【薪酬調整】公務員事務局公布，行政長官會同行政會議決定 2022 至 23 年度公務員劃一加薪 2.5%，生效日期追溯至今年 4 月 1 號。當局表示，政府肯定公務員同事過去 1 年付出嘅努力，尤其係第 5 波疫情下有超過 14 萬名政府僱員投身抗疫，肩負高風險工作並竭力維持公共服務，但鑑於現時香港經濟前景存有不確定性，亦預計今個財政年度會出現赤字，喺平衡各項因素後作出劃一加薪嘅決定。