【咀呀！】109歲壁咚之吻VS超激女上男下

初戀呀！我要初戀呀！無論你是黃毛丫頭，還是年過半百之齡，都同樣需要愛，因為愛是最大權利！昨晚（14號）播出的劇集《愛．回家之八時入席》，就由黎耀祥和毛舜筠教曉你如何愛到109歲，仍有「初鏈」的感覺，黎耀祥今年52歲，毛姐則57歲，兩位在劇中飾演歡喜冤家曉臣（邦主）和小小（細姐），經常鬥嘴，但其實內心都為對方留下一個重要位置！

網民睇到擰歪面

話說最新這一集，二人因小事而發生強烈爭執，邦主即在細姐面前展示辛苦搜羅回來的電影光碟，細姐發現邦主做的一切，原來都是為了自己，即百般滋味在心頭，忍不住情深款款望實邦主，豈料此時邦主突然踢門，再「壁咚」細姐，睇到觀眾嘩嘩聲，仲未夠？邦主再來一招吻下來豁出去，與細姐情不自禁親吻起來！結果這一個「半世紀之吻」，惹來網民熱烈討論，紛紛表示想不到無綫會如此破格，安排兩位前輩級藝人錫錫，睇到人心跳加速，有網民坦言自小學之後第一次睇人咀會唔敢睇，嚇到擰轉面，有些網民更大呼沒想到兩位50+演員會上演偶像劇橋段，更萬萬想不到黎耀祥竟可以如此霸道，毛姐則可以如此嬌羞，好有校園feel呀！

葡萄Bosco有靚女情挑

略嫌呢對未夠喉？未夠激？得得得！睇完《愛．回家之八時入席》，即可接住收睇人氣劇集《幕後玩家》，同一個晚上，最強小三劉佩玥（Moon）再次情挑黃宗澤（Bosco），在劇中飾演公關能手的Bosco表面上是一個好老公、好爸爸，卻於最新播出的一集，趁住老婆龔嘉欣看電影的空檔，回公司工作，此時身穿低胸裙的阿Moon推門而入，還嗲聲嗲氣投訴Bosco最近對她很冷淡，更主動坐在Bosco大腿上，問Bosco她的唇膏香不香？極具挑釁性！試問男人點忍？Bosco終按捺不住激吻她，此時老婆致電給他，也置之不理，還激動地扯阿Moon頭髮，看得網民熱血沸騰！大罵他們過份，有網民更表示很羨慕Bosco，想不到同一個晚上，一對50+玩「壁咚」，一對20+玩「女上男下」，雙線劇集一次過滿足你兩個願望！

網民有話兒：

齊XX雄_：食緊飯咁啱睇到呢幕，即刻咩胃口都無晒，仲想嘔

朴X榮：毛姐後生幾正

香ＸＸ布甸：我又係好耐冇睇，睇到最後果（嗰）幕忍唔著（住）叫左（咗）出黎（嚟）

Hello XX：邦主咀細姐，我個心離一離

MK_XX：阿Moon好賤！但又幾正嘅

王X小：點解Bosco要咁對老婆？

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon