RTHK32 5:00PM播映 on.cc東網直播 均業北區惡鬥標準流浪

均業北區上場一度領先兩球，惟最後僅以3比2險勝晉峰，主教練梁志榮承認球員的集中度和爭勝心不夠強，有繼續改善的必要。北區是役會與第7位的流浪正面交鋒，「細榮」直言勝負對今季最終排名相當關鍵：「嚟到季尾難喺強隊身上攞分，但對同級對手我哋仍然有力一戰，希望餘下賽季喺積分榜可以保持目前排名。」好消息是韋法頓康復進度理想，今場有望復出。

肯迪上場射入12碼，各項賽事已累積8入球、6助攻，他笑言對今季表現感到滿意：「踢得非常好，始終第一次嚟到香港踢波，天氣、比賽節奏都要時間適應，希望最後入球同助攻都可以達到雙位數。」這名巴西籍中場又認為球隊近期演出穩定，有信心面對同級對手流浪，可以全取3分。

上周輪空的標準流浪，為爭取前6，今場鬥北區不容再失，但總監李輝立（Philip）卻指球隊不會對聯賽太上心：「呢場波屬於名次之爭，只希望以戰養戰。」

Philip又強調現階段會專心備戰下月對傑志的「賽馬會菁英盃」決賽：「場決賽係全季入面最重要，連續兩季都入到盃賽決賽，大家都好期待。」陣容方面，盧均宜、陳耀祖雙雙刑滿復出，而上場因教練團填錯出場紙，導致只能作壁上觀的兩名中堅林堂真、崔佑在，同樣可以候命。

年僅18歲的趙正宇早前因應付香港中學文憑試（DSE），錯過部分球隊訓練，但上場首次在聯賽正選上陣，表現令人留下深刻印象。今場面對實力相若的北區，身形較為輸蝕的「宇仔」，直言不會懼怕，將全力與對手一拚。