芝士蠔肥美，醬汁好好味，encall !🥳 炸物每樣都分碟上，熱辣辣！👍🏻...👍🏻 士多啤梨咕嚕肉，酸酸甜甜幾好味，d肉彈牙，外皮炸得鬆脆！👍🏻👍🏻 炸蝦餅正常。泰式通菜，炒得香、爽口，又唔會油琳琳，encall ! 仲有壽喜煱，出面幾十蚊個都未必食得飽，呢度有得任食，仲要湯底唔差，有驚喜！😊👍🏻 甜品幾好。黑芝麻糯米糍唔會太甜，有芝麻香！朱古力心太軟都唔會死甜，細細粒，朱古力味濃郁。牛乳布丁食落香香甜甜，有牛奶香。更多
用餐時間尚早，但已經有幾枱人坐，可能太遲book位，被安排近門座位，座位算寬敞，so far 職員態度都唔錯，上openrice見甩單情況常出現，我地今日又未有發生。 放題選擇幾多，有日式又有泰式，基本有刺生、壽司、炸物、卷物、串燒等，另外有壽喜燒，中午時段未想食住，但都見幾枱人客有order。 特別係卷物，有黑松露三文魚拖羅...蓉卷、香蔥和牛卷，值得一試。 飲品選擇中規中矩，沒大特別。更多
