دیکھ لے (منا بھائی ایم بی بی ایس)، سجنا وے سجنا (چمیلی)، بیڑی جلیلے جگر سے پیا (اومکارا)، ساکی (مسافر)، ڈانس پہ چانس (رب نے بنا دی جوڑی)، کریزی کیا رے (ریس)، شیلا کی جوانی ( تیس مار خان) جیسے کئی ہٹ گانے گانے والی سنیدھی چوہان کو بالی ووڈ کی شکیرا بھی کہا جاتا ہے۔ (تصویر -instagram@sunidhichauhan5)
سنیدھی چوہان کا میوزک انڈسٹری میں کیریئر کا آغاز دوردرشن پر نشر ہونے والے ریئلٹی سنگنگ شو ‘میری آواز سنو’ سے ہوا تھا۔ انہیں میوزک انڈسٹری میں متعارف کرانے کا سہرا مرحوم اداکارہ تبسم کو جاتا ہے۔ (تصویر -instagram@sunidhichauhan5)
سنیدھی چوہان نے 11 سال کی عمر میں بالی ووڈ میں اپنا پہلا گانا ‘دیوانی لڑکی دیکھو’ گایا تھا۔ اس گانے میں ادت نارائن نے ان کا ساتھ دیا تھا۔ یہ سنگر اب تک 2000 سے زائد گانے گا چکی ہیں ۔ انہوں نے نہ صرف ہندی بلکہ ملیالم، پنجابی، کنڑ، بنگالی اور بھوجپوری جیسی کئی زبانوں میں گانے گائے ہیں۔ (تصویر -instagram@sunidhichauhan5)
گلوکارہ کی پیشہ ورانہ زندگی جتنی کامیاب رہی ہے، ان کی ذاتی زندگی اتنی ہی ہنگامہ خیز رہی ہے۔ سنیدھی کی عمر صرف 18 سال تھی جب پہلی بار ان کی زندگی میں محبت نے دستک دی تھی۔ گلوکارہ محبت سے اس قدر گرفتار ہوئیں کہ گھر والوں کے خلاف جا کر شادی کر لی۔ (تصویر -instagram@sunidhichauhan5)
سنیدھی کو کوریوگرافر، پروڈیوسر اور ڈائریکٹر، اداکار بوبی خان سے پیار ہو گیا تھا۔ مذہب ان کے رشتے میں ایک بڑی دیوار بن چکا تھا۔ انہوں نے اپنے والدین کے خلاف جا کر بوبی خان سے شادی کی تھی۔ (تصویر -instagram@sunidhichauhan5)
کوریوگرافر احمد خان کے بھائی بوبی خان کے ساتھ سنیدھی چوہان کی شادی صرف ایک سال تک چل سکی۔ جہاں گلوکارہ نے اپنی فیملی کے خلاف جا کر بوبی کا ہاتھ پکڑا تھا، تو وہیں ان کے شوہر نے اپنے خاندان کے سامنے ہتھیار ڈال دیے اور سنیدھی سے علاحدگی اختیار کر لی۔ (تصویر -instagram@sunidhichauhan5)
2002 میں شادی کرنے والی گلوکارہ نے اپنے پہلے شوہر سے علاحدگی کے بعد اپنے کیریئر پر توجہ دینے کا فیصلہ کیا اور بالی ووڈ میں نام کمانے میں مصروف ہوگئیں۔ 19 سال کی عمر میں طلاق کا درد جھیل چکیں سنیدھی کی زندگی میں 2012 میں ایک بار پھر محبت نے دستک دی ۔ (تصویر -instagram@sunidhichauhan5)
24 اپریل 2012 کو سنیدھی چوہان نے میوزک کمپوزر ہتیش سے دوسری شادی کی۔ اس شادی سے سنیدھی کا ایک بیٹا بھی ہے۔ سنیدھی نے ایک بار ‘بالی ووڈ ببل’ کے ساتھ اپنی پہلی شادی ٹوٹنے اور والدین کی ناراضگی کے حوالے سے اپنا درد شیئر کیا تھا۔ اس دوران انہوں نے بوبی خان کے ساتھ شادی کے فیصلے کو سب سے بڑی غلطی قرار دیا تھا۔ (تصویر -instagram@sunidhichauhan5)