逆天奇案2｜大結局眾演員合體欣賞 薇薇憶向展鵬深情示愛爆喊

《逆天奇案2》星期五播出大結局，全劇演員都齊集電視城齊齊收睇緊張又溫馨嘅劇情，除咗女主角 林夏薇 睇到喊之外， 方力申 黃智賢 蔣祖曼 劉佩玥 馮盈盈 同 張頴康  佢哋都一樣非常肉緊呀。

薇薇對同煎Pan嘅一段深情對話，仲係呢集焦點，呢場雖然分開拍，不過佢哋就一早約定要現為對方培養情緒同投入劇情喇。大家都話睇到眼濕濕非常感動，而阿Moon仲對其中一場見到香港美景嘅畫面特別有感觸。

至於劇中重點CP阿Ben同Joman呢一對，一場逆求婚戲亦都成為大家嘅焦點，而 王鎮泉 客串嘅一場英文新聞報道戲，亦獲大家大讚呀。

突破扮演大奸角嘅小方，最後亦未有好結果，佢仲話拍攝時大家一直非常認真，而大家重聚一齊欣賞仲令感情更好咁話。總監製 劉家豪 同太太 梅小青 亦都有粉墨登場客串，令佢哋兩位留下最珍貴嘅紀念。

雖然家豪哥早前指今次係榮休之作，不過大家都希望《逆天》繼續拍攝新一輯，而佢就指要先休息湊孫去旅行享一陣清福先，其他嘢就等充完電之後先再決定喎。