26
12
11
營業時間
今日營業
12:00 - 15:00
18:30 - 21:30
星期一至日
12:00 - 15:00
18:30 - 21:30
以上資料只供參考, 請與餐廳確認詳情
食家推介
好耐冇咁投入食一頓飯啦，咋日試咗間餐廳，開心到唔得喇 🥳！洋蔥汁安士牛扒配上意粉，簡直係滋味滿分！牛扒唔止外皮煎得香口，入面嘅肉質嫩滑得嚟又帶咗少少嚼勁，咁香濃嘅洋蔥汁，真係岩哂我杯茶。每啖牛扒，洋蔥味道都好夠晒，真係勁正💯！凍奶茶就冇得輸，係咁滑咁香，茶味夠晒勁，簡直係解渴又解饞嘅完美選擇！估唔到慢工出細貨，兩位店主剪燭夜戰，一手一腳忙嗮，睇得出佢哋真嘅放心機整飯。雖然等嘅時候有啲心急，我鐘意食物用心準備嘅感覺，咁嘅味道值得等！又係啦，對我哋呢啲放工食飯嘅人黎講，可能就要做好心理準備，唔可以太趕💨。不過啖啖肉，真係食到個肚好滿足，滿足到都忘記左啲油煙味。返到辦公室嗰陣，胃口仲係好開心嘅😋！下次要試埋佢哋嘅其他拼盤，仲計劃緊同幾個老友記一齊去，咁就可以食得更加盡興啦！
繼續閱讀
最近到咗一間唔錯嘅餐廳，食咗幾樣野我心水咗！首先嚟碟牛扒搭配鵝肝，啲牛扒咬落去肉質鬆化，煎至金黃色外表，欣賞到當中火侯掌握得啱啱好，略帶彈性又唔會太嚡。嗰個黑椒汁輕身啲，食落又唔會過於嗆辣，同扒媲美嘅就係鵝肝嘅滑溜口感同醇厚嘅味道👍！再講講羊架，呢度嘅香草汁伴隨住，感覺提昇咗整個菜嘅層次，羊架烤得微微金黃，啖啖肉感唔錯，雖然烤得有啲過火，但總體來講仲算頂級。湯嘅部份我揀咗香草忌廉湯，飲一啖，清新草本香氣拂過口腔，粟米味幾突出，而且滑溜得黎有點甜，令人回味無窮。配菜做得簡單得很，但鮮美脆口嘅西芹真喺幾健康。最後要讚讚店員熱心嘅服務同老闆嘅關懷，每逢問答總係熱情又貼心，體貼我哋味覺需要。心水推介做得出色又有人情味嘅餐廳，食過之後令人滿足嘅大飽口福😋🍔🍴!
繼續閱讀
前言我一直想寫多篇食評俾九江街農場，事關我之前寫既一篇農場食評竟然寫錯左係佢既分店到。正文臨近中秋，陳老闆日日都係社交平台出優惠，見到咁抵玩，作為CP值之鬼緊係要去試下。所以今日出開太子拎大班冰皮同買奇趣既出爐月餅，就順便去農場開餐。可能因為有優惠，今日都幾滿下，得個吧枱可以坐。坐低後我就靜雞雞走過去用優惠落單，跟手加多個是日小食。小食先埋枱既係照燒秋刀魚拼咖哩三文魚頭。一如以往，10蚊大大份小食。秋刀魚解凍得好，味濃唔梅有咬口，食到果陣魚油香同鐵味，但照燒汁太多，唔撥走啲汁比較難入口。而三文魚頭因為本身有先炸過，唔腥易入口，不過個咖喱味較人工，冇香料味。短評： 小食汁還汁魚還魚，層次欠奉。不過作為主角既魚正常發揮，以10蚊既價錢，已經係超滿分水準。主菜老闆見我差唔多食完小食，就開始煎塊牛。到我食完小食果陣就，塊3成熟12安士既美國西冷就上枱。西冷正常係較韌，不過呢塊美國西冷牛味濃郁、肉汁豐富，黑椒味點綴下，要人𡁻多幾下都無妨。伴碟既蕃茄同羽衣甘藍亦都鮮甜可口。仲跟埋意粉包你食飽。短評：牛扒樸實無華，大概係 donki $60/250g 既水準，不過同小食一樣，就係層次欠奉。假如牛脂起鑊，同蒜頭香草一齊香煎，再加小小黑椒海鹽調味已經可以升一個等級。最例牌送上既鳳凰卷。一般，略。結語因為已多次惠顧，老闆再計平我5蚊。埋單87，平到我都唔好意思。唯有祝佢中秋快樂、生意興隆啦！評分牛扒 $82cp值 - 5/5味道 - 4/5 （比較範圍：$100-$200）Overall - 4.5小食 $10cp值 - 5/5味道 - 3/5 （比較範圍：$50-$100）Overall - 4
繼續閱讀
其實幫襯左唔少次今次帶埋朋友去試大家都覺得幾好食所以想寫食評分享比大家知呢間舖冇youtuber講得咁差個牛肝菌汁我試過幾次都好正常架😂 三個人lunch去食1. 牛肉眼配意粉（蒜蓉汁）我叫左少意粉呢個牛size係6-8oz $88牛我叫5成熟，肉質嫩林青椒都煎到焦香 2. 魚柳意粉（蒜蓉汁）呢個size都係6-8oz $68朋友話都ok，係咸左少少圖片係佢切左幾啖先影 3. 牛肉眼配薯仔（洋蔥汁）呢個size就係9-12oz $128個薯仔有啲似薯蓉，但又唔完全係仲有一舊舊薯仔質感有調味咸咸地香香地，我覺得幾好食！呢塊扒都係叫5成熟但食落比上面果塊硬身同乾身啲但都ok真心唔差朋友第一次試呢間餐廳都話喜出望外 我地有兩位加$10飲佢個湯係好多蔬菜既牛肉蕃茄湯似中湯西芹好爽脆清甜不過本身食牛同意粉已經好飽都食唔晒啲配料 另有送左啲杏仁粒蛋卷話係甜品不過覺得唔太夾同埋都飽啦所以都冇食晒 我食過呢間唔少次坦白講個水準唔算100%穩定例如有時食到啲牛幾韌幾年前食晚餐同午餐都試過等好耐先上菜但覺得老闆有心機做近排出餐時間都正常同埋真心欣賞佢啲牛唔係出面落晒鬆肉粉好假果啲，同埋有牛味佢啲汁同配菜都幾有自己特色當然佢環境唔係好好eg食完個身會有油煙味深水埗街坊有時講野好大聲等等 但整體對得住價錢我覺得抵食架亦值得比個機會佢 附上餐牌（呢排改過幾次）
繼續閱讀
未發生KOL事件前,已有幫襯,再聽完個新聞發覺太多人去炒作或攻擊,所以再去食。 當晚大約20:35去到,已經有兩圍檯有人坐緊,嗌左個9安黑椒汁牛扒五成熟$78 , 一上檯,嚇左一嚇,大份到根本就係兩人份量, 略嫌個汁多左D, 但個牛一D都唔韌, 雖然飽, 但為左尊重廚師, 都將成塊牛扒消滅左, 非常有滿足感, 而且絕對唔係出面D人老吹到點樣好食法既嗰D餐廳, 又韌又鞋又冇肉味又味精重。 所以整體尼講對今次既評價好滿意同食得十分滿足, 起碼食左唔會狂飲水。
繼續閱讀
您可能會有興趣的...