【Viu】「壽星仔」姜濤以藍白造型現身《海洋王國．生日慶典》，同3000名幸運姜糖齊齊切蛋糕慶祝25歲生日，仲得到幸運之神眷顧，表演期間即停雨兼放晴，難怪壽星姜頻頻話要多謝上天！
由升降台升上嚟嘅姜Admin，笑言第一次企升降台，又話自己都想留喺度玩，開心仔返嚟喇！期間姜濤剖白心聲，直言呢兩年經歷高低潮，一度擔心今年仲有冇Fans幫自己搞生日Party，又話會繼續努力向所有人證明自己，希望Fans鍾意姜濤係值得驕傲嘅事！
最後姜Admin清唱《好得太過份》回饋「姜家人」嘅支持，一度爆笑自嘲忘詞，又同全場Fans Selfie留念，So Sweet！
