政Whats噏：單仲偕失自動增值八達通 取消唔到
20180905
東網電視
更多新聞短片
單仲偕自爆今早遺失有自動增值功能嘅八達通。
八達通係好多香港人生活嘅必需品，前立法會議員單仲偕喺社交網站貼文自爆今早(5日)遺失有自動增值功能嘅八達通，但係聯絡銀行同八達通公司都取消唔到自動增值。唔知佢會唔會損失慘重呢？
單仲偕話，自己首次打去銀行取消自動增值，銀行職員好有禮貌咁回覆話，銀行系統上不能取消，不過佢哋就主動協助單聯絡八達通公司報失，八達通公司職員立即幫忙報失該張八達通，但就無法取消自動增值。
單引述八達通公司職員話，報失3小時後嘅自動增值才毋須失主承擔。單話即係失主要承擔3小時內嘅損失，批評點解銀行同八達通公司都取消唔到自動增值，叫大家將有自動增值功能的八達通放入保險箱，好好保管，千萬千萬不要遺失！聽到火氣好大咁喎！