才藝比拼節目《全城一叮》開戰 蔡一傑伍詠薇盼見新星誕生 #TVB 處處卧虎藏龍 ,為咗令一眾藝員同事可以一展所長,所以就開拍由 Bob Lam 林盛斌 同 Crystal Fung 馮盈盈 主持嘅才藝比拼節目《全城一叮》。呢日兩位主持,同嘉賓評判 伍詠薇 Christine Ng 蔡一傑 ,仲有參賽嘅 黃建東 Derek Wong 利穎怡 Joan Lee Athena Ng 吳綺珊 李君妍Aurora Li 蕭麗芠 #黃紫恩 劉展霆 EDEN LAU 就為節目進行錄影。 伍詠薇同蔡一傑話最希望可以睇到一顆新星誕生,仲話藝員同事平日忙住拍劇而隱藏咗自己嘅實力,所以希望佢哋可以喺節目入面盡量發揮。問到佢兩個評分時會唔會口下留情?蔡一傑就話都會就住嚟,仲話如果對方唱/表演得好,唔排除會邀請對方嚟自己10月嘅演唱會上露兩手添。 阿Bob同盈盈就話今次個節目係想發掘公司一啲平時唔多起眼嘅藝員同事,畀機會佢哋喺公司嘅黃金時段做個人表現,阿Bob話單係綵排嘅時候,已經見到大家都好畀心機咁演出,所以自己相當期待。而盈盈就話最想係了解同事嘅故事同背景,因為好多都好感動。 利穎怡、吳綺珊、李君妍同蕭麗芠組成女團,對戰自彈自唱+Rap嘅黃建東,同表演跳舞嘅黃紫恩同劉展霆,大家想知結果嘅話,到時記得收睇! #全城一叮 #林盛斌 #Bob #馮盈盈 #伍詠薇 #蔡一傑 #黃建東 #利穎怡 #吳綺珊 #李君妍 #蕭麗芠 #黃紫恩 #劉展霆