十八樓Ｃ座（18/F Block C），係香港商業電台嘅長壽廣播劇，喺1968年七月三日起播。劇情以諷刺時弊，嬉笑怒罵，引起香港人共鳴為主。早期嘅開場白有［十八樓Ｃ座？冇錯！係十八樓Ｃ座。］同埋［收掛號信呀！邊個呀？十八樓Ｃ座。］

初時《十八樓Ｃ座》嘅背景喺官塘嘅一棟大廈，主角叫劉百奇、周影塵兩夫妻，佢哋住喺十八樓Ｃ座，故事係講樓下一班人嘅生活世界，而周老闆就喺街邊開茶水檔。後來劉百奇兩夫婦喺1978年移民，故事就轉到去灣仔《噴火筒雜誌社》總編輯丁三一身上，周刊總部就喺灣仔某大廈嘅十八樓Ｃ座，而茶水檔嘅周老闆亦喺灣仔買咗個地舖，開咗［周記冰室］。到1988年《噴火筒雜誌社》嘅場景完全淡出，之後就由周老闆擔大旗，場景就以［周記茶餐廳］為主，而周老闆喺灣仔嘅屋企亦係喺十八樓Ｃ座。

十八樓Ｃ座廣播劇人物

人物稱呼　聲演　　角色背景

劉百奇　　楊廣培　職業係營業主任，住喺觀塘某大廈十八樓Ｃ座 　　　

周影塵　　尹芳玲　職業係攝影師，劉百奇嘅老婆　　

丁三一　　馮展萍　噴火筒雜誌社總編輯，角色後來轉化成大編輯

周老闆　　金剛　　全名周新都，係周記茶餐廳老世

程公　　　金貴　　全名程德祿，職業係探長，之後移民到夏威夷

煙屎澤　　金貴　　角色後來轉化成孤寒鐸

鬍鬚仔　　陳森　　原名胡百通，係通天經紀，口花花，腦轉數快

阿英　　　吳惠玲　周老闆個女，聰明伶俐，英移民英國

祥嫂　　　朱雪梅　原名朱惠芳，花名後欄皇后，喺茶餐廳洗碗

冇牙三姑　陳慕賢　周記常客，同周老闆、鬍鬚仔係大廈鄰居

周紅　　　陳慕賢　經常賣弄風騷嘅搞鬼角色，同祥嫂成日頂嘴

鐸叔　　　李錦　　綽號孤寒鐸，周記兼職伙記，自稱炒散王

大編輯　　李錦　　周記嘅常客，某報章編輯

阮南安　　李錦　　早期嘅越南船民，對周紅唯命是從

關老師　　甄錦華　退休老教師，知書識禮

包租公　　甄錦華　本姓包，祥嫂嘅房東，自認股票通　

大隻標　　甄錦華　中港來往散工司機，自認中港江湖老手　　

水哥　　　葉佳　　周老闆伙計，經常同祥嫂一唱一激周老闆

水嫂　　　馬淑逑　水嫂喺周記舖前開報攤

柳師奶　　馬淑逑　周記嘅客仔，間中出現

多仔公　　何文光　靠仔女多而攞綜緩，好食懶飛

的士高　　何文光　的士司機，怕老婆，口頭禪：就係咁簡單

拉表叔　　馮志豐　原名司徒拉、周老闆嘅親戚

胡錦　　　泰山　　胡百通個侄，兩人性格相似，身形拍得住周老闆

輝仔　　　陳聰　　宅男大學生，鍾意打機，經常同周老闆頂頸

蕃茄仔　　許耀斌　英文名〔Frankie〕，律師，間中出現

阿君　　　薛梅　　冇牙三姑契孫女、喺青少年中心做，間中出現

鄭麗美　　伍甄琪　地產經紀，胡百通嘅徒弟，又叫精甩尾

明仔　　　伍甄琪　小學生，無牙三姑契孫

任意菲　　張子君　空中服務員，通常出現喺鄭麗美唔出現嘅時候

阿昆　　　鄺兆昌　大隻標好友，原本係中港司機，後轉行做網購

阿錕　　　冼坤林　錕記豬肉老闆，係周記嘅豬肉供應商

靜怡　　　蔡靜怡　冇牙三姑契女，上班族，有個仔叫Ｂ仔

阿佩　　　陳珮珊　英文名 Sindy，程公侄女

德仔　　　邵傳勇　程公侄仔，同阿佩、程公一齊住

丁噹　　　馬蹄露　報館記者妹，丁三一細侄女

胡椒粉　　鄺偉明　胡百通嘅阿叔

萬年青　　王德全　灣仔區議員，角色後來轉化成乜議員同陳大文

蛇仔利　　吳忠泰　職業係的士司機

水少　　　慢必　　水哥同水嫂個仔，間中出現

平少　　　快必　　周老闆伙計，有時候幫手外賣

乜議員　　張迦南　灣仔區議員，極少出現

賣菜婆　　陳淑儀　周記嘅客仔，間中出現

梁師奶　　陳淑儀　周記嘅客仔，間中出現

華記老闆娘陳淑儀　周記嘅客仔，間中出現

凌姑娘　　陳淑儀　職業係社工，間中出現

陳大文　　鄔家麟　灣仔區議員兼立法會議員，極少出現

嘉嘉　　　黎淑芬　地產經紀，舊樓收購集團代表

阿軍　　　待核　　原名張軍，拉表叔朋友，有大陸口音

香港回憶。廣東話資料館