吳若希向男友道歉 稱拒再談感情事

【星島日報報道】吳若希（Jinny）與男友Alex Ho戀情公開後，男方被揭有「正印」Toby Sin，令Jinny頓成「第三者」。雖然男方已澄清還女友清白，但Jinny昨晚亦在facebook上載一張在夕陽照，並貼文寫道，指事件令她與男友及身邊人受到困擾和壓力，故此以後不會再回答感情事，強調「我依家過得好開心同幸福。」 吳若希貼文寫道： 「致關心和愛錫我的朋友及傳媒們： 一直希望係適當時間公開戀情，既然日前被熱心讀者『捕獲』，那就順勢公開同Alex Ho情侶關係，原本公開戀情係件開心事，估不到連日發生很多是非，令我哋受到困擾同壓力。 首先好想同我男朋友道歉，佢真係一個好簡單對身邊朋友都好好的人，同時亦要同佢的身邊朋友、家人、工作夥伴道歉，因為我的藝人身分令佢哋承受好大壓力，好多謝佢哋體諒，我絕對唔想佢哋因為我而承受不必要H壓力同影響正常生活，所以有關男友Alex Ho的事，我日後唔會再答，希望可以還佢哋一個平靜生活，唔想佢哋生活喺是是非非當中，請大家原諒我日後唔再回答有關感情事，我覺得拍拖係兩個人的事，只有我哋知道對方點對自己，再一次說聲『抱歉』，希望大家給予我們祝福同空間，我依家過得好開心同幸福，不用擔心我，感謝。」

睇更多