童顏做江湖大佬 黃嘉樂唔敢剃鬚
20180316
東網電視
更多新聞短片
童顏都有童顏嘅壞處…
藝人黃嘉樂今日到電台接受訪問宣傳劇集《果欄中的江湖大嫂》。今次他飾演的是一名退隱江湖大佬，不過他就說自己太童顏因此有挑戰：「我個角色係好後先出，都差不多挨近結局咁，劇入面我有位第一打手，係李天翔，所以我一定要留鬚先可以做呢個大佬嘅角色，如果唔係拍埋去就會變咗我係細佬，我話你千祈唔好叫我剃鬚，如果唔係不如換角罷喇！」他說會在劇中與江嘉敏發展一段純真戀情：「我哋冇咩親熱戲，因為係一段puppy love，雖然好似好怪咁，不過我真實年紀都同佢係差好遠，拍嘅時候佢同做我個妹嘅馮盈盈兩個就好似左右門神咁，真係好嘈！」
他透露最近客串劇集《十二傳說》，又在《白色強人》中飾演為理想做腦科醫生的富二代，他說被劇中的英文專業名詞考起：「始終唔係母語，所以都要好努力練習先得。」問到工作上劇接劇，豈不是冇時間處理人生大事？他笑言：「唔使處理喇，不嬲都好穩定。（冇時間拉埋喎！）我想喺事業上可以進步多個台階先，我唔貪心，唔係話要做當紮小生，不過起碼可以多啲做到劇中的主要角色咁，我覺得一個男人應該要有照顧另一半嘅能力先至諗結婚嘅嘢。」
----------------------------
東網巨星開咗ig喇，大家快啲follow啦！