蔡一傑 三七面至型
四十八歲嘅蔡一傑(傑仔)係一位型男,就不容置疑,早年一直有傳佢同張耀揚有密切嘅來往,兩人又不時互訪對方嘅住所,兼且畀人影到撐枱腳,關係撲朔迷離。之但係,一四年張耀揚北上攬女,自此佢哋就冇再被發現一齊。有傳,傑仔因為呢件事而終日借酒澆愁添。
不過,東姑睇到傑仔近排嘅生活,又變番多姿多采,就知道佢冇晒事啦!照舊鍾意群埋啲猛男堆玩嘅佢,出嚟食飯、飲酒時毫無架子,成日同啲朋友攬頭攬頸影合照。東姑仲發現一樣嘢,傑仔同啲港女有一個共通點,合照時經常擺個三七面出嚟。其實,傑仔橫睇掂睇都咁型仔,唔使為咗就鏡頭而坐到斜晒吖。