林作媽媽擺70歲大壽邀裕美證關係破冰 對兒仔婚事抱觀望態度 裕美與林作媽媽王莉妮(Lily)一向關係唔多好,呢日林作媽咪擺70歲大壽,裕美竟然有現身送花似乎「婆媳」關係破冰,原來林媽媽眼見裕美早前喺醫院悉心照顧患病嘅林作,最終被裕美感動。 被問係咪寓意已接受裕美,林媽媽未有正面回應:「下回分解,我哋隨時喺埋一齊、隨時又分開,今晚餐飯之後可能未必見面。」裕美希望努力照顧林作及林媽媽,而被指為林作同裕美拉紅線嘅麥玲玲亦有出席壽宴。 林媽媽雖然跟裕美關係緩和,不過佢對二人婚事抱觀望態度,而林作自認個性貪玩,似乎未有結婚計劃,林媽媽生日願望係旺大家順利搵多啲錢。 #裕美 #林作 #王莉妮 #Lily #婚事 #患病